"Син безнең йөрәк түрендә"

                                         Син безнең йөрәк түрендә

“Әлли-бәлли итәр бу,

Мәдрәсәгә китәр бу”, -

Әбием энемне йоклата,

Сызылып кына таң ата.

Ай югала, Кояш чыга,

Төн белән көн алмаша.

Көзләр, кышлар, язлар үтә,

Җәй дә якынлаша.

Җәйләр җитсә, бала-чага

Су буйларына чаба.

Бала-чаганың чыр-чуыннан

Су анасы куркып качар.

Урманнарга керсәң, исең китәр,

Беркайда юк мондый матурлык.

Шүрәлеләр килеп чыкса,

Җитәр бездә батырлык.

Былтыр бабай кебек

Хәйләкәр вә тапкыр без.

Ул Шүрәле белән, бәлки,

Дуслашып та алырбыз.

Тукай әкиятләре безне

Гомер буе озата бара.

Шигырьләрен укып, ятлап,

Үсә бездә һәр бала.

Син безнең йөрәк түрендә

Булырсың  Тукай көн дә.

Син яшәсәң, телем яшәр,

Халкым яшәр мәңге-мәңге!

“Татарстан Республикасы Биектау муниципаль районының 2 нче номерлы урта гомуми белем мәктәбе” гомуми белем муниципаль бюджет учреждениесенең 9 “Б” сыйныф укучысы Сафиуллина Алсу