Урок по коми-пермяцкому языку на тему "Кадакыв"
план-конспект урока на тему

Уроклӧн мунӧм

Велӧтчан уроклӧн материал

Велӧтiсьлӧн удж

Велӧтчиссезлӧн удж

Пыр колана тӧдӧммез да кужӧммез зорӧтӧм (УУД)

Класс лӧньсьӧтӧм

Урок организуйтӧм

В.: -Кыдз олат?

-Вот кыдз! (мыччавны пев)

-Кыдз мунат?

-Вот кыдз! (Мыччавны чунеккезӧн оськӧввез мӧдiк ки пыдӧс вылын)

-Кыдз котӧртат?

-Вот кыдз! (мыччавны, кыдз уджалӧны киэз котӧртiкӧ)

-Ойнас узят?

-Вот кыдз! (Киэз «лодочкаӧн» тшӧка увтӧ, пуктыны юр ны вылӧ)

-Кыдз босьтат?

-Вот кыдз!

-А кыдз сетат?

-Вот кыдз!

-А кыдз мыччалатӧ чунёкӧн «оз туй»?

-Вот кыдз!

-Кыдз пукалат?

-Вот кыдз!

-А коми-пермяцкӧй кыв кыдз тӧдат?

-Вот кыдз! (Мыччавны пев)

Сетӧ челядьлӧ настрой урок вылӧ.

Лӧсьӧтчӧны удж дынӧ, внимательнӧя кывзыны велӧтiсьӧс, мыччалӧны, мый тшӧктӧ велӧтiсь.

Коммуникативнӧй: Кужны внимательнӧя кывзыны велӧтiсьӧс.

Личностнӧй: Зорӧтны бур отношеннё урок дынӧ, зорӧтны кужӧммез действиеэз мыччалӧмын.

Регулятивнӧй: Нацеливайтны бур удж вылӧ.

Тӧдӧммезлӧн

актуализация

В.: - Видзӧтам, быль я бура тӧдат аймам кывсӧ. А ӧнi внимательнӧя видзӧтыштӧ слайд вылӧ, тiян одзын кык текст. Лыддьӧтӧ нiйӧ и висьталӧ, мыйӧн нiя оз вачкисьӧ ӧтамӧд вылӧ?

(слайд 2)

Ч.: - Медодзза текстас абу кадакыввез, оз позь адззыны грамматическӧй основаэз.

В.: - Правильно, медбӧрья текстас мийӧ вермам адззыны грамматическӧй основаэз. Медбӧрья текстас мунӧ действие. А кытшӧм сёрни тор мыччалӧ действие?

Ч.: - Кадакыв (глагол).

Тема да моггез петкӧтӧм

В.: - Правильно, сэки мый йылiсь ми талун урок коста пондам баитны?

Ч.: - Кадакыв йылiсь.

В.: - А кытшӧм моггез сувтӧтат аспондасиныт?

Ч.: - Уськӧтны тӧдвылӧ, мый сэтшӧм кадакыв, сылiсь основнӧй морфологическӧй признаккесӧ. Тӧдны мыйкӧ вильӧ эта сёрни тор йылiсь.

В.: - Öнi осьтам тетраддезнымӧс, гижам талуння чило. Тема «Кадакыв». Класснӧй удж.

Велӧтiсь вайӧтӧ тема дынӧ вопрос отсӧтӧн.

Челядь висьталӧны тема, петкӧтӧны моггез.

Коммуникативнӧй: Кужны висьтавны бытшӧма юасьӧммез вылӧ ответ. Личностнӧй: Кужны правильнӧя локны тема дынӧ. Регулятивнӧй: Кужны петкӧтны тема и мог уроклiсь.

Важ тӧдӧммез тӧдвылӧ уськӧтӧм

В.: - Давайте уськӧтам тӧдвылӧ, мый ми тӧдам эта сёрни тор йылiсь. Тiянлӧ отсалас вот эта серпасыс (слайд 4).

Кадакыв – этӧ самостоятельнӧй сёрни тор, кӧда мыччалӧ предметлiсь действие либо состояннё да сетӧ очакыв мый керны? (Мый керӧ? Мый керӧм? Мый керас? и с.о.) юасьӧммез вылӧ.

Кадакыввез вежласьӧны кад, лицо да число сьӧртi.

Эта вежласьӧмыс, челядь, шусьӧ спряженнёӧн.

Сёрникузяын кадакыв частожык лоӧ сказуемӧйӧн. Кадакывлӧн эм особӧй форма, кӧда только висьталӧ действиесӧ, но оз мыччав не кад, не лицо, не число. Этасянь сiя шусьӧ неопределённӧ формаӧн или инфинитивӧн. Неопределённӧй форма ответ сетӧ мый керны? Юасьӧм вылӧ. Аркмӧ сiя -ны, - ыны суффикссэзӧн.

