Табиб балык әкияте

Табиб балык (чын әкият)

    Боры-борын заманда түгел. Бүген, кичә, иртәгә булды бу хәл. Саф һавалы урман уртасыннан чишмә агып чыккан. Суы чиста, салкын, көмеш төсле булган.  Менә шул суны  елга форелләре  үз иткән.  Бу балыклар бик матут, каралы-кызыллы төстә булганнар.

 Алар уйнаганда су өстендә салават күпере чыгып торган. Чишмә суы  шифалы көч алган.  Урмнда  яшәгә барча җан иясе чишмә янына  килгән. Хәлсезләргә хәл кергән.  Яралыларның ярасы төзәлгән. Чирлеләр терелгән,  кире урман эченә кереп йөгергән.

 Бер көнне кешеләр килгән. Бу матур җиргә  маллар абзары төзегән.  Җәй буе  маллар яшел чирәм ашаган,  чишмә суын эчкән. Кешеләр үзләре дә белмичә көн саен табиб балыкларның яшәү урынын пычраткан.  Көн артыннан көн үткән.  Чишмә суы тоныкланган.  Шифалы балыклар юкка чыккан. Хәзер анда маллар да асырамыйлар. Ләкин балыклар да яңадан үрчеми инде. Кешеләр бик үкенәләр ди. Алар Урман белән су –табигать күрке булуын аңлаганнар... Табиб балыкларны ничек табарга?