"Барысын да яратам"шигырь.

                           Барысын  да  яратам.

                  Без  гаиләдә дүрт кеше –

                  Матур, тигез  яшибез.

                  Дәү әти - әниләрем белән

                  Гел  күрешеп  торабыз.

                  Минем  әти  эшмәкәр,

                  Безгә  икмәк  табучы.

                  Ә әнием  балаларга

                  Татар  телен  өйрәтүче.

                  Тагын бар минем энем,

                  Бик яратабыз аны без.

                  Мин бердәнбер кыз булсам,

                  Ул безнең – батырыбыз.

                  Дәү әтиләрем икәү

                  Бик яратам үзләрен.

                  Бергә җыелган вакытта

                  Күңелле үтә көннәрем.

                  Дәү әниләрем мине

                  Иркәләп- назлап сөя.

                  Кайсына гына барсам да

                  Бик күп тәмнүшкә тия.

                  Дәү әти- әниләрем тырыш,

                  Әти - әнием тагын да.

                  Яратамын  шуңа  күрә

                  Мин  аларның  барын  да !