Укучылар шигырь яза

    Көзне “моңсу көз”, “эчпошыргыч яңгырлы көннәр” дип, соргылт төсләр белән сурәтләргә яратабыз. Ә менә Балтач районы  Борнак башлангыч мәктәбенең 4 сыйныф укучылары көзге табигатьтә искиткеч гүзәллекне күргәннәр һәм аларны шигырь юлларында чагылдырдылар.

                           Айсинә Хәбибуллина

Ничек кенә уйлап карасаң да,

Көз – матур ел фасылы,

Табигать картинасында

Күпме төсләр кушылды.

Көз сарылды урманнарга,

Ә җир булды сап-сары,

Агачларда яфрак бетте,

Калды колакта шавы.

                            Лилия Фазылҗанова

Үтеп бара ямьле җәйләр,

Көз килә ипләп кенә.

Агачлар да яфрак коя

Теләр-теләмәс кенә.

   Күк күкрәтеп яңгыр ява

   Сентябрь уртасында,

   Аннары кояш елмая,

   Тик инде азга гына.

Җәй бирешергә теләми,

Китәсе килми бер дә.

Һәр нәрсәнең үз вакыты –

Юл бир, җәй, алтын көзгә.

                                  Лилия Фазылҗанова

             Көзге бәйрәм.

Мин яратам көзләрне,

Алтын сары төсләрне.

Төрле-төрле буяу белән

Көз бакчамны бизәде.

Нәни чыршым һаман яшел,

Гел бер төстә утыра.

Күршедәге агачларның

Киеме кызыктыра.

Алтын балык, кызыл шарчык,

Кызгылт-сары йолдызчык,

Соргылт тәңкә,көмеш алка –

Аңа бизәк булачак.

Көзге яфракларны җыеп,

Чыршым өстенә сиптем.

Яңа елга ерак әле,

Бүген бер бәйрәм итсен!