Авторские разработки ОД по национально-региональному компоненту
Тыва дыл кичээлдеринин конспектилери
Скачать:
| Вложение | Размер |
|---|---|
 "Ойнаарагым" | 49.11 КБ |
| "Азырал дириг амытаннар" | 168.25 КБ |
| "Опей ырылар" | 152.08 КБ |
Предварительный просмотр:
Школа назыны четпээн уругларнын муниципалдыг бюджеттиг ооредилге албан чери уруглар сады «Дюймовочка» Ак-Довурак хоорай
Кичээл
темазы:«Мээң ойнаарагым»
Тургускан башкы: Ооржак Орлан-кыс Демир-ооловна
Ак-Довурак 2023 ч
Октябрь Тема 1 | «Мээң ойнаарагым» |
Программа | Тɵрээн Тывам |
Ɵɵредилгениң угланыышкыны | Тыва дылга чугаазын сайзырадыры |
θске ɵɵредилге адырлары-биле холбаазы | «Билигни шиӊгээдирин сайзырадыры» «Күш-дамыр сайзырадыры» «Уран чүүл, эстетиктиг сайзырал» |
Эрттирер хевири | Өөредиглиг оюн хевири |
Ниити сорулгазы | Уругларга ойнааракты таныштырары |
Ɵɵредиглиг ажыл-чорудулгазы | Уругларны ойнаар ойнаарагынга камныг-хумагалыг, эштери- биле үлежип ойнаарынга чаңчыктырары. |
Сайзырадылгалыг ажыл-чорудулгазы | Уругларның дыл-домаан сайзырадыры. |
Кижизидилгелиг ажыл-чорудулгазы | Уругларны ойнаар ойнаарагының дугайында чугаалап билиринге кижизидери |
Ажыглаар арга методтары | Сɵс, оюн хевирлери, кɵргүзүг |
Кичээлге херек материалдар | Янзы-бүрү ойнаарактар |
Тускайлаң ажыл | Уруглар-биле бердинген чурук-биле тускайлаӊ ажылды чорудары |
Словарьлыг ажыл | Ойнаарак, ойнаарагым, ойнаар-кыс, машина, ыт, аът, инек, |
Белеткел ажылы | Тывызыктар, уругларның ынак ойнаарактарын белеткеп алыры |
Кичээлдиң чорудуу |
|
Кичээлдиң чорудуу:
Башкы: Экии, уруглар! Четтинчиптээлиңерем уруглар. Эштери-биле четтинчиптер, бот-боттарынче кɵржүр, хүлүмзүржүр. Эр-хейлер.
Тывызык:
Чем чивес чарашпай
Черге чорбас чарашпай
Чучак хептиг чарашпай
Чугаазы чок чарашпай (Ойнаар-кыс)
Уруглар, адыр, эжик соктап тур. Кɵрүптейн. Почтальон чагаа эккелди, номчуптайн. «Экии, Хээлер садигиниң уруглары! Мен силерниң кырган-аваңар, чаңгыс чер чуртууңар-дыр мен.Уругларга ынаам аттыг, ынчангаш силерге хапчыгашта ойнаарактар чоргузуп олур мен. Кырган-аваңардан» дээн дир. Кырган-ававыс бистиң садикке ынак болгаш уругларга ойнаарактар чоргузупкан-дыр, хапчыгашты ажыдып кɵрээлиңерем уруглар. Башкы уруглар-биле хапчыгашты ажыдып, ойнаарактарны столга уштуп салыр.
Уруглар, силер кандыг ойнаарак-биле ойнаарынга ынак силер? Кырган-ававыс биске дириг амыттаннар ойнаарактары чоргускан-дыр. Кырган-ававыска чүү дээр бис, уруглар? Алгыржыптаалыңар, дыңнавайн баар.
-Четтирдивис!
-Эр-хейлер.
Оюндан ойнаптаалыңарам, уруглар. Силер дириг-амытаннар ойнаарагынга ынак силер бе?
Оюн: «Чүү-дүр ол?»
Амытаннар эдип турган:
«Ии-хоо, ии-хоо!»
Чүү-дүр ол?
«Мɵɵ-мɵɵ, мɵɵ-мɵɵ!»
