О себе

СЛАЙД №1

Шумбратадо, вечкевикс ялгат!

Теевтяно содавиксэкс…

Мон - Ольга Ивановна Антипова,

СЛАЙД №2

чачинь минек Отяжбуень Тазнелесэ.

Эрзянь вишкине велинес

Вере Паз мерсь тень чачомс,

Леля – ялакс юткс вейкинекс

Чанстязь ульнинь мон касомс.

Тетянень – аванень сюкпря,

Сынь эрямо монень макссть.

Васень чоледиця валнэть

Эрзякс ёвтамо кармавтсть…

СЛАЙД №3

Ушодомань школань класстнэнь

Тиринь велесэнь прядынь...

 СЛАЙД №4

Седе тов поладыя тонавтнемам  шабра Ламбаськень средней школасо. Зярдо тосо прядынь кавксо класстнэнь, апак кавтолдо молинь тонавтнеме Ицялонь педучилищав. 

СЛАЙД №5

      Мекс апак кавтолдо? А секс, мекс вишка пингсэ саезь монень вечкевкшнесь эйкакшонь келесь: кортамось, валморынень ёвтнемась, морынень морамось. Ледстнян, зярдо эзь ульне кудосонок телевизор,  вечкилинь кунсоломо радионь пачк  эйдень кужосо ютавтневиця покшчитнень молемаст. Ульнесь мелем понгомс  се эйкакштнэнь юткс…Свал училинь cе передачатнень. Бути а тондавилинь кудос, авам, «радионь оятненень» вечкемадон содазь, свал серьгедилимим ульцясто ялга ютксто налксемстэяк.

      Сестэ, бульчом, вельмеськак вечкемась  эйкакш марто важодемантень…

Эзинь фатя, покшсто касынь.

Эрямо ки вешнема…

Пря эзинь карма яжамо,

Тиринь велес арсинь само.

    Сеетьстэ макснить  тень кевкстема «Мекс кадовинь велес?» Мон яла ёвтан истят каршо валт: «Велесь истя жо эрикс /одушевлённой/, кода и ломанесь… Сон свал кочкси-сэвтни эсь ломанензэ – кинь паньсы покш ошов, кинь кадсы эстензэ… Мон омбоцетнень ютксо… Кадозетненьгак  путни – ладси эрьванть эсь тарказонзо: веенстнэнь – кшинь кастомо, омбонстнэнь - ракша мельга якамо, колмонстнэнь – поладксонок тонавтомо»…

     Мон колмоцетнень ютксо… Вана уш колоньгемень кавксоце ие ветнян «тонавтнемань масторга» эсь вишка оинень. Аштян покш мельспаросо сень кувалма, мекс велем эзимем «пане»…

СЛАЙД №6

      1984-це иень таштамговонь васенце чистэ ушодовсь монь важодемань ким тиринь велень ушодомань школасо. Школасо, косо монсь тонавтнинь васенце, омбоце, колмоце, нилеце класстнэсэ…

СЛАЙД №7

     1986-1990 иетнестэ тонавтнинь М.Е.Евсевьев лемсэ Мордовской государственной педагогической институтсо, "Педагогика и методика начального обучения" факультетсэ.

СЛАЙД №8

     2012 – це иень таштамговонь васенце чистэ а кинень ульнесь самс Тазнелень ушодомань школань класстнэнень…Школась пекставсь… Се шкастонть саезь мон Ламбаськень школасо…

 СЛАЙД №9

      2009 – це иестэ карминь варчнеме виень тиринь кельсэ валморонь /стихень/ сёрмадомасо.

«Тазаледе…тиринь веледе …» - истя лемдякшныя васень валмором.

 СЛАЙД №10 

     Теке жо иестэнть саезь Мордовия  Республикань сёрмадеень вейксэндявксось кармась эйсэнь тердтнеме иезэнзэ кавксть од литераторонь семинаров.

СЛАЙД №11

грамотатне

СЛАЙД №12

     Стихень, ёвтнеман, миниатюран  лиснекшнить «Эрзянь правда», «Эрзянь мастор», райононь «Вперёд» кулялопатнесэ, эрзянь эйкакшонь ды од ломанень «Чилисема»,

 СЛАЙД №13  «Сятко» журналтнэсэ.

СЛАЙД №14

      2014-це иестэ, Эрзянь келень чинтень  покштояк покш казнекс весе эрзятненень кармась «ТЕШКС» вейсэнь пусмонть лисемазо.Эйзэнзэ совасть эрзянь од сёрмадыцятнень произведенияст…Кемгавтово лопат те пусмосонть максозь монь шкинемантеньгак…Книгась нолдазь  «Эрзянь вайгель» эрзянь культурно-просветительской вейсэндявксонь» региональной вейсэнь куронть ды васняяк – сонзэ прявтонть Е. Е. Ледяйкинэнь лезксэнзэ вельде.

- Мезде сёрмадан? Эсь сёрмадовкссон ёвтнян тиринь веледень, уцяскав эйкакшпорадо, вечкемадо, иень шкатнеде…

СЛАЙД №15