Укучыларның иҗади эшләре

      Кыш

Бүген төнлә никтер якты иде

Шуны һич тә аңлый алмадым.

Уйлап яттым да, түзмичә

Тәрәзәгә барып карадым.

Бизәнгәннәр тәрәзәләр

Агач, куаклар да агарган.

Иртә торган бер өлгере инде

Ап-ак карда эзен калдырган.

Бүген төнлә кыш килгән бит –

Дөнья яктылыкка күмелгән.

Ялтырый кар кояш нурында

Әйтерсең лә җиргә алмаз сибелгән.

Ногыманова Камилә, 32 нче гимназиянең 2 нче б сыйныфы укучысы

Кышның беренче көне

   Менә кышның беренче көне килеп җитте. Кышны декабрь ае башлап җибәрә. Урамда сап-салкын, әче җилләр исә. Урамнарны, түбәләрне беренче кар каплады. Кырларга, урманнарга ак юрган япты. Кыш елга-күләрне дә онытмады. Аларның өстен шома боз белән каплады. Кыш балаларга бик ошый.

Сабирова Азалия, 32 нче гимназиянең 2 нче б сыйныфы укучысы

Кыш.

   Менә салкын кыш җитте. Бөтен җирдә кар ята, агачлар ак шәлләрен ябынды. Куышкы урман тынып калды, җәнлекләр йокыга талдылар. Урамда балалар чана-чаңгыда шуалар, кардан матур итеп төрле сыннар ясыйлар. Кышкы төндә йолдызлар бик якты яналар. Мин кышны бик яратам.

 Мортазина Камилла, 32 нче гимназиянең 2 нче б сыйныфы укучысы