Болгар иле

         Болгар иле

1. Күңел ачыр бәйрәм булмас монда

    Ислам динле Болгар илендә.

    Дога, намаз, тәүбә кабул булыр

    Мәккәгә тиң изге җирендә.

Кушымта:

Фәрештәләр намаз укып торыр

Болгар күгенең оҗмаһ катында.  

Ташлар телгә килеп сөйләр әле  

Изге җирнең тарихы хакында.  

2. Вакыйгалар шаһитләре булган

   «Изге чишмә», «Хуҗалар тавы».

    Күргәннәрен җан авазы белән

    Әйтеп бирер агачлар шавы.

3. Тарих – тирән кое, суын сипсәң

   Орлык салган изге туфракка.

   Идел-Урал иле мәркәзенең

   Даны китәр ерак-еракка.