Кинде лиеш - муро лиеш

Кинде уло – муро лиеш.

Онлайн-конкурс

Гармонь сем «Кинде».

1-ше вӱдышӧ: (Ульяна): Ӱдыр-влак, туштым туштем, палыза:

Кырат мыйым тоя дене,

Туржыт мыйым кӱ дене,

Когартат мыйым тул дене,

Пурыт мыйым пӱй дене,

Чылан мыйым йӧратат.

Чылан: Кинде

2-шо йоча: (Карина): Могай вашмутым мыйын туштемлан пуэда?  

Шулам-шулам – вӱр уке.

Чылан: Кинде

3-шо йоча: (Настя): А тиде мо лиеш, садак ода пале: Лышташдыме реве.

Чылан: Тидыжат кинде.

4-ше йоча: (Оля):

Чынак, кинде – эн кугу поянлык,

Кинде – эн кугу куат.

Ульяна: Кинде деч посна илалын,

Чылан: Огына керт ик кечат.

Карина: Кинде – тиде илыш вий. Пурлат пушкыдо кинде шултышым да кап-кылыште вий-куат ешаралтмым шижат. Чонышто…

Чылан: Муро

Карина: шочеш, илышлан….

Чылан: Куаныме шуэш.

Муро «Кинде»

Муро «Кинде»

1. Пасушто тугае моторлык:

     Ончен-онченат шер ок тем.

У шурно нӧлталтын пеш порын,

Кузе от куане моктен.

                            Припев:  Ой, кинде, кинде, кинде,

                                            Ӱшанлык, моторлык, куан

                                            Вет калыкын шӧртньӧ кид дене

                                            Ме тыйым ончен-куштена.

2. Могай еҥын шӱм ок куане,

Вет тиде айдемылан вий.

Вет тиде айдемын поянлык,

Ок шоч тудо – илыш ок лий.