Сценарий праздника на тему: "Осенний бал" в разновозрастной группе на татарском языке.
материал

“Комыргуҗа “Миләшкәй” балалар бакчасы

“Сөмбелә бәйрәме”

Төзеде: Шигабетдинова Р.И

Октябрь, 2022 ел

Алып баручы:

Бар куңеллелек бөтен дөньяда, бар бер ямь бүген,

Нәрсәдән бу, мин беләм, бәйрәм бүген, бәйрәм бүген!

 Җыр: “Көз”

Самат. Уңыш жыелды,

Аккошлар китте.

Матур көз ае –

Октябрь житте.

 Ринас: Көз килде дә керде өйгә,

Яфраклар йөгерәләр.

Ышык эзләп койма, капка

Асларына керәләр.

 Имилия: Көз җитте, салкын урамда,

Салкын булса да, чыгам урамга.

 (Музыка янгырый, Көз керә)

А.б. Исәнме, Көз! Бәйрәмебезгә рәхим ит! Әйдә, түрдән уз!

Көз: Исәнмесез, балалар, кызлар һәм малайлар. Мин сезгә мул уңышларым белән туп-туры килдем. Бүгенге бәйрәмдә күңел ачарбыз бергә. Биербез дә, җырларбыз, көләрбез һәм уйнарбыз. Бәйрәмебез күңелле булсын!

Сәминә: Ни арада җәй үтте,

Алтын көз килеп җитте.

 Шатлык тулы бу бәйрәмне

 Балалар күптән көтте.

  Көз: Балалар, мин буш кул белән килмәдем, сезнең тапкырлылыгызны сынарга табышмаклар алып килдем.Тыңлагыз!!!

 Җир астында җиз бүкән.Ул ни икән? (Бәрәңге)

Кат-кат тунлы, карыш буйлы (Кәбестә)

Тураганда елата. Нәрсә ул, балалар? (Суган)

Уен  УМК: “Бар матур бакча анда кишер үсә”  

А.Б: Көз, безнең балалар шигырьләрен сөйләп бетермәделәр әле.Тыңлап бетер.

  Ләлә: Көз килде, үләннәр

Саргайды, шиңде.

Сап- сары яфраклар

Җиргә сибелде.

 РайнурКырлар буш кала,

Яңгырлар ява.

Җирләр дымлана.

Бу кайчак була? (Көз көне)

 Көз: Бик яхшы итеп сөйләдегез шигырьләрегезне, балалар, рәхмәт!!! Әйдәгез, балалар, яфраклар белән бер биеп алыйк әле.

 БИЮ “Яфраклар биюе”

 Музыка астына болыт килә.

Болыт: Узегез бәйрәм итәсез.Мине бәйрәмгә дә чакырмадыгыз. (Елый). Мин хэзер сезне чылатып бетерәм.

Алып баручы: Болыт, син елама,без сина бию буләк итәбез.

Бию: “Злую тучку наказали”

Болыт: Рәхмәт сезгә, балалар.Сез минем күңелне күтәрдегез.

Алып баручы: Э без шигырь сөйләүне дәвам итик.

Мансур:  Җиргә яфрак коелган,

Сап-сары келәм булган.

Яфракларны без җыярбыз,

Букет ясап куярбыз.

Надир:Көз көннәре килеп җитте,

Хушлашабыз җәй белән.

Бөтен җиргә яфраклардан

Алтын келәм җәелгән.

 РаязКөз көннәре бик күңелле,

Бик күп җимешләр пешә.

Помидор, карбыз өлгерә,

Алмалар өзелеп төшә.

Көз: Мин сезгә күчтәнәчләр белән килгән идем, балалар. Хәзер өләшеп чыгам мин аларны сезгә. Зур үсегез, сәламәт булыгыз, әти-әниләрегезнең сүзләрен тыңлагыз. Муллыкта, рәхәт тормышта яшәгез, нәни дусларым. Сау булыгыз!!!

Балалар: Сау бул, Көз! Киләсе елга очрашканга кадәр!!! Күчтәнәчләрең өчен рәхмәт!