Башҡорт әҙәбиәтенән контроль-баһалау материалдары

Башҡорт әҙәбиәтенән I сиректә үтелгәндәр буйынса тест

1. Башҡортостан республикаһы  гимнының композиторы кем?

      а) Фәрит Бикбулатов  б) Фәрит Иҙрисов   в) Вәхит Иҙрисов

2. Р. Ниғмәтиҙең “Хәйерле юл һеҙгә!” әҫәрендә ниндәй ҙур байрам тараһында бара?

       а) белем көнө     б) уҡытыусылар көнө   в) республика көнө

3. Ниндәй әҫәрҙә малайҙар ғүмерлеккә дуҫ булырға ант итеп дуҫлыҡ һәйкәле ҡуялар?

     а) ағас һәйкәл    б) дуҫлыҡ һәйкәле    в) дуҫлыҡ тауы

4. “Иҫемдә алтын һуҡмаҡҡа

      Тәү аяҡ баҫҡан көнөм –

      Тәү тапҡыр мәктәп ишеген

      Үрелеп асҡан көнөм.”   Был  юлдар ниндәй шиғырҙан  алынған?

     а) Н.Нәжми “Беренсе дәрес”   б) М.Кәрим “Уҡытыусыма”

5. Лира Яҡшыбаеваның “Бәхетең үҙең өсөн” хикәйәһендә һүҙ кем тураһында бара?

      а) уҡытыусы     б) уҡыусы    в) әсәй

6. А.Карнайҙың “Урманда” хикәйәһендә: “Ул ерҙә ятҡан сәтләүекте тапҡас, типкеләп ҡарай... ул һуҡыр сәтләүектәрҙе алмай”, -тигән юлдар ниндәй йән эйәһе хаҡында бара?

      а) йылан    б) тейен    в) алйырҙан

7. Персонаждың тышҡы ҡиәфәтен, кисерештәрен, көнкүреш шарттарын, тәбиғәт күренештәрен һүрәтләү нисек атала?

     а) йәнләндереү    б) сағыштырыу   в) тасуирлау

8. Ғ.Рамазановтың “Ураҡ өҫтө” шиғырында ниндәй йыл миҙгеле тураһында һүҙ бара?

     а) ҡыш   б) йәй   в) көҙ   г) яҙ

9.Ғ.Рамазановтың “Ураҡ өҫтө” шиғырындағы түбәндәге юлдар нисек атала?

         “Тағы килде тыуған яҡҡа,

          Көтөп алған ҡунаҡ төҫлө.”

     а) йәнләндереү    б) сағыштырыу    в) тасуирлау

10.Ниндәй әҫәрҙә бәләкәй Мотаһар атаһының һуғыштан ҡайтҡанын көтә?

     а) Р.Байбулатов”Ағас һәйкәл”      б)Ф.Аҡбулатова “Атай икмәге”

11. Мотаһар иҙәнгә нимәләр төшөрә?

    а) ат    б)картуф     в) көлсә

12. “Тел - тере шишмә – үлмәгән,

  Бөгөнгә еткән.”     Был  юлдар ниндәй шиғырҙан  алынған?

    а) Б.Бикбай “Урыҫ теле”  б)Б.Бикбай”Туған тел”   в)Р.Ғарипов“Туған тел”

13.  “Ер!   Ут!  Һыу!  Һауа!”  тураһында  ниндәй шиғырҙа һүҙ бара?

    а) Б.Бикбай “Урыҫ теле”  б)Б.Бикбай”Туған тел”   в)Р.Ғарипов“Туған тел”

14. Рәми Ғарипов – кем ул?

    а)  Башҡортостандың халыҡ яҙыусыһы     б) Башҡортостандың халыҡ шағиры

15. “Мин халҡымдың сәскә күңеленән,

      Бал ҡортондай, ынйы йыямын,

      Йыямын да – йәнле ынйыларҙан

      Хуш еҫле бер кәрәҙ ҡоямын.”     Был  юлдар ниндәй шиғырҙан  алынған?

    а) Б.Бикбай “Урыҫ теле”  б)Б.Бикбай”Туған тел”   в)Р.Ғарипов“Туған тел”

Баһалау:  ”5”-14-15б.     “4”-12-13 б.       “3”-10-11б.