Чүү-дүр ол?
«Мяоң-мяоң мяоң-мяоң!»
Чүү-дүр ол?
«Ква-ква, ква-ква!»
Чүү-дүр ол?
«Чип-чип, чип-чип!»
Чүү-дүр ол?
«Куук-куук, куук-куук!»
Эр-хейлер.
Сюжеттиг- рольдуг оюн: «Чолаачы» (уруглар сандайларга олуруптарлар)
-Уруглар, чолаачы оюннун ойнаарыңарга силерге машинаның чүзү херек болду?(Рулю)
-Ам бо машинаны чүден кылган дыр, тудуп кɵрээлиңерем?
-Бо машинаның ажыы чүл?
-Аар дыр бе, чиик-дир бе?
-Ɵңу кандыгыл?
-Эр-хейлер!
Словарлыг ажыл: Ойнаар-кыс, машина аът, инек, пага, куштар, диис
Оюн: «Чүү артыгыл?»
Хуулгаазын хапчыгаш иштинде артык ойнааракты тып коруңерем. От хавы. От-хавы-биле ойнап болур бе? Чок. Ол дээрге ойнаарак эвес-дир.Эр-хейлер
Сула шимчээшкин:Ойнаарагым эңмежок
Ойнап турда онза-ла
Бажың тудар кубиктерим
Багай эвес аътчыгажым
Дыка чараш дилги, бɵрум
Дыргактарлыг дииңчигежим
Чечелештир санаалам
Чеже боорул шураптаал.
1,2,3.
Оюн: «Тудуштураал»
Уруглар ам силерниң мурнуңарда белеткеп каан саазыннар бар.
Үш бɵлүкке чарлып алгаш чуруктарны тургузаалыңар.
Уругларның ажылы.
Башкы уругларның ажылын хынап кɵргеш, мактаар.
Түңнел:
-Чүнү билип алдывыс?
-Кандыг ойнаарактарга ынак силер?
-Эр-хейлер
Ажыглаан литература:
1. Ооржак Л.Х, «Номчулга ному», Кызыл-2019
2. О.θ. Сувакпит,Тыва уруглар чогаалы, Кызыл-1996
3. О.θ. Сувакпит, Б.М. Монгуш, Ч.К. Кара-Күске Тыва уруглар ясли-садтарынга номчулга ному, Кызыл-2001
Предварительный просмотр:
Школа назыны четпээн уругларнын муниципалдыг бюджеттиг ооредилге албан чери уруглар сады «Дюймовочка» Ак-Довурак хоорай
Кичээл
темазы:«Азырал дириг амытаннар»
Тургускан башкы: Ооржак Орлан-кыс Демир-ооловна
Ак-Довурак 2023
Тема 2 | Азырал дириг амыттаннар |
Программа | Школа назыны четпээн уруглар ооредир албан черлеринге торээн (тыва) чугаа сайзырадырынын чижек Программазы Торээн Тывам |
Ɵɵредилгениңадыры | чугаа сайзырадыры |
Ɵске ɵɵредилге адырлары-биле холбаазы | «Билигни шингээдип сайзырадыры», «Куш-дамыр сайзырадыры», «Уран-чуул, эстетиктиг сайзырал» |
Эрттирер хевири | Ɵɵредилге хевирлерин оюн дузазы-биле кɵргүзери |
Ниити сорулгазы | Азырал дириг амытаннар-биле таныштырар. |
Ɵɵредиглиг ажыл-чорудулгазы | Азырал дириг амытаннарны танып, адап билир кылдыр база олар канчаар эдерин өөредир. |
Сайзырадылгалыг ажыл-чорудулгазы | Уругларның чугаа-домаан оюннар дузазы-биле сайзырадыр. |
Кижизидилгелиг ажыл-чорудулгазы | Дириг амытаннарга ынак, сонуургалдыг болурунга кижизидер. |
Ажыглаар арга методтары | Экранга азырал дириг амытаннар кɵргүскен чуруктар, амытаннарныӊ эдип турар үннерин дыңнадыр |
Кичээлге херек материалдар | Чуруктар, ойнаарак дириг амытаннар |
Тускайлаң ажыл | Азырал дириг амыттаннарныӊ аттарын адап көрем? ( Миша) |
Словарлыг ажыл | Диис, ыт, инек, аът, хой, ɵшкү |
Белеткел ажылы | Тывызыкты белеткеп алыры |
Кичээлдиң тургузуу | 1.Организастыг кезээ – 2 мин. 2.Кол кезээ – 4 мин 3.Сула шимчээшкин – 2 мин 4.Түңнел – 2 мин. |
Кичээлдиң чорудуу
Организастыг кезээ.
