Что способствовало становлению поэта, прозаика, фольклориста Романа Ругина? Особенности творческого пути писателя
Вложение | Размер |
---|---|
![]() | 19.59 КБ |
МБОУ «Овгортская ОШИС(п)ОО»
III языковая научно-практическая конференция
Рохтымова Мария Юрьевна, ученица 6 б класса
Руководитель: Вальгамова Н.Д., учитель родного языка
Тема: Хоты питлор ху Роман Ругин йис « Ханты йис потрат па монщат» ханшам хоята.
Вступление
Олан классат элты ма хуллам тамащ нэм – Роман Прокопьевич Ругин. Ханты ясанг урокатан, ханты ясан телепередачаятан ма иултыя хуллэм лув нэмал. Ин унашак йисам, сишан номас версам, аршак лув улапсаял элты уятты. Там рупатаеман ма ханшсам, муй щиран Роман Прокопьевич Ругин йис миран уятты хоята па лув актас па тунга-щира ханшсалы «Ханты мир йис потрат па монщат»
Цели: моштаты лув улапсаел элты, хойн лув нётса, муя лув нэпек питас ханшты.
Методы: яма уталтыты улапса щирал нэпекат хуват, лув ханшам нэпеклал хуват, лувел уятты хоятат элты, ханты ясан телепередачаят элты
Гипотеза: Хоят ай тэлан хуллал ки монщат, йис потрат, мосты хоятан ки нётла, хошал ки яма хулатты, ар лунгатты, лув питал акатты, туна-щира лэщатты ханты йис потрат па монщат.
Волан шуп
Сэма питсам лоранг ханты куртан,
Пал сангхапан, вутанг Ас питаран…
Роман Прокопьевич Ругин сэма питас ялап тал тылащан хольман олан хаталан и щёрас яртъянмет хольманг яртъянгмет талан ханты Питлор куртан Лорвош муван. Ай тэлан уллам мувалан лув мощатас ар номас, шиялас ун лащкам мув. Юхат, хун лув питас ханшты лунгтарат, потрат, лув щи пораят элты олан потар шупат ханшас, хощтасас. Лув энмам семьяел ус ун: катхосьянг няврэм. Лув ащела – Поркуп Кирилловича мосас ар рупитты. Лув ёхи ёхтылыяс туп ищки тал хатлатан.Ащела мосас лапатты ун семьяял, лув ям хул велты па вой велты ху ус « Щи порайн мунг етан, хун ун ащилув па ун антилув, рупитты етшалат монщат па арат хулатсув »,- нумалмилы щи пораят элты Р.П.Ругин. Ин унты Р.Ругин нумлаллы ащел потрам потрат, щи потрат лувел нётсат туна-щира улты хоят улапса щир шиялаты, нумасты, хоты мосал улты. Питлор лапат класс уталтыты хот етшамал юпийн, лув Пулнават вош педучилищая манас уталтыты. Щи пора элты ям ясанган лув нумалмалы рущ ясанг уталтыты нэ Васса Георгиевна Балина. Щи пора элты лув мосман тайты питас гуманитарный наукаят.Пулнгават вошан уталтыям пораялан лув вучияс ханшты лунгтарат, туп воланг нэмалты ант тыяс. Туп , хун уталтыяс нялмет курсан, хун лув шиялас па уйтантас лувел мосты эви пилн, лув ханшас олан лунгтар. Щи оланг лунгтарал нэмал ус «Ангкармасам» («Взгляд»)
Щалта па , хун Роман Прокопьевич питас уталтыты Лениград вошан Герцен нэмпи институтан, лув нопсал па такнамтас: лувел мосал ханшты лунгтарат, потрат. Щи пораятан, лув уйтантас Овас мув ханшты ёх пилн: охаль ху Юван Николаевич Шесталов, нивх рут ху Владимир Санги, чукча ханшты ху Юрий Рытхэу.Щи порайн лув вуса литературный кружока «Нарвская застава». Щита лув нётса этты лув олан лунгтар книгаял «Лылан йингк». Книгаял этас и щёрас яртъянсот хутъяг хулмет (1963 г.) талан. Институт етшамал юпийн лув рупитас Лорвош муван Ващъёханкуртан уталтыты хотан завуча (1964-1968), щалта па нял тал рупитас окружной партийный комитетан, щалта па Пуровский райкоман партияйн (1972- 1977) Щи пораятан Роман Ругин ар янгхас вошат па куртат хоят хоща, рупитты мир пилн уйтантыяс, лув улапсаел яма моштаслы. Лув аршак па аршак питас ханшты лунгтарат ханты ясанган. И юпийн хулам книга этас «Лонщанг вотас»(«Снежные метели»), «Ёшпатыйн вотас» («Метель на ладони»), «Тынщанг ёвалты сый» ( «Звон летящего аркана»).