Башҡорт әҙәбиәтенән II  сиректә үтелгәндәр буйынса тест

1. Д.Бүләковтың   “Яралы  китап”  исемле  хикәйәһендә  ваҡиға  ниндәй ауылда  бара?

а)  Йәтимдәр       б)  Йәтимәк     в)  Йәтимле

2. Фәғилә  апай  Әсләмгә  кем?

а)   өләсәһе          б)  әсәһе          в)  апаһы

3. Фәғилә  апай  нисәнсе өйҙән  һуғышҡа  китә?

а)  34                    б) 35                в) 36

4. Әкиәттә  Әминбәк  нисә һөнәргә өйрәнә?

а)  1                      б) 2                 в) 3

5. Әминбәктең  өсөнсө  һөнәре  нимә?

а) шахмат            б) шашки       в) сатраш

6. Ҡәмән,  Сәмән, Сәлмәндең  ҡайһыһы  уңған,  егәрле  булып  сыға?

а) Ҡәмән              б) Сәмән      в) Сәлмән

7. Сәлмәндең  картуфының  яҡшы  үҫеүенә  нимә  ярҙам  итә?

а)  тупраҡ            б) таш          в) көл

8. Айыуҙың  ҡойроғо элек  ниндәй  хайуандыҡы кеүек  булған?

а) төлкө                б) тейен      в) ҡуян

9. “Алпамыша  батыр”  әкиәте   ниндәй төргә ҡарай?

а) батырҙар  тур-да    б) хайуандар  тур-да   в) тормош-көнкүреш тур-да

10. “Ҡәмән  менән  Сәмән,  картуф  сәскән  Сәлмән”  әкиәте   ниндәй төргә ҡарай?

 а) батырҙар  тур-да    б) хайуандар  тур-да   в) тормош-көнкүреш тур-да

11. “Айыу менән  бал  ҡорттары”  әкиәте   ниндәй төргә  ҡарай?

а) батырҙар  тур-да    б) хайуандар  тур-да   в) тормош-көнкүреш тур-да

12. Хат  яҙ.  Яҙ  миҙгеле.  Май  яҙа.   Был  ниндәй күренеш?

а) омоним          б) синоним      в) антоним  

13. Эшлекле,  егәрле,  уңған,  эшсән.   Был  ниндәй күренеш?

а) омоним          б) синоним      в) антоним  

14. Аҡ-ҡара,  көн-төн,  алыҫ-яҡын.  Был  ниндәй күренеш?

а) омоним          б) синоним      в) антоним  

15. Муйыны  дуға – арҡаһы эйәр. Был  йомаҡ  ниндәй  төркөмгә  ҡарай?

а) тәбиғәт күренеше    б) хайуандар тур-да      в)  хеҙмәт  тур-да

16. Әҙәм  эше  менән, ағас  емеше  менән. Был  мәҡәл  ниндәй  төркөмгә  ҡарай?

а) тәбиғәт тур-да     б) тыуған  ил  тур-да     в)  хеҙмәт  тур-да

17. Салауат  Юлаев  - ул  кем?

а) башҡорт  халҡының  батыры     б)  башҡорт халҡының милли геройы  в)  башҡорт   халҡының   геройы

Баһалау:   “5”16-17б.     “4”-14-15б      “3”-11-13б.

Башҡорт әҙәбиәтенән III сиректә үтелгәндәр буйынса тест

1. С. Суринаның “Ҡышты ҡаршылағанда” әҫәрендә ниндәй хайуан “Быйыл ҡыш булмай” тип йөрөй?

 а)  терпе                           в) тейен

 б) ҡуян                             г) төлкө

2. Кем   ул     М. Кәрим?

 а) Башҡорт халыҡ шағиры       в) Башҡорт халыҡ сәсәне

 б) Башҡорт халыҡ яҙыусыһы   г) Башҡорт халыҡ йырсыһы

3. М.Кәрим ниндәй районда тыуған

а) Салауат                         в) Шишмә  

б) Миәкә                            г) Баймаҡ

4. М.Кәрим исеме нисек мәңгелләштерелгән?

     а) гәзит сығарыла            в) мәктәп исеме

     б) урам исеме                   г) театр исеме

5. Түбәндәге әҫәрҙәрҙең ҡайһыһының авторы М.Кәрим?

     а) “Оҙон оҙаҡ бала саҡ.”            в) “Өс таған.”

