Шәрәфиева Ләйсән Әлхәт кызы

О себе

_{Мин укытучы эшчәнлеген Казан шәһәренең 55 нче мәктәбеннән башладым, инде менә 19 ел Кайбыч районы Мөрәле төп мәктәбендә балаларга ана телен  укытам.}

_{Төп максатым – балаларга төпле белем һәм тәрбия бирү, аларда халкыма, аның тарихына, мәдәниятенә, бөек кешеләренә ихтирам тәрбияләү, ана телебез белән горурлану хисе уяту.}

_{Туган телгә изге хисем укучыларга барып җитсен өчен, мин барысын да эшләргә тырышам.}

_{-Үземнең педагогик эшчәнлегемдә традицион һәм инновацион алымнарны киң кулланам.}

_{Соңгы елларда новатор укытучыларның тәҗрибәләрен, яңа форма-алымнарын даими өйрәнәм, аларны дәресләремдә файдаланам, проектлар ысулы белән эшләүне нәтиҗәле алымнардан саныйм, һәрбер дәрестә диярлек, милли – төбәк компонентлары кулланам.}

_{- Дәреснең гадәти формалары белән беррәттән, аның бик актив төрләренә мөрәҗәгать итәм.}

_{КВН, концерт, эстафета, аукцион, сәяхәт, уен дәресләре уңышлы уза, халык аваз иҗатыннан киң файдаланам. Мондый дәресләр балаларны активлаштыра, аларның игътибарын туплый һәм иҗади мохит булдыра.}

_{- Дәресләрне күбрәк табигать күренешләре белән бәйләп алып барырга яратам.}

_{Көз көне балаларның парталарына, күзләрен йомып торган арада, төрле биремнәр язылган яфраклар коела. Карлар да биремнәр яудыра. Җылы яктан кайтучы кошлар да үзләре белән яңа биремнәр, күнегү, кагыйдәләр алып кайталар.)}

_{- Балаларда туган телгә мәхәббәт, китап укуга кызыксыну тәрбияләүдә класстан тыш чараларның әһәмияте зур.}

_{Һәр теманы өйрәнгәннән соң, викториналар, интеллектуаль уеннар, язучылар һәм шагыйрьләр иҗаты белән таныштыру кичәләре уздырыла. Бу кичәләрдә укучылар бик теләп катнашалар.}

_{- Яңа материалны аңлатканда татар телен рус теле белән чагыштырып өйрәтәм.}

_{Мондый алым укучыларны уйланырга, рус телендә менә болай иде, татарча ничек була икән? дип эзләнергә мәҗбүр итә, белемнәрен тирәнәйтергә ярдәм итә, телләрне тигез үзләштерүне күпкә җиңеләйтә.}

_{-Дәресләрдә укучыларның мөстәкыйль эшләрен оештыруга аеруча нык игътибар итәм.}

_{- Сөйләм күнекмәләрен үстерү максатына ирешү өчен, мин сүз сәнгатенә, матур әдәбияткә мөрәҗәгать итәм.}

_{- Һәр балага индивидуаль якын киләм, сәләтле балалар белән эш алып барам.}

_{Укучыларым олимпиадаларда, төрле конкурсларда актив катнашып, призлы урыннар яулый.}

_{Гомумән, дәресне кызыклы, файдалы итү мөмкинлекләре күп. Бары тик яңа алымнарны оста файдалана белергә, эзләнергә генә кирәк.}

_{Мин туктаусыз эзләнәм, педагогик осталыгымны төрле курсылар аша камилләштерәм.}

_{Татар теле һәм әдәбияты укытучылары өчен үткәрелгән семинарларда, киңәшмәләрдә тәҗрибә уртаклашам, бәйгеләрдә катнашам, ачык дәресләр уздырам, матбугат басмаларын алдырам, үзем дә газета-журналларга мәкаләләр язам.}

