в эссе рассказывается о празднике Зул в нашей семье.
Вложение | Размер |
---|---|
мини-сочинение | 32.5 КБ |
Би бийəн кишгтəв гиҗ тоолнав. Юңгад гихлә, ээҗин өөр өсләв.
Көгшн улс ачнр – җичнрән күүкдәсн даву дурлҗ эңкрлнә. Эннь мел чик .
Би бичкнәсн авн ээҗин өврт унтад, ээҗин туульс соңгсад, ээҗән дахад нәр–хүрмд орлцдг, ээҗәсн дасад, домбр цокдг күүкмб.
Мини ээҗ Овалова Сян – Цаг Нохаевна БаҺ-Чонса ЦаҺан Элсн гидг Һазрт төрсн күн. θсəд, босад гиҗгтә күүкн болад ,авальтаҺан харҺад, өрк- бүл болна.
Мини ээҗ- аав Сиврин зовлң-муулян эдләд, 1958 жилд хәрү Шаттур нүүҗ ирәд бәәршлв.
Хамдан 10 үрдән өскәд, 29 ачнр-зеенрəн эрклүлəд, 27 жичнрəн таалулад өсксн улс. Хамдан эдн 52 җил бәәв. Аавм дәәнә шалтгин гемәр өңгрәд, 13 җил болв. Ээҗм найн нəəмн насндан күрсн күндтə көгшә билә. Тиньгр, цаҺан седклтә Һольшг күн гиҗ таньл улс келдм.
Зуулын байрт эртəс белддг билəвидн. Бешəн цаҺалҺад,көнҗл-дерəн Һаза ҺарҺад, эктəҺән хамдан герән ахулдг биләвидн.
Зулла ээҗ ширə толҺалҗ сууҺад, борцгудан кедм, би ээҗəн дахад боорцг кедгəн даслав. Асхн ширә эргҗ сууҺад, газет делгəд, наснаннь зулан белдх. Ээҗ дөрвн хурҺарн кемҗәлəд утхар утлдг, би тоолдг, эк көвңгәр орадг. Тиигчкәд негчн зулын өвс пол деер унҺадго. Үлдсн өвс хураҺад,бешт шатадг.
Теңгр деер түрүн одд Һархла,ээҗ зулан өргдм.
Эцкм болхла,зулан барун Һартан авад, барун көлəрн үүд алхҗ, Һурвн дәкҗ деегшəн өргнә.Ээҗ арднь зогсҗ, Һаран намчлад зальврна.
Ээҗ гертəн орҗ ирəд альчуран тəəлəд, аман зəəлəд,Һаран уҺаҗ түрүн болҗмөргнə. Мөргсн цагт ээҗ келдм: « Хəəрхн, мань падме хум! Цуг олн улс нарт-делкə деер менд-амулңг бəəтхə!».
Насна оңҺцин Һуйриг ээҗ хагсу тәәвәд шардм. Мадн цугтан амсдг билəвидн.
Эн уснд зуурсн Һуйр маднд йир әмтәхн гиҗ медгдм. Ээҗин хəəлмшт күртхәр мадн хоорндан кесг марҺа кедг биләвидн. Yлгүрнь: ду дулх, би биилх, шүлг келх.
Насан йөрəсн өдрлə манад йир дала гиич ирдм.
Ээҗ цугтаҺнь иигҗ йөрәдм:
Авсн җил-наснь өлзәтә болҗ,
Ода өмнк-өмнкәснь хөөткнь сән болҗ,
Җил болҺн харҺлцҗ,
Амулң эдлҗəхиг олн деедс бурхд
Өршәх болтха!
Ээҗ уга, зуг Зулан хальмг аъясар давулҗ кенәвидн. Тадн цугтан мини ээҗин наснд күрәд, күүкдиннь сə үзҗ, җирҺҗ йовтн гиҗ йөрәҗәнәв.
Кто грамотней?
Швейня
Пейзаж
Эта весёлая планета
Городецкая роспись