     б) “Беҙҙең өйҙөң йәме.”             г) “Әсәйем фатихаһы.”      

6. “Өс таған” повесында нисә малай тураһында һүҙ бара?

     а) 1                                     в) 3

     б) 2                                     г) 4

7. Бөркөтлө ауылындағы кешеләр нимә тураһында хыялланалар?

     а) байлыҡ тураһында       в) сәйәхәт тураһында

     б) бәхет тураһында           г) белем тураһында

8. “Өс таған” повесында малайҙар нимәне ҡотҡарырға һүҙ бирәләр?

      а) тауҙы                            в) ауылды

      б) йылғаны                       г) бабайҙы

9. “Өс таған” отрядының башлығы итеп кем һайлана?

      а) Айҙар                            в) Ғабдулла

      б) Вәзир                            г) Яҡуп

10. Вәзирҙе ни өсөн отрядтан сығаралар?

      а) һуғышҡаны өсөн         в) алдашҡаны өсөн

      б) урлашҡаны өсөн         г) маҡтанғаны өсөн

11. “Ҡыҙымдың һорауҙарына яуаптар” поэмаһының авторы кем?

          а) Рәшит Солтанғәрәев    в) Рәшит Назаров

          б) Рәми Ғарипов               г) Рәшит Ниғмәти

12. “Ҡыҙымдың һорауҙарына яуаптар” поэмаһында ҡыҙ атаһына ниндәй һорау бирә?

          а) ниндәй ул Ватан?          в) нимә ул Рәсәй?

          б) нимә ул Ватан?              г) ниндәй ул тыуған ил?

13. Ана шул ер - ........

         Ана шул ил - ........

      а) тыуған ил     б) тыуған ер       в) тыуған ил    г)тыуған ер  

          тыуған ер          тыуған ер           тыуған ил       тыуған ил

14. Арҡайым тураһындағы әкиәттең исеме нисек?

      а) “Урал ере”                    в) “Урал төйәге”

      б) “Урал тәбиғәте”           г) “Урал иле”

15. Тимер ҡаҙыҡ улына ниндәй исем ҡуша?

      а) Ер батыр                        в) Ил батыр  

      б) Ел батыр                        г) Урал батыр

16. Тимер ҡаҙыҡ ҡатыны, ҡыҙҙары менән нимәгә әүерелә?

      а) ҡояшҡа                          в) йондоҙға

      б) айға                                г) күбәләккә

17. Шиғыр юлдарынан эпитеттар тап.

              Гөлдәр инде күптән моронлайҙыр,

              Тупраҡ ана ниндәй күпергән!

              Уҙып барам һутлы ергә баҫып,

              Йәшел яҙға – йәшел күперҙән.

18. Яҙ тураһында шиғыр яҙырға.

Баһалау: “5”-17-18б.   “4”-14-16б.    “3”-   10-13б.

Башҡорт әҙәбиәтенән I сиректә үтелгәндәр буйынса  тест

1. ”Башҡортостан  флагы”  шиғырының авторын билдәләгеҙ.

а) Факиһа Туғыҙбаева

б) Гөлфиә Юнысова

в) Фәрзәнә Ғөбәйҙуллина

г) Әнисә Таһирова

2. Был шиғырҙың авторы кем?

   ”Мәңге йәшә,әй,һөйөклө башҡорт теле,

    Атам теле ,әсәм теле -минең телем.                

а) Фәниә Чанышева

б) Зәйнәб Биишева

в) Рәми Ғарипов

г) Рауил Бикбаев

3. Нимә ул ҡоролтай?

а) Саҡырылған ҡунаҡ

б) Халыҡтың йыйылып мөһим мәсьәләләр хаҡында һөйләшеүе

в) һабантуйға йыйылыу

г) яуға саҡырыу.

4.Әнүр  Вахитов “Өс бөртөк бойҙай” хикәйәһендә Әхәт менән Әфҡәт Зиннур ағай биргән бойҙайҙы  нимә эшләтәләр?

а) тирмәндә тарталар

б) ашайҙар

в) баҡсаға сәсәләр

г) тауыҡтарға бирәләр

5.Был хикәйәлә Әхәттең ауырып китеү сәбәбе нимәлә?

а) сәселгән бойҙайҙың үҫмәүенә

б) картуфтың ҡаҙып алынмауы.

