"Шачема велезе"

Шачема велезе

Шачема вастозе Клшкась,

Мокшень оцю велесь.

Седи пакшозе тоза правсь,

Ётак масторть келес.

Аф муят тон оду край,

Шачема-касома васта.

Мялезт велесь фалу сай,

Коза тон тят шашта.

Аф юкстасак оцю пантть,

Коза нормалькс яксеть.

Конань пряста апак ватт,

Тялонь шитнень крякснеть.

Исса ляйське мялезт сай,

Ару веденц мархта.

Коса цюлготь шабакс най,

Уезь саттнень вакска.

Ляди мялезт Клшкань,

Шуфтонь ташта школась.

Конац лама ёньда макссь,

Оцю ломать нолдась.

Терди вели алянь кудсь,

Атянь-бабань масторсь.

Лама вийда тядясь путсь,

Штоба оцюкс касфтомс.

Аф юкстави Клшкась,

Шачема-касома велесь.

Онцтон тона вели сать,

Уски тоза седись.