Улам мый марий туныктышо

О шочмо-кушмо тыныс мланде!

Шӱмем, чонем ден йöратем.

Вер-шöрем моткочак ямле,

Йоча годсек мый куанен илем.

Мый йöратем шке шочмо верым!

Шке Морко велым мый моктем!

Чевер кеҥежым я йӱштö телым

Тый декет эре вашкем.

Мый йöратем шке Шале ялым,

Пошкудо-влакым пагалем.

Яндар южым оҥыш налын,

Йоча куан ден кушкынам.

Мый йöратем ачай, авайым.

Эн лишыл улыт нуно мыланем.

Изи кидем гыч коктын налын

Кӱштеныт сай, шотан лияш.

Жап эртыш, а йоча идалык,

Шоген кодо шыпак öрдыжеш.

Аттестатым кидыш налын,

Мый тыныс кайык лийын,

Олашке кайышым чоҥештен.

Университет омсажым почо,

Да мане: «Нигушкат ит вашке,

Шинчымашым пого шке!»

Кугу куан ден тунемам.

Шинчымаш шондыкем

Пойдарашак  тыршенам.

Ик чевер кечын куаналын,

Дипломым кидышке кучен,

Да кечылан шинчам пӱялын

Мый школышко ынде вашкем.

Вет туныкташ – кугу усталык.

Туныктенам мые олаште,

Финн элыште туныктенам.

Марийын йылмыже тыматле, ныжыл,

Йоча годсекак тудо лишыл.

Шоненам: «Каем мый школыш

Лиям тунемшылан чон-полыш!».

Кызыт каласен кертам:

«Улам мый туныктышо!

Икшывым мый туныктем!».

Урокыштат лектеш гын йодыш

Шке палымем да моштымем ден

Йочан уш-акылым савырен,

Шке пашам тыршен ыштен,

Марий йылмемым тныктем!

Йывыртем, кунам тунемше

Тунемме сомылжым шукта.

Коклан лиеш заданий неле,

Вашмутым чыным садыгак муэш.

Мый йöратем шке сомылемым.

Вет икшывым мый туныктем.

Огеш чактаре неле-йöсö

Тунемше-шамычем ден кугешнем!