шигырь

Кешеләр һәм кошлар язмышы.

Туган якка көзләр канат җәя

Күңел никтер моңсу- сагышлы...

Урман өсләрендә киек казлар,

“Торый-торыйк” торна тавышы.

Иген кыры газиз әнкәң кебек-

Төенчеген җыйган анда-санда.

Кырда икмәк исе - туган җирләр

Балаларын озата китәр юлга.

Бераз үзгә, бик охшаш та кебек

Кешеләр һәм кошлар язмышы...

Туган җирен ташлап торналарның

Чит җирләргә китеп барышы.

Әнисә Һадиуллина.