Көзге урман

Көзге урман.

Очар кошлар җыелышып,

Саубуллашып киттеләр.

Туган җирнең урманнарын

Бер әйләнеп үттеләр.

Сихри көзнең матурлыгы

Урманнарда күренә.

Алтын киемгә һәр агач,

Һәрбер куак төренә.

Яфрак коела шыбырдап,

Җил кинәт искән саен.

Җылы җәй белән хушлаша

Өрәңге, усак,каен.

Кешеләр дә, агач кебек,

Сагыналар үткәнне.

Яхшылык белән үткәрик

Ходай биргән һәр көнне.

        Нәҗметдинова Айсинә.