Заһитова Айһылыу Миңлеғәле ҡыҙы

Визит карточкаһы:     https://yadi.sk/i/aWPFekT_oqQGMg

О себе

16 йәштән һайланым,

тәрбиәсе һөнәрен.

Был һөнәрҙе һайлағанға

Һис тә мин үкенмәнем.

Заман менән бергә атлап,

дәртләнеп мин эшләйем.

Туған телде онотмаҫҡа

Балаларҙы өндәйем.

Башҡорт теле-әсәм теле,

Ул минең туған телем.

Башҡорт тигән һәр бер бала

                                   Онотмаһын, ине телен.         ( Заһитова А.М.)

   - тигән маҡсат менән, 20 йылға яҡын, Өфө ҡалаһының  "40- сы һанлы башҡорт балалар баҡсаһы"нда  эшләйем.

Тәрбиәсе һөнәре – ысын мәғәнәһендә һөнәрҙәр һөнәре.

 Шуға күрә был һөнәрҙе һайлаған кеше үҙе лә ғәжәп дәрәжәлә тәрбиәле, белемле булырға тейеш. Сөнки ул баланы белеме менән генә түгел, килеш – килбәте, холҡо, һөйләү мәҙәниәте, яҡты йөҙө, күңел паклығы менән дә тәрбиәләй.

Һөнәрем: юғары категориялы тәрбиәсе.
Белемем: 1999 йылда Сибай педагогик колледжын тамамлап тәрбиәсе һөнәренә эйә булдым, Башҡорт дәүләт университетының башҡорт филологияһын тамамлап юғары белем алдым.

Педагогик стажым: 19 йыл.

Педагогик дәрәжә:
                                  Педагог- эҙләнеүсе(педагог-исследователь)
                                  Оҫта педагог (педагог- мастер)
Маҡсатым: һәләтле, ижади, белемле, рухлы, мәҙәниәтле шәхес тәрбиәләү.
Тормош девизым:  Заман һулышын тойоп, заман менән бергә атлау, һәр саҡ алға барырға, тағы ла юғарыраҡ бейеклектәр яуларға!

Яратҡан шөғөлдәрем : Тыуған Башҡортостан буйлап сәйәхәт итеү, бейергә һәм йырларға яратам,халыҡ медицинаһы

Книги, которые сформировали мой внутренний мир

Педагог булараҡ минең эске донъямды - 

бөйөк педагог В. Сухомлинскийҙың "Йөрәгемде балаларға бирәм" һәм "Улыма хат" китаптары;

әсә булараҡ - Т. Ғиниәтуллиндың "Әсә һәм бала" әҫәре, М.Кәримдең "Беҙҙең өйҙөң йәме" повесы;

ҡатын- ҡыҙ булараҡ - Һ.Дәүләтшинаның "Айбикә" повесы, Г.Яҡупованың Ҡатындар" трилогияһы;

ҡатын-ҡыҙ һәм көрәшсе булараҡ -  Ғ.Хәйринең "Боролош" романы асырға булышлыҡ итте.

Бөйөк педагог К.Д. Ушинский: "Халыҡ теле - баланың рухи тормошоноң, иң аҫыл, бер ҡасан да һулымай һәм мәңге яңынан асыла торған сәскәһе... Теле юғалдымы – халыҡ башҡаса юҡ. Теле тере икән, ул саҡта халыҡ та тере" тип билдәләй.

Мой взгляд на мир

Был тормошта үҙ тәғәйенләнешеңде тойоп, шул йүнәлештә үҫешеп, тирә-йүндәгеләргә ҡыуаныс өләшеп йәшәү ‒ оло бәхет.

Мои достижения

Минең уңыштарым:

2017 йыл - Өфө ҡалаһы кимәлендә үткәрелгән  “Педагог-эҙләнеүсе” конкурсы, еңеүсе

2017 йыл - Өфө ҡалаһы кимәлендә үткәрелгән “Илһам” конкурсы, “Еңеүгә ынтылыш” номинацияһы еңеүсеһе

2018 йыл - 2-се Халыҡ-ара “Ата-бабалар теле” конкурсы, еңеүселәрҙе әҙерләгән өсөн диплом

2018 йыл - Ҡала кимәлендә үткәрелгән “Иң яҡшы видео- дәрес” конкурсы, еңеүсе

2018 йыл - Өфө ҡалаһы ҡала округы Киров районының почет грамотаһы

2019 йыл- район кимәлендә педагогтар өсөн үткәрелгән" Илһам" конкурсында еңеүсе

2019 йыл - Башҡортостан Республикаһына 100 йыл тулыуына арналған" Иң яҡшы дәрес конспект" ы конкурсы еңеүсеһе

2019 йыл -Яҙыусы М.Кәримдең тыуыуына 100 йыл тулыуға арналған сараларҙа әүҙем ҡатнашыусы, М.Кәрим исемендәге фонд дипломы

2019 йыл - Театр йылына арнап, Өфө ҡалаһы Киров районы кимәлендә үткәрелгән “Мәктәпкәсә йәштәге балаларға театр” конкурсы, 3-сө урын

2019 йыл-"Беҙ баласаҡ планетаһынан" Республика ижади конкурсы призеры

2020 йыл - Л.В.Выготский исемендәге Бөтә Рәсәй конкурсы, ҡатнашыусы

2020 йыл- Интерактив уйындар Республика конкурсында еңеүсеһе

2020 йыл - Өфө ҡалаһы кимәлендә үткәрелгән “Оҫта педагог” конкурсы, еңеүсе

​ 2020 йыл- Республика кимәлендә үткәрелгән "Иң яҡшы электрон дәрес" конкурсы, ҡатнашыусы

2020 йыл - Өфө ҡалаһының “40-сы һанлы башҡорт балалар баҡсаһында” ойошторолған "Балалар баҡсаһында полилингваль белем биреү" инновацион майҙансығының төп белгесе

Портфолио: