Һәр милләт өчен иң моңлы көй – милли көй,иң матур тел – милли тел. Әнә шуны тоеп, ләззәтләнеп яшәгәндә генә кеше эшләргә дә, укырга да сәләтлерәк була. Шундый бәхетне югалтмас өчен без ана телен белергә һәм сакларга тиешбез.
Туган тел үзенең яңгырашы белән колакны назласа, ягымлылыгы белән исә күңелне юата, кешедә изгелек хисләре уята. Ягымлы ана – теле бигрәк тә балаларга аң-белем һәм тәрбия бирү өчен иң шифалы чишмә чыганагы. Милләт – халыкның яшәү формасы. Милләтнең төп күрке – тел һәм моң.
