Җәйге тыныч бер кичтә.

                                       Җәйге тыныч бер кичтә.

Җәйге тыныч бер кичтә,

Тыңлап тордым суның аһ-зарын:

Кешеләр агулый күлләрнең,

Чишмәләр, елгалар суларын.

Җәйге тыныч бер кичтә,

Тыңлап тордым һаваның зарын:

Һаваны агулый машина,

Фабрикадан чыккан газ, корым.

Җәйге тыныч бер кичтә,

Тыңлап тордым урманның зарын:

Учаклар, чүп-чарлар агулый

Ярдәмчесез урман хайваннарын.

Җәйге тыныч бер кичтә,

Тыңлап тордым җирнең моңнарын

Тыңладым да, әйттем үземә:

Үзгәртербез яхшы якка барын.

Үзгәртербез! Башка ишетмәбез

Челтерәр чишмәләрнең аһ-зарын;

Күңел тыныч булыр, ишетмәбез

Саф һаваның, сихри урман зарын.

Үзгәртербез, ышандырып әйтәм;

Киләчәккә өмет бар әле.

Җир- ананы елатмабыз башка

Аек акыл җирдә бар әле.