Блог пользователя Җамалиева Лилия Илгиз кызы

Чәчәкләр

Ап-ак  ромашкалар ята аунап,

Юл буенда тузанга батып.

Кемдер шулай матур чәчәкләрне

Ташлап киткән таптап, каралтып.

Күпме кеше уза бу юллардан,

Чәчәкләрдә кемнең эше бар?

Кайсы карый, кайсы карамый да,

Таптый-таптый алга атлыйлар.

Ә ул...узалмады...туктады.

Керфегенә кунды яшьләре.

Карады да шушы чәчәкләргә,

Искә төште узган яшьлеге.

Ромашкалар кебек матур чагы,

Үлеп гашыйк булды, яратты.

Берәү...өзеп...чәчәкләрдәй

Матурлык югалмас.

Аклыкка төренгән бакчалар,

Шомыртлар хуш исләр тарата.

Күңелем шул гүзәл бакчадай

Күңелне өзелеп ярата.

Бу кадәр матурлык,сафлыктан

Йөрәгем нурларда коена.

Чиксез бер рәхәтлек моң булып,

Җаныма агыла тын гына...

...Карларга төренгән бакчалар,

Шомыртлар ак шәлен ябынган.

Ярату яшәсә күңелдә,

Матурлык югалмас дөньядан.