Велӧтiсь тшӧктӧ уськӧтны тӧдвылӧ одзжыкся тӧдӧммез тема «Кадакыв» сьӧртi опорнӧй схема отсӧтӧн.

Велӧтчиссез внимательнӧ кывзӧны велӧтiсьлiсь заданнё, уджалӧны опорнӧ схема сьӧртi, уськӧтӧны тӧдвылӧ сы отсӧтӧн важ тӧдӧммез.

Коммуникативнӧй:

Кужны петкӧтны дон ёрттэз ответ вылӧ, внимательнӧя ӧтамӧдӧс кывзыны.

Личностнӧй: Зорӧтны устнӧй сёрни, кужны аргументируйтны ассиныс версияэз. Регулятивнӧй: Кужны правильнӧя логическӧя рассуждайтны, кужны корректнӧя висьтавны ассиныс мненнё.

Медодзза

закрепленнё

В.: - Осьтӧ небог 133 листбок вылын. Да лыддьӧтӧ, мый ми эшӧэг висьталӧ кадакывлӧн неопределённӧй форма йылiсь.

Ч.: - Кадакывлӧн неопределённӧй форма сёрникузяын вермас лоны быдкодь сёрникузя членӧн:

- подлежащӧй

- сказуемӧйӧн

- второстепеннӧй членӧн.

Тшӧктӧ уджавны небӧгкӧт, сетны юасьӧм вылӧ ответ.

Внимательнӧя лыддьӧтӧны параграф §35, кошшӧны юасьӧм вылӧ ответ.

Личностнӧй: Адззыны и босьтны ас понда колана материал, содтыны одззася материал дынӧ виль знаннёэз. Познавательнӧй: зорӧтны виль интерес уже тӧдӧм дынӧ.

Регулятивнӧй: кужны уджавны самостоятельнӧя.

Тӧдӧммез да

вермӧммез закрепитӧм

Заданнёлӧн мог:

Кужны аркмӧтны кадакывлiсь неопределённӧй форма, висьтавны кытшӧм суффикс отсӧтӧн сiя аркмис.

В.: - Молоддеццез, а ӧнi давайте пондылам аркмӧтны неопределлённӧй форма кадакыввезлiсь да висьталам суффиксэсӧ. Керам устнӧя, сьӧрсьӧн-бӧрсьӧн.

(слайд 5). Заданнёлӧн мог: 

Тӧдны кадакывлiсь значеннё, кужны бӧрйыны эманим дынӧ кадакыв, зорӧтны устнӧй сёрни.

В.:- Видзӧтӧ внимательнӧя слайд вылӧ, тiян одзын быдкодь эманиммез и кадакыввез. Тiянлӧ колӧ эна эманиммез (медодзза колонкаис) дынӧ бӧрйыны кадакыввез (медбӧрья колонкаис), уджаламӧ сьӧрсьӧн-бӧрсьӧн.

В.: - А кин жӧ, челядь, сэтшӧм юрсигусь?

 Ч.: - Стрекоза.

Заданнёлӧн мог:

Кужны пыртны кадакыввез сёрниӧ; зорӧтны письменнӧй да устнӧй сёрни. Кужны определитны кадакывлiсь медшӧр морфологическӧй признаккесӧ.

В.: - Аркмӧтӧ неыджыт распространённӧй сёрникузя энiя кыввезнас (эманиммезнас да кадакыввезнас).  Гижӧ сiйӧ тетраддезаныт. Кадакывлiсь определитӧ кад, лицо, число, роль сёрникузяын.

В.: - Кин желайтӧ лыддьӧтны ассис сёрникузясӧ?

Заданнёлӧн мог:

Зорӧтны устнӧй сёрни.

В.: - ... , молодец! А ӧнi видзӧтӧ слайд вылӧ. Кыдз тi думайтат, мый эта сэтшӧмыс тiян одзын? (Ёма масӧ сёйӧм, мошшес сьӧрас – ройӧн )

Ч.: - Чожабаитан.

В.: - Правильно, это чожабаитан (т.е. скороговорка). А мыйлӧ миянлӧ чожабаитаннэз?

Ч.: - Медбы басӧксьӧтны миянлiсь сёрнинымӧс, керны выразительнӧйӧн.

В.: - Бур, если поныс миян вутӧ, каньыс нявзӧ, мый же керӧны мошшес?

Ч.: - Мошшес дзингӧны; ӧктӧны ма.

В.: - Давайте пондыламӧ это баитансӧ висьтавны чожася чожа.

В.: - Молодеццез, гортанын пондылӧ эшӧ ӧтпырись висьтавны сiйӧ ӧддьӧн чожа.