в) атаһының ҡайтмауы

г) йығылыуы

6.”Урал батыр” әкиәтендәге төп геройҙар кемдәр?

а) Зөһрә  менән Алдар

б) Урал менән Шүлгән

в) Ҡамыр батыр

г) бабай

7.”Урал батыр”әкиәте әкиәттәрҙең   ниндәй төрөнә ҡарай?

а) хайуандар  тураһында

б) тормош-көнкүреш

в) батырҙар тураһында

г) юмористик

8.Йәнбирҙе ҡарт улдарына ниндәй аҙым яһамаҫҡа ҡушып китә?

а) урамға сыҡмаҫҡа

б) ҡан эсмәҫкә

в) шаярмаҫҡа

г) матур итеп уйнарға

9. Был һүҙҙәрҙе ҡайһы шағир әйтә?

    “Ерҙә, күктә, диңгеҙҙәрҙә-

    Был донъяла юлдар тулы.

    Тик барынан яҡыныраҡ,

    Ҡәҙерлерәк мәктәп юлы”

а) Х.Назар              

б) Ҡ.Аралбай            

в) С.Әлибаев              

г) Т.Арслан

10. Әкиәттәр легендаларҙан нимәһе менән айырыла?

а) әкиәттәрҙә конкрет географик атама юҡ

б) кешеләр уйлап сығарғандар

в) айырма юҡ

г) билдәле бер урындың барлыҡҡа килеү тарихы

11. “Ҡара икмәк” хикәйәһенең авторы кем?

а) Х.Назар              

б) Ә.Атнабаев            

в) Н.Нәжми                

г) Д.Бүләков

12. Был өҙөк ҡайһы шиғри әҫәрҙән алынған?

     “Республикамдың флагы

       Зәңгәр күккә талпына,

       Бәхет юрай, шатлыҡ теләй

       Бай тарихлы халҡыма”.

а) “Ер”            

б) “Европа-Азия”            

в) “Башҡортостан флагы”                

г) “Башҡортостан”

13.Хикәйә тип ниндәй жанрға әйтәбеҙ?

а) сәхнәлә уйнау өсөн  яҙылған әҫәр

б) киң планлы әҫәр

в) бер генә ваҡиғаға арналған әҫәр

г) кешенең уй-кисерештәрен һүрәтләгән әҫәр

14. Был өҙөк ҡайһы шиғри әҫәрҙән алынған?

         … Телле көйө телһеҙ башҡорттар бар,

Әсә телен белмәй үҫкәндәр…

Бармы ерҙә үҙ ҡулдары менән

Сабыйының телен киҫкәндәр?

а) “Европа- Азия”        

б) “Ер”        

в) “Башҡорт теле”    

г) “Халҡыма хат”

15. Хикәйәләү тип нимәгә әйтәбеҙ?

а) әҫәрҙә ике кешенең һөйләшеүе    

б) тәбиғәт күренештәрен һүрәтләп биреү

в) әҫәрҙең йөкмәткеһен ҡыҫҡаса һөйләп биреү  

г) ваҡиғаларҙы, эш-хәрәкәттәрҙе эҙмә-эҙлекле һөйләп биреү

16. Бәйет жанрын үҫтереүгә кмдәр ҙур өлөш индергән?

а) сәсәндәр            

б) һалдаттар        

в) яҙыусылар              

г) йырсылар

17. Таҡмаҡтар ауыҙ-тел ижадының ниндәй жанрына ҡарай?

а) оҙон көйгә башҡарыла торған йырҙарға

б) ҡурай көйөнә һуҙып башҡарыла торған йырҙарға

в) бейеү ритмына тура килтереп көйләүсе йырҙарға

г) йәш ҡыҙҙарҙың кейәүгә сыҡҡанда әйтелә торған йырҙарға

18. Я.Ҡолмойҙоң “Мәктәп” шиғырындағы “Мәктәп яҡын һиңә, тыуып үҫкән  өйөңдәй” тигән юлдарҙа ниндәй һүрәтләү сараһы файҙаланылған?

а) метафора              

б) эпитет        

в) сағыштырыу              

г) йәнләндереү

Баһалау: “5” – 17-18 б.    “4” – 13-16 б.    “3” – 9-12 б.

Башҡорт әҙәбиәтенән 2 сиректә үтелгәндәр буйынса тест

1.С.Юлаевты уҡырға, яҙырға кем өйрәтә?

