Зәңгәр күзле курчагым

Зәңгәр күзле курчагым

Зәңгәр күзле курчагым бар,

Бигрәк яратам аны.

Чәченә чулпы тагылган,

Ак яулык япкан тагын.

Курчагыма күлмәкләр дә

Куйдым тегеп, үтүкләп.

Яңа күлмәкләр кидерткәч,

Чәчләрен үрдем шәпләп.

Курчагымны танымассың,

Бигрәк тә матурланды.

Матурлык бәйгесендә ул

Беренче урын алды!

Мирзагаянова Диләрә

Теләче урта мәктәбенең 5 нче сыйныф укучысы.