Мөкминова Әлфия Дамировна

" Укытучы! Сүзе дә нинди бит!.. Укытучы! Әйтергә генә җиңел! Бездә, һәр бала мәктәптә укыган илдә, укытучы – беренче кеше ул. Балаларыбызның, халкыбызның киләчәге – укытучы кулында, аның алтын йөрәгендә. Аны урамда күргәч тә без илле адым килеп җиткәнче үк хөрмәт йөзеннән баш киемебезне салырга тиешбез".  А. Фадеевның бу фикерләре бүгенге көндә дә үзенең актуальлеген югалтмасын иде дигән теләктә калыйк. Хөрмәтле коллегаларым, әлеге мини-сайтта тәҗрибә уртаклашсак иде.

О себе

Мин 1976 нчы елның 8 нче февралендә Татарстанның бик гүзәл якларында урнашкан Минзәлә районының җырларда җырлана торган ямьле Ык буендагы Әтрәкле авылында дөньяга килгәнмен. Гади генә колхозчы булсалар да, әти-әниемнең татар матбугатына, тарихына,  әдәбиятына гашыйк булулары нәтиҗәседер, урта мәктәпне тәмамлагач,1993 нче елда Алабуга дәүләт педагогия институтының татар теле һәм әдәбияты, рус теле һәм әдәбияты бүлегенә укырга кердем.1998 нче елда әлеге уку йортын уңышлы тәмамлап, туган якларга кайттым. Хезмәт юлымны Минзәлә шәһәренең 2 нче урта мәктәбендә татар теле һәм әдәбияты укытучысы буларак башлап җибәрдем.  Бүгенге көндә Казан шәһәренең 8 нче гимназиясендә эшлим.

Книги, которые сформировали мой внутренний мир

М. Мәһдиев " Фронтовиклар", "Без кырык беренче ел балалары", "Кеше китә - җыры кала", Э. Касыймов "Гомер ике килми", Ч. Айтматов " Беренче мөгаллим", М. Җәлил, Ф. Кәрим, Һ. Такташ, Х. Туфан, С. Хәким, И. Юзеев, Ф. Яруллин, Р. Миңнуллин шигырьләре.

Мой взгляд на мир

 “Язмыш синең тез астына китереп сукса – егылмас өчен якасына ябыш. Утларга салса – үзең аннан да көчле ян, шулвакыт аның кызуын сизмәссең. Суларга ташласа – күбек булып өскә күтәрелмә — асылташ булып төпкә бат, ялтыравыңны күреп, чумып алырлар. Тузан итеп һавага күтәрсә — яңгыр тамчыларына кушылып, җиреңә төш. Карурманнарда адаштырса – кояшка карап юл сайла. Ташлар белән бастырса — чишмәгә әверелеп, иреккә ургыл. Җиргә күмсә — орлык шикелле тишелеп чык. Җилкәнеңне җилләр екса – йөрәгеңне җилкән итеп күтәр. Нинди генә очракта да җиңәргә өйрән. Көчле рухлылар гына максатларына ирешә алалар. Түземнәр генә бәхеткә лаек“. (Ф. Яруллин " Җилкәннәр җилдә сынала")

Мои достижения

Диплом - IV Всемирный конкурс интернет-проектов «Шедевр знаний». Номинация "Урта белем учреждениесе - җәүһәрләр чыганагы". Конкурс сайтов учителей татарского языка “Дәрескә” - 2013

Дипломант в I Республиканской научно-практической конференции, посвященной творчеству Т.Миннуллина- 2014

Диплом II степени  - Первый республиканский конкурс стихотворений для детей «Шигърият дөньясында»-2014

Сертификат - Муниципальный конкурс учителей татарского языка и литературы общеобразовательных учреждений «Педагогическая мастерская учителя XXI века»-2015

Сертификат участника - III республиканская научно-практическая конференция им. М.Джалиля, посвященной 70-летию Победы в Великой Отечественной войне - 2015

Диплом, 2 место - Всероссийский конкурс «Умната». Блиц-олимпиада «Рабочая программа педагога как инструмент реализации требований ФГОС» - 2016

Моё портфолио

Укытучы хезмәте - бик катлаулы, авыр хезмәт. Тырышлыгымның нәтиҗәсен күрү миңа илһамланып эшләргә көч бирә. Шуңа күрә дә белемемне тирәнәйтү, арттыру , фән белән кызыксыну өстендә эшлим, эзләнүләр, тикшеренүләр алып барырга омтылам. Укучыларга белем бирү, укыту барышында белем сыйфатын күтәрү, укыту фәненә мәхәббәт һәм ихтирам тәрбияләү, шуның белән бергә, баланы шәхес буларак формалаштыру, укучыларга дифференциаль якын килеп, укытуны индивидуальләштерү максатында төрле технологияләр куланам. 

Портфолио: