Без гаиләне шулай күзалларга күнеккән: әти-әни, балалар һәм әби белән бабай. Балага беренче белем чаткыларын кем бирергә тиеш? Гаилә! Ата белән ана! Ата белән ананың изге бурычы: балага дөрес тәрбия һәм юнәлеш бирү. Баланың чын мәгънәсендә бар яклап сәламәт булып үсүе бары тик гаиләдән генә тора. Йорт эчендә нинди атмосфера – “һава торышы” булуы, ата-ананың бер-берсенә һәм балаларына мөнәсәбәте – баланың бәхете, чын шәхес булып үсүенең төп шарты.