1.  атаһы                 2. әсәһе                     3. өләсәһе               4. олатаһы

2.“Ысын тормоштағы конкрет кешеләрҙең, хәл-ваҡиғаларҙың, күп төрлө күренештәрҙең әҫәрҙә дөйөмләштерелеп күҙ алдына баҫтырылған сағылышы нимә тип атала?

1. пейзаж              2. образ           3. хикәйәләү               4. шиғри телмәр

3.Ж.Кейекбаетың “Урал тураһында ҡобайыр” әҫәре халыҡ ижадының ниндәй традицияларын дауам итә?

1. шиғыр              2. йыр         3. ҡобайыр               4. бәйет

4.“Уҡытыусы Ғүмәров” әҫәренең авторы кем?

1. Р. Шаммас     2.Ф.Иҫәнғолов       3. Л.Яҡшыбаева     4. К.кинйәбулатова

5. Йософтоң матурлығы тураһында кем яҙған?

1. С.Сараи                                 2. Ҡ.Ғәли                      3. Ғ.Соҡорой

6. Ҡараһаҡал образы ниндәй әҫәрҙә бар?

1. М.Иҙелбаев “Төш”  2. Н.Иҙелбай “Салауат ташы”   3.Р.Ғарипов “Салауат батыр”

7.Был өҙөк ниндәй әҫәрҙән?

“Һонтор егет ҡабаланып тағы ниҙер әйтергә ниәтләнгәйне, гөлсафия ҡарсыҡ менән Көнбикә бер турһыҡ ҡымыҙ килтерҙе. Салауат та улар артынан эйәргәйне. Аҙналы юлсыларҙы аттарын ҡоймаға бәйләтеп, үҙҙәрен ҡапҡа аша ихатаға үткәрҙе…”

1. М.Иҙелбаев “Төш”  2. Н.Иҙелбай “Салауат ташы”   3.Р.Ғарипов “Салауат батыр”

8.Р.Ғариповтың “Салауат батыр” шиғыры кемгә бағышланған?

1. Салауат Юлаевҡа                  2.С.Тавасиевҡа                  3. Ю.Аҙналинға

9. Л.Яҡшыбаеваның “Уҡытыусы – ул белем биреүсе лә, икенсе әсәй ҙә” әҫәренең геройы кем?

1.Гөлсафия                  2. Суфия                       3. Фәриҙә           4. Ғүмәров

10.Ырыу тарихы нимә тип атала?

1. Тәүарих                    2. Тарих                      3. Парса              4. Шәжәрә

11. Был юлдарҙы кем әйткән?

Ҡоралай тауҙы үтәйек,

Ботаҡтары булһа, утайыҡ.

Ҡаршы ла килгән дошмандарҙы

Уңай сыҡҡан ерҙә бутайыҡ.

1. Халыҡ                    2. Юлай                     3. Ҡараһаҡал            4.Салауат

Баһалау: “5” – 11 б.,   “4” – 8-10 б., “3” – 5-7 б.

Башҡорт әҙәбиәтенән 3 сиректә үтелгәндәр буйынса тест

1.Был өҙөк Ш.Бабичтың ҡайһы әҫәренән?

Арыҫландар  үҙ ерен

Залимдарҙан  тапатмаҫ,

Тапаймын тип атлаһа,

Башҡорт ҡаны атлатмаҫ.

1) “Башҡортостан”            2) “Тупраҡ”

2. “Бөркөт һауала үлә” әҫәренең авторы кем?

1)Р.Насыров                    2) Ә. Вахитов                     3) Ә. Бикчәнтәев

3.  “Бөркөт һауала үлә” әҫәрендә күкрәге менән амбразураны ҡаплаусы егет кем ул?

1) Матросов                     2) Артюхов                      3) Лалетин

4. Саша ни өсөн амбразураны күкрәге менән ҡаплай?

1) Автоматының патрондары, гранаталары бөтә

2) Артабан барырға хәле ҡалмай

5. А. Матросов ҡайҙа батырлыҡ күрһәтә?

1) Мәскәүҙә          2) Һамарҙа         3) Өфөлә         4) Чернушкиҙа

7. “Ҡәнәфер сәскәһе” әҫәренең төп геройы кем?

1) Гәүһәр                                 2) Фәриҙә                            3) Ғәҙилә

8. “Ҡәнәфер сәскәһе” әҫәренең авторы кем?

