Туган ягым кышы

Туган ягым кышы

Туган авылымда минем

Ап-ак карлы салкын кыш.

Бик озак зарыгып беттек,

Сагынып көттек сине, кыш.

     Кар явуга чаңгыларны

     Киеп чыктым урамга.

     Рәхәтләнеп очам гына

     Миңа тими буран да!

Тауда балалар гөрләшә,

Чана, чаңгы шуалар.

Коштай очып төшкән чакта

Барысы да куана.

     Китмә әле, ак тунлы кыш,

     Син булганда – бик рәхәт.

     Салкын карлы кышы өчен

     Туган ягыма  - рәхмәт!