Өйрәнәм шагыйрьләрдән (шигырь)

Өйрәнәм шагыйрьләрдән.

Муса Җәлил шигырьләрен

Укыйм мин кечкенәдән,

Туган илемне сөяргә

Өйрәнәм шагыйрьләрдән.

Үлемсез Муса агабыз,

Илемнең чын батыры,

Иҗатыннан тәрбия алып,

Үрмәлим мин югары.

Сугыш тәме, исе килгән

Шигырьләре йөрәктә,

Ходаем, тыныч тормыш бир

Син безгә киләчәктә.

Әсәрләрдән генә белик

Сугыш дигән хәсрәтне,

Бәхетле һәм матур яшик,

Күреп татлы рәхәтне.