Башкы уругларга тывызык салыр.
- Суг чок чунар,
Шуглак чок удуур. (дииспеек)
- Долганып, долганып топ диди. (ыт)
- Самдар эвес хирезинде. Чамашкызы кɵвей (инек)
- Бертти берт дивес,
Бедик мербегейлиг.
Ыракты ырак дивес,
Ылап чоруктуг. (аът)
Экранга дириг амытаннар чуруктары кɵстүп келир.
Башкы: Бо дээрге чуу-дур, уруглар? (диис, ыт, аът, инек, хой, ошку)
Бо амытаннар кандыг амытаннарга хамааржырыл? (азырал)
Сула шимчээшкин.
Аъдымны мен мунуп алгаш
Аалдар кезип чоруптар мен.
Аъдымга мээн ынаам кончуг
Ак хар дугун дырап бээр мен.
Оюн «Чүү канчаар эдерил?»
Башкы амытаннарнын эдип турарын дыңналдыргаш тыптырар.
Уруг эдип турган амытанның унун дыннааш, анаа хамааржыр чурукту тыпкаш ɵттүнер.
Түӊнел кезээ.
Башкы:
-Уруглар, бо хүн чүнү ɵɵрендивис?
-Ол амытаннарны чүге азырал дээр бис?
- Инек канчаар эдер болду? (хой, ɵшкү, аът, диис, ыт)
-Бо хүн шупту дыка эки кичээлдедиңер, уруглар! Эр хейлер!
Ажыглаан литература:
1. Ооржак Л.Х, «Номчулга ному», Кызыл-2019
2. О.θ. Сувакпит,Тыва уруглар чогаалы, Кызыл-1996
3. О.θ. Сувакпит, Б.М. Монгуш, Ч.К. Кара-Күске Тыва уруглар ясли-садтарынга номчулга ному, Кызыл-2001
4. ТНИИЯЛИ «Матпаадыр», Кызыл-1993
Предварительный просмотр:
Школа назыны четпээн уругларнын муниципалдыг бюджеттиг ооредилге албан чери уруглар сады «Дюймовочка» Ак-Довурак хоорай
Кичээл
темазы:« Ɵпей ырылар»
Тургускан башкы: Ооржак Орлан-кыс Демир-ооловна
Ак-Довурак 2023
Тема 3 | «Ɵпей ырылар» |
Программа | Школа назыны четпээн уруглар ооредир албан черлеринге торээн (тыва) чугаа сайзырадырынын чижек Программазы Торээн Тывам |
Ɵɵредилгенин адыры | чугаа сайзырадыры |
Ɵске ɵɵредилге адырлары-биле холбаазы | «Билигни шингээдип сайзырадыры», «Куш-дамыр сайзырадыры», «Уран-чуул, эстетиктиг сайзырал» |
Эрттирер хевири | оюн |
Ниити сорулгазы | Тыва улустуӊ бурун шагдан бээр ажыглап чорааны ɵпей ырыларны билип алырынга ɵɵредири |
Ɵɵредиглиг ажыл-чорудулгазы | уругларның хайгаараачал, эскериичел болурунга чаңчыктырып, чоннуң эрткен амыдыралындан хɵй-хɵй чуулдерни билип алырынга дузалап, оларны чечен, чараш, чурумалдыг дылга ɵɵредир. |
Сайзырадылгалыг ажыл-чорудулгазы | Уругларныӊ чугаа домаан сайзырадыры |
Кижизидилгелиг ажыл-чорудулгазы | Уругларга өпей ырыдугайында билиндирип кижизидери |
Ажыглаар арга методтары | Сɵс, оюн хевирлери, кɵргүзүг |
Кичээлге херек материалдар | Кавай, ойнаар-кыс |
Тускайлаң ажыл | Силерниӊ аваларыӊар силерге өпей ыры ырлап берип турар бе, уруглар? |
Словарьлыг ажыл | Ɵпей ырыларда сɵстерни ададыр |
Белеткел ажылы | Ɵпей ыры ырлап орар ие чуруун өӊнүг кылдыр үндүрүп белеткеп алыр |
Кичээлдиң тургузуу | 1.Организастыг кезээ, уругларны кичээлче хаара тудары –2мин. 2.Ɵпей ырыларны номчуп таныштырары-5 мин.
