Цырендоржиева Эмилия. Ушхайтамни

Цырендоржиева Эмилия - Хэжэнгын интернат- hургуулиин 9-дэхи ангиин hурагша. Эмилия түрэлхи хэлэеэ сэгнэдэг, үндэһэн арадайнгаа зохёолнуудые һонирхон уншадаг, эдэбхитэй һурагшадай нэгэн. Удхаараа гүнзэгы, онсо байгуулгатай шүлэгүүдые зохёодог юм.                                                                                            

Һананабди

Һананабди тэрэ аймшагтай саг:

Һүйд татаһан муухай дайсад

Добтолон ороо Эхэ орондомнай.

Дайгаа дарахаяа үбгэ эсэгэнэрнай

Буугаа баряад ошоо һэн

Баруун дайнай холын газар.

Үдэр һүнигүй абанарнай тэмсэжэ,

Үүлэгүй һайхан байдал асараа.

Мүнѳѳ үедэ жаргалтай байнабди:

Мандана үдэр бүри нарамнай,

Хүдөө талаарнай жэргэнэ шубууд,

Хүүгэд баяртай алхална һургуулидаа.

Хододоо һайхан дэлхэй дээрэмнай

Хүнүүдэй хүхюун хоолой зэдэлэг лэ!

Ушхайтамни

Уужам тэнюун Ушхайтамни

Шэмэтэй ногоон талатай,

Хурьгад һайхан аршаантай,

Ажалша арад зонтой –

Иимэл үлгы тоонтом!

Түрэһэн гараһан нютагайм

Арюун һайхан Субарга

Манай сэдьхэл заһана,

Нангин тээшэ залана –

Иимэл үлгы тоонтом!