Публикация в сборнике "Салют, Победа!" - литературный конкурс районного фестиваля самодеятельного творчества работников образования "Звездопад", посвященный 70-летию Великой Победы
материал (подготовительная группа) на тему

Бабам хәтирәләре

Иртәңге таң нурын самолетлар

Кара төтен белән каплаган.

Бар җиһанның тынычлыгын бозып,

Фашист безгә сугыш башлаган.

Аямаган күпме халыкны ул.

Ана, бала диеп тормаган,

Үзәк өзгеч хәсрәтләргә салып,

Аткан, аскан, изгән, таптаган.

Илнең тугры, батыр солдатлары,

Җанын биреп, безне саклаган.

Бик тә авыр булган сугыш юлы,

Шул юллардан бабам атлаган.

Севастополь, Берлин турында ул,

Сөйли иде әрнеп, сызланып.

Әйтерсең лә,ишетелә сугыш кайтавазы,

Йөрәк яраларын яңартып.

Зарыгып көткән җиңү килгән.

Бу көн зур шатлыклар белән күмелгән.

Улларына, кызларына Ватан рәхмәт әйткән,

Азатлыгы өчен коллык, үлемнән.

Ветераннар!

Тыныч күгебез, саф һавабыз өчен,

Сезнең алда мең – мең рәхмәтле.

Сез булганга без яшибез бүген.

Сез булганга – без бик бәхетле!

“Сугыш “ дигән сузне беркайчан да

Ишетмәсен иде аналар.

Илебезнең күге  аяз булсын,

Ятим үсмәсеннәр балалар.

Ватан тынычлыгын саклап,

Сакта тора солдат абыйлар.

Тормыш һәрчак имин булсын,

Тыныч йокласыннар сабыйлар.

                                                                               Ләйсән Файзрахманова.

Туган телем.

                                     “Әни”,- диеп дәшкән иң беренчн сүз,

                                        Туган телем -татар телендә.

                              Адымнарның беренчесен мин атладым ,

                                       Татарстан - туган җиремдә.

                                       Кечкенәдән хәтеремә сеңгән,

                                     Бишек җырларының моңлысы,

                                    Әкиятле кичләр,назлы сүзләр -

                                       Туган телемдә бит барысы.

                                  Язмышымның озын юллары

                                          Аерса да туган илемнән.

                  Сагыну,сагыш,хәсрәт биләп алганда да,

                                 Көч алам мин туган телемнән.

                                  Телем – араларны якынайта,

                            Тоям әниемнең куен җылысын.

                      Туган илдән,газиз ана,туган телдән,

                              Кадерлерәк нәрсә бар тагын?