1) М. Кәрим                     2) З.Биишева                 3) Й.Солтанов

9. “Ҡәнәфер сәскәһе” әҫәрендә ниндәй байрам етеүе тураһында хәбәр ителә?

1) Яңы йыл                          2) 8 март                           3) 23 февраль

10. Фәриҙә өйөн табырға ярҙам иткән ҡыҙҙың исеме?

    1) Әсмәбикә                     2) Ынйыҡай                            3) Нәсимә

11. “Бер әсәнең зарыҡҡаны” ниндәй жанрға ҡарай?

      1) хикәйә                            2) әкиәт  

12. “Әсәм ҡулдары” шиғырының авторы кем?

       1) М. Кәрим                    2) Р. Ғарипов                         3) Р. Бикбаев

13. Был шиғырҙың авторы кем?

      Башҡортостан! Татлы балһың кеүек,

      Дегетсе бер оҫта кеүекһең –

      Кейеменә мазут еҫе һеңгән

      Һин, гүйә, бер эшсән егетһең.

1) Н.Нәжми                   2) З. Биишева                  3) Р. Ғарипов

14. “Яуҙан ҡайтҡан ҡурай” әҫәренең авторы кем?    

1) Й. Солтанов                  2) Н.Ғәлимов              3) Ә. Бикчәнтәев

15. Ш.Бабич ҡайһы йылдарҙа йәшәгән?

1) 1890- 1934                     2) 1895- 1919                       3) 1886- 1913

16)Йомабай Иҫәнбаев кем булған?

1) гармунсы              2) ҡурайсы         3) скрипкасы         4) тракторист

17)Кем дзотты шартлатып, иптәштәренә алға барырға  юл аса?

1) Рәшит              2) А.Матросов         3) Артюхов               4) Лалетин

18)Башҡорт атлы арыҫлан ҡайҙа тыуған һәм үҫкән?

1) Дүртөйлөлә      

2) Йылайырҙа  

3) Башҡортостан-гөлбостан, сөмбөлостан, нурбостанда              

4) Баймаҡта

19.Нөктәләр урынына төшөп ҡалған һүҙҙәр ҡуйығыҙ.

     Башҡорттар китте һуғышҡа,

Оҙатып ҡалды …

1) сал Урал               2) генерал                3) күк Урал       4) аталар

20. Бөйөк Ватан һуғышында ҡатнашҡан яҙыусы кем?

1)Т.Килмөхәмәтов       2) Й.Солтанов                3) Ә.Бикчәнтәев

Баһалау: “5” – 19-20 б.

                 “4” – 15-18 б.

                 “3” – 10-14 б.

3 сиректә үтелгәндәр буйынса тест

1. Ш.Бабич шиғырҙарын тап?

       А) “Салауат батыр”

       Б) “Ҡурайҡайға”

       В) “Гөлдәр баҡсаһында”

2. Был өҙөк ниндәй әҫәрҙән?

    Урал! Үҙе боҙ диңгеҙҙең һыуын эсә,

    Ә ҡойроғо ҡойона Аралда.

    Быуаттарҙың баш өҫтөнән ҡарап,

    Мәғрур тора бнда ҡаялар.

       А) Р.Ниғмәти. “Йәмле Ағиҙел буйҙары”

       Б) С.Юлаев. “Уралым”

       В) Ш.Бабич. “Ҡурайҡайға”

3. М.Кәрим ҡасан ҡайҙа тыуған?

       А) 1919 йыл, Дүртөйлө районы Әсән ауылы

       Б) 2005 йыл, Шишмә районы Келәш ауылы

       В) 1919 йыл, Шишмә районы Келәш ауылы

4. Пиккио, Айгөл, Йәғәфәр Моратшин, Ябағаев ниндәй әҫәр геройҙары?

       А) Һ.Дәүләтшина. “Айбикә”

       Б) М.Кәрим. “Айгөл иле”

       В) Д.Юлтый. “Тимеркәй фәлсәфәһе”

5.“Йәмле Ағиҙел буйҙары” картинаһының авторы кем?

       А) Ҡ.Дәүләткилдиев

       Б) Ә.Лотфуллин

       В) С.Фадеев

6. Әҫәрҙә образдарҙың килеш-килбәтен, төҫөн, буйын, һынын, күҙ ҡарашын, тауышын, кейемен, хәрәкәтен һүрәтләү нимә тип атала?

