Әнкәй. Инша.

МИНЕМ  ӘНИЕМ!!!!

Казан шәһәре 175 нче гомуми урта белем мәктәбенең 5а сыйныфы укычысы

Бадретдинова Адиля

Җитәкчесе: Ахтямова Гөлназ Мингали кызы

            Гаилә – тормышының иң зур хәзинәсе. Гаиләне яратырга һәм сакларга кирәк.

           Әнием безнең өчен дөньяда иң кадерле, иң яраткан кеше. Ул безгә тормыш бүләк иткән , безне тәрбияләүче, әдәплелеккә өйрәтүче дә ул. Әни – ул гаилә учагын саклаучы, гаиләнең йөрәге дисәң дә ялгыш булмас. Мин әниемнән  башка тормышны күз алдына да китерә алмыйм. Аның ягымлы карашы, назлы куллары гел миңа яшәргә көч бирә. Ул һәрвакыт үзенең  киңәшләрен миңа бирә. Нинди генә авырлыклар килсә дә, гел ярдәмгә килә, булыша.  Минем әнием бик чибәр, акыллы, ягымлы, сөйкемле. Мин әниемне нык яратам, ул минем өчен гел үрнәк булып тора. Аның сабырлыгына мин сокланам. Юкка гына борынгыдан үк : ”Җәннәт әниләрнең аяк астында”,- дип әйтмәгәннәрдер. Бу сүзләр белән барсы да килешер дип уйлыйм.

              Әниләребезне- безнең кадерләребезне- яратыйк, саклыйк, хөрмәт итик.