Заданнёлӧн мог: Зорӧтны устнӧй сёрни; кужны определяйтны кадакыввезлiсь кад.

В.: - А ми мунам одзлань, тiйӧ правильнӧя висьталiт, что чожабаитаннэз миянлӧ колӧны, медбы керны сёрнинымӧс выразительнӧйӧн. И ӧнi ми тiянкӧт пондамӧ выразительнӧя лыддьӧтны Г. Бачевалiсь кывбур. Осьтам небӧг 131 листбок вылын, адззӧ упражненнё № 256. ..., лыддьӧт, пожалуйста, миянлӧ заданнёсӧ. Лыддьӧтӧ этӧ кывбурсӧ гусьӧн. …, лыддьӧт, пожалуйста, этӧ кывбурсӧ миянлӧ горона, бытшӧма да выразительнӧя, а остальнӧйезыс кывзӧны. Спасибо, … . А ӧнi пондам лыддьӧтны ӧтiк сёрникузяӧн, адззам кадакыви висьталам, кытшӧм кадын сулалӧ эта кадакылыс, тыртам сетӧм таблица (медбӧрья сёрникузясӧ керам самостоятельнӧя, кинкӧ лыддьӧтас).

Заданнёлӧн мог:

Кужны определитны кадакывлӧн н.ф. сёрникузяын роль; зорӧтны устнӧй сёрни.

В.: - Обратитчам эшӧ 265 упражненнё дынӧ. Сiйӧ пондамӧ керны тетраддезаным и доска одзын. Доска одзӧ пондам петавны сьӧрсьӧн-бӧрсьӧн: ӧтiк морт уджалӧ доска одзын, остальнӧйез местаэз вылын.

Велӧтiсь сеталӧ быдкодь характераа заданнёэз, юасьӧммез. Внимательнӧя кывзӧ велӧтчиссезлiсь юасьӧммез вылӧ ответтэз, проверяйтӧ удж, кӧда керсьӧ тетраддезын и доска одзын.

Велӧтчиссез внимательнӧя кывзыны заданнёэз, керӧны нiйӧ тетраддезаныс и доска одзын, сетӧны юасьӧммез вылӧ ответ, ассиныс уджнысӧ ордчӧтӧны доска одзын керсьӧм уджкӧт, выразительнӧя лыддьӧтӧны кывбур, уджалӧны чожабаитан вылын.

Коммуникативнӧй: Кужӧмӧн пользуйтчыны тӧдӧммезӧн, кывзыны и кывны ёрттэзӧс, кужны аргументируйтны думаэс, кужны петкӧтны дон ёрттэз ответ вылӧ. Личностнӧй: зорӧтны письменнӧй да устнӧй сёрни. Донтны аймам кыв.

Познавательнӧй: одзжыкся тӧдӧммез используйтны урок вылын. Регулятивнӧй: Кужны донтны ассиныс удж, адззыны колана туй удж керӧм понда, кужны содтыны мӧдiк велӧтчиссезлiсь тӧдӧммес.

Итог урок сьӧртi (рефлексия)

В.: - Бӧрйы, кытшӧм зонтик увтын тэ вӧлiн урок коста.

Тшӧктӧ велӧтчиссезӧс бӧрйыны зонт, кӧда мыччалӧ, кыдз велӧтчисьыс оценивайтӧ асьсӧ и урок вылын ассис уджсӧ

Бӧрйӧны зонт, сетӧны сы отсӧтӧн асныслӧ оценка.

Регулятивнӧй: керны вывод урок сьӧртi.

Оценкаэз сувтӧтӧм

В.: - Осьтам дневниккезным, сувтӧтам урок понда оценка.

Комментируйтӧ урок коста удж оценкаэз тэчӧмын.

Кывзӧны ассиныс недочёттэснысӧ. Сувтӧтӧны оценкаэз.

Регулятивнӧй: правильнӧя усвоитны, мый тӧдӧ и эшӧ оз тӧд, ассис возможносттесӧ. Коммуникативнӧй: Кужны кывзыны да петкӧтны аспондасис коланаӧ серниись, керны выводдэз

Гортся удж сетӧм

В.: - талун, челядь, ми тiянкӧт урок пондӧтчикӧ баитiмӧ тулыс йылiсь. Гортся уджнас лоас упражненнё 259. Гижам дневниккезаным. Тiянлӧ колас гижны неыджыт текст (7-10 сёрникузяэз) серпас «Медбӧрья лым»сьӧртi.

Тшӧктӧ гижны гортся удж дневникӧ.

Гижӧны гортся удж.

Регулятивнӧй: зорӧтӧны небыт отношеннё ӧтамӧд дынӧ оценкаэз сувтӧтӧм бӧрын.