Тыуған ерем, илем

Инша.

Тыуған  ер,  ил…..

Тыуған  ер, ил,   Ватан...   Мин  ошоларҙы  нисек  итеп  күҙ алдыма килтерәм.   Тыуған йорт, йәшәгән урын, уҡыған мәктәп, тәбиғәт, урман ,  йылға, Башҡортостан...

Мин  үргә  үҫкән һайын, беҙҙең   еребеҙ,  илебеҙ  киңәйә, үҫә, ҙурая бара  һымаҡ. Илемде,  еремде яҡшы белер өсөн, миңә  тыуған республикабыҙҙы яҡшы   белергә  кәрәк. Яҡшы  белер  өсөн  күп  уҡырға,  сәйәхәт  итергә  кәрәк. Ә  беҙҙең  Башҡортостан  бит – ул  бөйөк,  ҙур  һәм  матур  республика. Уның әҙәбиәте, тарихы,  тәбиғәте бөтәһендә  һоҡландыра, таң ҡалдыра.

Башҡортостаныбыҙҙың ҡурайы  ғына  ни тора!  Кешеләрҙе  сихри моңо менән  таң  ҡалдыра.  Башҡорт  халҡының   музыкаль  инструменты  ул. Башҡорт халҡының данлыҡлы улы – Салауат Юлаев.   Һәйкәле – Рәсәйҙә иң ҙур  атлы  статуя.  Бөтә  донъяға  шифалы  һыуҙары  менән   дан тотҡан   минерал сығанаҡтары,  башҡорт  балы,  Янғантау , Шүлгән-таш мәмерйәһе, Урал батыр эпосы, Ирәндек  тауы.......

Минеңилем,  ерем......   Матур   ҙа,  мөғжизәле лә,  бай ҙа. Мин  һинең  менән  сикһеҙ  ғорурланам.