Ипуш лув хощаел мойнг ху ёхтылыяс композитор Украина хон элты Григорий Фёдорович Понамаренко. Роман Прокопьевич лувел мойлас книга «Аранг йингал» («Туесок песен»). Композитор Пономаренко ханшас музыка лув лунгтарал хоща.
И щёрас яртъянсот лапатъянмет талан Ругин ханшас ун поэма «Тутанг мув» ( «Огнедышащий край»). Щи поэмайн лув ханшас нефть па газ каншты хоятат элты.
И кут нох волылыяс ханшты, хун критикат ястасат лувел: «Нанг щиренан ант ханшлан, иса па хоятат пела вантман ханшлан». Щалта па хув нумасман, яма оша паятман питас лэщатты лунгтарат. Ин па критикат ястасат: «Нанг уятсан нанг ханшты щирен».
Рассказатан па повестятан лув ханшас улапса элты: хоты буровойн ил шошмам атам порошок па вощкам, хун тохи вулы тащ ёхтас, лув лэсат ант рахты порошок, па атам вер этас- щерас молтас вулы халас.Щит элты лув ханшас повестен «Гул далёкой буровой»
Роман Ругин ёхтылыял лув энмам куртала, Лорвош района. Яма хоятат пилн потрэмал. Лув номаслал нэпека ханшлалы.
Ин Роман Прокопьевич миран аялла ханты литература оланга верам хоята. Ма нумаслам- яна щи, щиты и ул. Нялъян молтас тал элты лув ханшас ар лунгтар,рассказат, повестят, актас мир элты па тунга- щира ханшсалы йис потрат, монщат. Яма лувел нётсат толмащты хоятлал, матат уллат Еман Петра вошан. Мет шопанг щит Илья Фоняков, лув толмащты ху, ханты ясанг элты рущ яснга.
Ям хув Роман Ругин рупитас волан редактора журнал хоща «Ямальский меридиан». Щи журналан лув ханшам потарлал, повестьлал, йис потарлал июлты этлысат.
Лув ханшас тамащ умащ ЙИС ПОТРАТ «Йис потар ханты-питлор сор элты», «Порах нёл элты йис потар», «Лапат мойпар», монщ «Канащ ху Тавет», «Шовар па мойпар» па па йис потрат па монщат.
Роман Прокопьевич Ругин ханшас арсыр произведеният. Лув ханшам нэпеклал уятлаят па лунатлаят муй иты мун хон мирэвн, ищиты па хон пелакан- щит Венгрияйн, Польшайн, Испанияйн, Италияйн, Финляндияйн.
Тампуш Роман Ругина йис лапатъян вет тал. Мунг лувел ясталув : талан ёш па таланг кур, ойнга- пищанга па еллы ат у л. Еллы ханты мира па па мира тул лув ханшам нэпеклал.
Муй хорпи номас ма версам рупатаям хоща, хойн нётса ханшты хоята йиты (выводат);
Потрэм сохантал елпийн ма нынан лунгатлам лунгтар . Лув нэмал «Сумат»
За еду птицы готовы собирать мусор
Свинья под дубом
Муравьиная кухня
Лев Николаевич Толстой. Индеец и англичанин (быль)
У меня в портфеле