Людмила Санжижаповна Лебедева

Хэлэеэ гамныш, буряадни!

Yргэн ехэ дэлхэй дээрэ

Yй тумэн зонууд соо,

Буурал холын тyyхэтэй,

Буряад арад бии юм лэ!

Тyбхинэн байhан нютагтайхан

Тyбшэн зулгы зантайхан,

Тyрyy сагhаа тушэг болоhон,

Тyрэл хэлэтэй, буряадни!

Хатyy сагай сууряан соогуур,

Хариин хэлэтэй боложо байхадаа,

Хайрата хэлэеэ хаянгyйгѳѳр,

Гамнажа ябыш, буряадни!

Эжыгээ yлдэhэн тэнэг шэнги,

Элинсэгээ орхиhон амитан шэнги,

Эхэ хэлэеэ намнаhан шэнги,

Эндyyржэ байнаш,  буряадни!

Тyрэл хэлэеэ мартаhан зониие

Һогтуу тэнэг гэлсэе,

Туухэ заншалаа гээhэн зониие

Һохор тэнэг гэлсэе,

Хариин хэлэтэй болоhон зониие

Һархуу hармагшан гэлсэе,

Харин  хэлэеэ хундэлhэн зониие

Һайхан буряад гэлсэе!

Хамаг монголтой тyрэлтэй гуулhэн,

Хаан Чингисhээ гарбалтай гуулhэн,

Хатyy хyнэй yринэр гyyлhэн,

Хайралыш хэлэеэ,  буряадни!

Хэтын хэтэдэ, холын харгыда

Хэлэеэ гамныш,  буряадни!

Yбдэг дээрэhээнь yргэн бодхоожо,

Yyрэй толондол яларан сасараажа,

Yргэн дэлхэйн альган дээрэ

Yргэжэ ябаял буряад хэлэеэ

Yнэр баян, yндэр заяата,

Yнэн сэхэ буряадни!