       А) Характеристика

       Б) Портрет

7. “Айбикә” әҫәренең авторы кем?

       А) Һәҙиә Дәүләтшина

       Б) Мәжит Ғафури

       В) Ғайса Хөсәйенов

8. Түбәндәге образдар ҡайһы әҫәрҙән?

1. Сәми ҡарт, Никлудин баяр, Ҡотлояр

2. Ғәйшә, Көнһылыу, Ишбулды, Бибекәй, Юлдыбай, Фәғилә әбей

А) “Айбикә” повесы

Б) “Тимеркәй фәлсәфәһе” хикәйәһе

9. Башҡортостандың халыҡ шағиры кем?

А) Ш.Бабич

Б) Р.Ниғмәти

В) Һ.Дәүләтшина

Баһалау: «5» - 9-10 б.

                «4» - 7-8 б.

                «3» - 5-6 б.

9 класта башҡорт әҙәбиәтенән контроль эш.

1. Халыҡ ижадына ҡайһы ижад төрө ҡарай?

   а) Йола поэзияһы, әкиәттәр, ҡобайыр, бәйеттәр, сеңләүҙәр, афористик ижад, көләмәстәр

   б) Повесть, романдар

   в) Парсалар, сеңләүҙәр, афористик ижад.

2. Халыҡ ижадының сәсмә формалары        

   а) Әйтештәр, йомаҡтар, хикәйәләр

   б) әкиәттәр, легендалар, риүәйәттәр, көләмәстәр.

   в) тарихи хикәйәләр

3. Урал батыр эпосы.Уның боронғолоғо, мифологик нигеҙе. Төп идеяһы:

   а) Һунарсылыҡ, ғаилә

   б) Дуҫлыҡ, тоғролоҡ

   в) Халыҡ бәхете хаҡында тәбиғәттең стихиялы көстәренә ҡаршы көрәште данлау. Кешенең бөйөклөгө, тәбиғәт менән  халыҡтың үлемһеҙлеге темаһының сағылышы.

4. «Иҙеүкәй менән Мораҙым» эпосы үҙенсәлектәре

   а) Әҫәрҙә нуғай осоро тарихының сағылыш дәрәжәһе. Азатлыҡты яҡлап хандарға ҡаршы көрәш темаһы. Иҙеүкәй образы. Уның йөҙөндә халыҡ үҙенең батырын, ил башлығын күрергә теләүе. Иҙеүкәй менән Мораҙым – ата менән ул мөнәсәбәте, батырлыҡ традициялары  

   б) Иҙеүкәй менән Мораҙым – ата менән ул мөнәсәбәте  

   в) Иҙеүкәй образы.

5. Боронғо әҙәби  ҡомартҡылар.

   а) Мәхмүт Ҡашғари һүҙлеге

   б) Уғыҙнамә. Боронғо әҙәбиәт. Боронғо төркиҙәр һәм уртаҡ төрки әҙәбиәт. Руник төрки ташъяҙмалар.  Мәхмүт Ҡашғари һүҙлеге, ундағы йыр, дастан, мәҡәл үрнәктәрен өйрәнеү.

   в) Уғыҙнамә. Боронғо әҙәбиәт. Боронғо төркиҙәр һәм уртаҡ төрки әҙәбиәт.

6. «Мөхәббәтнамә», «Жөмжөмә солтан», «Гөлөстан бит-төрки» әҫәрҙәре ҡайһы ваҡытҡа ҡарай?

    а) Урта быуаттар әҙәбиәте

   б) 20 быуат

   в) 21 быуат  

7. Кемдәр ул йырауҙар һәм сәсәндәр?

   а) Башҡорт халҡының һүҙ оҫталары        

   б) Телсе, ғалимдар

   в) шағирҙар

8. Салауат Юлаев шиғырҙары?  

   а) “Дуҫлыҡ”, “Дан”

   б) “Тирмәмдә”, “Уҡ”

   в) ”Туған тел”, “Егеткә”

9. С. Юлаев шиғырҙарындағы темалар?

   а)Тыуған тәбиғәтте һөйөү, азатлыҡ өсөн көрәш, батырлыҡ, кешелеклелек.

   б) Изгелек, һағыш, батырлыҡ

   в) Туғанлыҡ, һөйөү, кешелеклелек