стихотворение "Поисковикень арсематне"

Поисковикень арсематне.

Те лезэв ды эрявикс тевенть

«Орлята» отрядсонть вечксызь.

Сынь «Поисксэ» ламо уш иеть,

Отрядонь тевтнень свал несызь.

«Орлята» -нь боецтнэ «Вахтасо»,

Тельня учи «Ловонь десант».

Отрядонь боецтнэ школасо

Пек виев ды важов эйкакшт.

Сыре ломаннень свал сынь лездыть,

«Сюкпря» сырькайтне тенст ёвтыть.

Мельть ветеранонь сынь топавтыть,

Аламо сындест кадовкшныть.

«Орлята» отрядонь цёркатне

Ламоксть якасть вирьга-янга.

Маштозь солдатонь китне-латктнэ

Ютавтозь эсест седейга.

Ки-бути мери: - Мезекс вешнемс?

Сынь умок чавовсть, стувтовсть сынь.

Сынст учитяст умок уш арасть.

- Монь мелень коряс – сынст ледстнить.

Маштозь солдаттнэ мештьсэст ванстызь

Тиринь масторонь оляксчинть.

Сынь кемсть – Изнямотнень а стувтсызь,

Сынст лемест стяко а ёмсить.

М.В.Кечемайкин