_{Хәзерге заман укытучысына иң кирәкле сыйфатлар дип мин түбәндәгеләрне саныйм.}

_{- үз фәнеңне яхшы белү}

_{- балаларны ярату, аларның шәхесен ихтирам итү, аларга кеше итеп карау}

_{- балаларга иң уңайлы, иң отышлы алымнар белән белем бирә, дәрес материалының иң кирәкле өлешен сайлап ала белү, укучылар алдына бер максат кую һәм шуңа ирешү}

_{- укучыларның активлыгы, дәрестә күп эшләү, уеннарны оста куллану.}

_{- Алган белемнең тормышта нәрсә өчен кирәк булачагын аңлату, күрсәтү, ышандыру.}

_{- Укытучының тышкы кыяфәте, үз-үзен тотышы.}

_{Шушы сыйфатларга ия булган укытучыга балалар үзеннән-үзе тартылалар, киләчәктә дә аңа охшарга тырышачаклар, дип уйлыйм.}

_{Барлык һөнәр кешеләренә караганда да укытучы һәр яктан гүзәл булырга тиеш. Бу – хакыйкать. Аны дәлилләп торуның кирәге юк, дип исәплим. Мин һәрвакыт Ф.Яруллинның “Кешеләр турында без” дигән шигырен истән чыгармаска тырышам, сезне дә шул шигырь белән таныштырасым килә.}

_{Нәтиҗә ясап, шуны әйтәсем килә: гомерлеккә сайлаган хезмәтем һәрвакыт минем күңелемне шатландырып, сафландырып тора. Укучыларымны күрүгә, бөтен дөнья мәшәкатьләрем, борчуларым онытыла. Шуңа минем күңелем һаман яшь, шуңа мин бәхетле.}

_{Мин 1 гади укытучы булып}

_{Хезмәт итәм бүген тормышта.}

_{Һәр укучым – язылмаган роман,}

_{Һәр дәресем – маяк тормышка.}

_{Мин бәхетле, әгәр укучыларым}

_{Сөйләсәләр ана телендә.}

_{Кайгыларын, шатлыкларын бергә}

_{Бүлешсәләр татар телендә.}

Книги, которые сформировали мой внутренний мир

Аяз Гыйләҗев "Әтәч менгән читәнгә", Туфан Миннуллин "Үзебез сайлаган язмыш; 

Г. Әпсәләмов "Ак чәчәкләр";

Нәбирә Гыйматдинова , Зифа Кадыйрова әсәрләре

Әлеге әсәрләр Намус, Кешелеклелек, Иманлы булу һәм Мәхәббәт кебек мәңгелек изге төшенчәләргә тугры булырга өйрәтәләр.

Мой взгляд на мир

^{Дөнья гизеп, чит илләрдә булмасам да,}

^{Һәрбер көнем минем хезмәттә.}

^{Мин бит беләм: бары тырыш булса гына}

^{Лаек була кеше хөрмәткә.}

^{Бәхетле мин, һич арттырып әйтмим.}

^{Алда әле күпме юллар бар.}

^{Эшнең тәмен белеп, кулга кул тотынып,}

^{Хезмәттәшләр белән эшләр өчен}

^{Алда әле күпме еллар бар.}

^{Укытучы булу –  зур бәхет ул.}

^{Ул - яраткан минем хезмәтем.}

Мои достижения

Грант РТ "Наш лучший учитель", 2011г.,Грамота РОО,01.10.2009,
Грамота РОО,.21.11.2016, Грамота МКУ «Отдел образования Кайбицкого муниципального района РТ»  за весомый вклад в воспитание подрастающего поколения, многолетний добросовестный труд и в связи с 50 – летием введения должности “Заместитель директора по воспитательной работе”2017

Моё портфолио

Кеше өчен иң кадерле тел - туган тел. Туган тел аша кеше дөньяны таный, зур уңышларга ирешә, биеклекләргә менә. Иң олы хисләрен, ярату һәм нәфрәтне дә тел ярдәмендә белдерә. Тел бөек көчкә ия.       

Портфолио: