Конспект НОД
"Без һөнәрләр өйрәнәбез" темасына уртанчылар төркемендә
сөйләм үстерү буенча белем бирү эшчәнлеге конспекты.
Максат: балаларның һөнәрләр турындагы белемнәрен тикшерү,арттыру,камилләштерү,схема буенча сөйләргә өйрәтү.
Бурычлар:
1. Балаларның һөнәрләр турындагы күзаллауларын камилләштерү,сүзлек байлыгын арттыру,активлаштыру;диалогик һәм монологик сөйләм формаларын камилләштерү.
2. Күзәтүчәнлекне ,танып белү үзенчәлеген,сөйләм телен үстерүне камилләштерү.
3. Кеше хезмәтенә карата мәхәббәт,хөрмәт тәрбияләү.
Сүзлек өстендә әш: хирург,күз табибы (окулист),теш табибы (стамотолог).
УМК: Син кем? Исәнмесез,саубулыгыз. Син нишлисен? Хәерле көн. Бу нәрсә?
Җиһазлау: туп,төрле һөнәр ияләренең рәсемнәре,табиб киеме,терәк схема,һәр балага биремнәр,каләмнәр.
Шәхси эш: Кайбер балаларнын авазларын төзәтү,сүзләрнең дөрес әйтелешенә,җөмләләрнең дөрес төзелешенә игътибар итү.
Шөгыль барышы.Балалар булмәгә кереп түгәрәк ясап басалар.
Тәрбияче:Балалар, карагыз эле безгә күпме кунак килгән.Әйдәгез алар белән исәнләшик.
Балалар: Исәнмесез!
Тәрбияче:Әйдәгез, бер-беребезгә карап елмаеп,хәерле иртә теләп шөгылебезне башлыйк.Мин сезгә хәзер шигырь укыйм,сез игьтибар белән тыңлагыз.
Һөнәрләр.
Минем әни кием тегә,ул бит минем-тегүче,
Саматның әнисе балалар бакчасында-тәрбияче,
Әминәнең әнисе ипи кибетендэ-сатучы,
Ә Алсуның апасы-мәктәптә укытучы,
Эшли Гөлиянең әнисе табиб булып,
Ә Хәлилнең –шәфкать туташы булып.
Тәмле ашлар пешерә ашханәдә пешекче,
Алмазның әнисен мактый олысы вә кечесе,
Малай- кызы,абый-апасы:чәч матурлый барысы,
“Чәчтарашханәдә” чәч кисүченең эше була монысы.(Э.Хөснуллина).
-Йәгез әле,нәрсә турында булды бу шигырь?( балаларның җаваплары).
Тәрбияче:Нәрсә сон ул һөнәр?Әгәр дә кеше нинди дә булса бер һөнәр сайлаган икән,димәк ул шул өлкәдә белем алган.Кеше уз һөнәрен яратып башкарса гына зур унышларга ирешә ала.
Тәрбияче:Әйтегез әле сез нинди һөнәрләр беләсез?Әти-әниләрегез кайларда эшлиләр?(Балаларның җаваплары).
Тәрбияче:Рәхмәт сезгә балалар,кайсы һөнәр ияләре кайда эшли икән,әйдәгез уйлап карыйк.Туп белән уен”Кем кайда эшли?”(Укытучы-мәктәптә,тәрбияче-балалар бакчасында һ.б).
Тәрбияче:Хәзер парлашып басыйк та бер-беребезгә сораулар бирик.Мәсәлән:мин үскәч сатучы булырга телим,ә син кем булырга телисен?(бер-берсенә сораулар бирәләр).
Тәрбияче:Рәхмәт,диалогларыгыз бик ошады.Әйдәгез хәзер өстәл артына утырыйк һәм биремнәрне эшлик.Эшләр өчен кайсы һөнәр иясенә нәрсә кирәк?(энә кайчы-тегүчегә,чүмеч-пешекчегә,дару-табибка,товар-сатучыга).
Тәрбияче:Биремне төгәл үтәдегез,рәхмәт,ял итәр вакыт та җитте.
Ял минуты.
Утырып бераз ардык,ял итәргә уйладык,
Туган шәһәребез буйлап,сәяхәткә кузгалдык,
Уң якта биек йортлар,сулда гүзәл биналар,
Бигрәк матур безнен шәһәр!
Саклап яшик без аны!(Шигырь сүзләренә туры китереп хәрәкәтләр ясыйлар).
Тәрбияче:Ишетәсезме,кемдер ишек шакый түгелме?(Бер бала табиб булып киенеп керә).
Табиб:Хәерле иртә,балалар!Мин балалар табибы (педиатр) булам.Хәзер мин сезнең сәләмәтлегегзне тикшереп карыйм.(Берничә баланы тыңлап карый,тамакларын тикшерә,температураларын үлчи).
-Сез,сау-сәләмәт.Әйтегез әле,сез еш йөрисезме шифаханәгә?(Җаваплар).Шифаханәдә балалар табибыннан башка тагын кемнәр эшли?(Балаларның җаваплары:хирург,күз табибы (окулист),теш табибы (стамотолог).
Табиб:Сәләмәтлегегез турында гел кайгыртып торыгыз,сәләмәт булыгыз,мин хәзер сезгә витаминнар өләшәм.
Тәрбияче:Без бүген нәрсә турында сөйләштек инде балалар?
Балалар:Һөнәрләр турында.
Тәрбияче:Үсә тошкәч тагын да күп һөнәр ияләре турында белерсез әле балалар.Сез мина бүген бик тә ошадыгыз,рәхмәт сезгә.
"Кошларга ярдәм итәбез" темасына 1 кечкенәләр төркемендә сөйләм үстерү буенча белем бирү эшчәнлеге конспекты.
Тема: | «Кошларга ярдәм итәбез» |
Төп белем бирү өлкәсе: | Сөйләм үстерү |
Интеграль белем бирү өлкәләре: | Матур әдәбият, танып белү, рәсем. |
Яшь үзенчәлекләре: | 1нче кечкенәләр төркеме. |
Максат: | Балаларда танып белү күнекмәләрен, сөйләм телләрен үстерү,уйлау - фикерләү сәләтләрен, хәтерләрен, игьтибарлыкларын үстерүне дәвам итү. |
Бурычлар. Өйрәтүче: | Балаларнын кошлар, ел фасыллары турында белемнәрен киңәйтү,тәрбияченең сорауларына актив җавап бирергә күнектерү;тәнкыйди фикерләүне үстерү технологияләренең алымнарын куллану. |
Үстерүче: | Балалрның игьтибарын, кабул итү сәләтен,төсләрне тану һәм атау осталыгын үстерү. |
Тәрбияви: | Эшчәнлеккә карата кызыксыну,күмәк эшчәнлек белән шөгыльләнү теләге тәрбияләү. |
Методик алымнар һәм чаралар: | Диологик сөйләм,сорау-җавап,аңлатукүрсәтү,уен алымы, әңгәмә, мактау, күмәк, индивидуаль җавап бирүләр. |
Җиһазлау: | Кыш фасылы һәм кышлаучы кошларның рәсемнәре, сюжетлы картиналар,җимлек, һәрбер бала санынча альбом бите,сары буяу. |
Сүзлек өстендә эш: | Җимлек,җим,томшык,канат,кызыл түш,тукран,күгәрчен. |
Алдан үткәрелгән эш: | Рәсемнәр буенча әңгәмә үткәрү,кабатлаулар, күзәтү, индивидуал, күмәк әнгәмә. |
Алга таба эш: | Тәнкыйди фикерләүне үстерү технологиясенең алымнарын шөгылләрдә куллану;тулы җөмлә белән җавап бирергә өйрәтүне дәвам итү. |
Эшчәнлек структурасы:
| I. Кереш өлеш: .Исәнләшү,оештыру моменты. кошларга ярдәм итү теләге уяту. II. Төп өлеш: 1. Кыш фасылын тасвирлау,кошлар турында сөйләшү. 2. Ял минуты “Күрсәт әле үскәнем” 3. Җимлеккә (бармак белән)тары ярмасы ясау. 4.Сюрприз моменты. III. Йомгаклау. Эшчәнлекне йомгаклау,нәтиҗә ясау; күчтәнәчләр бирү. |
Эшчәнлек барышы.
Тәрбияче: - Хәерле иртә!Балалар, искә төшерик әле-хәзер кайсы ел фасылы?
- Кыш.
Т: Кыш икәнен каян белдегез?
- Урамда салкын,кешеләр җылы киенәләр, кар ява.
Т.: Кар нинди ул?
- Салкын, ак, йомшак.
Т.: Балалар, эйдәгез кыш турында рәсем карыйбыз. Рәсемдә нәрсәләр күрәсез?
- Агачларга , елгаларга кар яуган,бөтен җир ак төстә.Агачта тиен утыра.
Т.: Әйе балалар кыш көне бик салкын.Искә төшерик әле салкын кыш көнендә кошларга ничек ярдәм итеп була?
- Кошларга җимлек ясап җим,ипи валчыклары бирергә була
Т.: - Эйе, балалар, дөрес әйттегез.Ә хәзер менә бу кошлрның исемнәрен атап үтик әле. (чыпчык ,күгәрчен,кызыл түш,тукран)
- Бу кошның исеме ничек?
- Чыпчык.
Т.: Кошның нәрсәләре бар?
- Башы, томшыгы, канатлары, койрыгы, күзләре бар.
Ял минуты.“Күрсәт әле үскәнем”уенын уйнау.
Т.: Балалар хәзер без өстәл артына утырап кошларга җим ясарбыз.
Без бүген карандаш белән түгел ә бармак ярдәмендә ясарбыз рәсемне.(Үрнәк эшне күрсәтү,ясап күрсәтү.)
Т.: Балалар,сез бик матур ясадыгыз,рәхмәт сезгә!
- Килегез кил кошкайлар,
Безнең нәни дускайлар
Бакчабызга куныгыз
Көн дә кунак булыгыз.
--Җимлекләрне карау, җим салу.
Т.: Без бүген ниләр турында сөйләштек балалар?
Т.: Дөрес балалар! Хәзер без урамга чыгабыз, җимлекне агачка элеп куябыз; кошларның ничек итеп тәмләп ашаганнарын күзәтербез.