|
Организастыг кезээ:
Уругларны чартык тɵгериктей салган сандайларга олуртуп алыр. Уругларны ɵпей ырга ɵɵредип ойнаар-кысты ɵпейлээринге белеткеп каан болур.
Кижизидикчи башкы: Экии, уруглар. Бɵгун силерниң-биле дыка чараш чуул ɵɵренир бис. Ол чул дээрге «Ɵпей ыры».«Ɵпей» деп сɵстүң катаптаашкынынга ритмни тургузуп, узун, хоюг аялгага үдеттирген, сɵс бүрүзүнде ие кижинин тɵлүнге чылыг сеткили илереттинген ырны ɵпей ыры дээр. Ол бир талазында, чаштын уйгу-дыжын хандырып, ийи талазында иениң сеткил-сагыжын чырыдып турар. Ɵпей ырын мынчаар ырлап чораан:
Ɵпей, ɵпей, оой,
Ɵшку саарым, оой,
Увай-увай, оой,
Улуг сарыым, оой.
Кижизидикчи башкы: Хоюг, чараш ɵпей ырыны ие кижи чаш тɵлyн кавайга чыттыргаш ону удудуп ора ырлаар ырызы чораан. Ам силерге аңгы-аңгы хевирниң ɵпей ырыларын ырлап, ойнаар-кыс-биле кɵргүзүп берейн. (Башкы ойнаар-кысты шарааш, кавайга чыттыргаш ɵпей ырыны ɵпейлеп ора ырлаар).
Ɵпей, ɵпей,
Ɵпейим, ɵпейим, ɵпейим,
Ɵпең-не, сарыым, ɵпейим,
Ɵпейим, ɵпейим, ɵпейим.
Опаң-опаң,
Опайым, опайым, опайым,
Опаң-на, сарыым, опайым,
Опаң-на, сарыым, опайым.
Адазы адар даңнын артында
Адыр мыйыстыг аңын
Адып алган чоруп олур дидир, оглум.
Ɵпей, ɵпей, ɵпейим,
Ɵпең-не, сарыым, ɵпейим-ɵпейим.
Иези мурнуң орта
Аян тудуп алган дидир, оглум.
Ɵпейим, ɵпейим, ɵпейим,
Ɵпең-не, сарыым, ɵпейим-ɵпейим.
Кижизидикчи башкы: Ынчалдыр кырган-аваларывыс биске ɵпей ырны ырлап берип чораан. Ам силерниң араңардан бирээңер ойнаар-кысты ɵпейлеп кɵрээлиңерем, уруглар.
Дидактиктиг оюн «Опейлең»
Башкы уругларны сандайынга олурда шуптузунга ойнаар-кыстарны тутсуп бергеш, ɵпейледир. Уруглар шыдаар шаа-биле боттары ɵпейлээрлер. Башкы уругларга ɵпей ырыны ырлап бээр.
Кижизидикчи башкы: Эр-хейлер, уруглар. Бичии чашты ɵпейлеп ɵɵренип алдывыс. Бажыңыңарга баргаш база ойнаар-кызыңар ɵпейлеп удудуп турар силер шүве, уруглар.
Ажыглаан литература:
1. Ооржак Л.Х, «Номчулга ному», Кызыл-2019
2. О.θ. Сувакпит,Тыва уруглар чогаалы, Кызыл-1996
3. О.θ. Сувакпит, Б.М. Монгуш, Ч.К. Кара-Күске Тыва уруглар ясли-садтарынга номчулга ному, Кызыл-2001
4. ТНИИЯЛИ «Матпаадыр», Кызыл-1993