Физик тәрбия буенча театр элементларын кулланып төзелгән ачык шөгыль конспекты “Машага өенә кайтырга булышу”
план-конспект занятия по физкультуре (младшая группа)

     Физик тәрбия буенча театр элементларын кулланып төзелгән  ачык шөгыль конспекты

“Машага өенә кайтырга булышу”

2 нче кечкенәләр төркеме

 Эшкәртмә автор: Гараева Әлфия Мубаракша кызы

 Максат: Физкультура шөгылендә  театр эшчәнлегенең  элементларын кулланып балаларның сәламәтлекләрен ныгытуны дәвам итү.

       Бурычлары:

   1) Тактадан йөргәндә тигезлек саклап йөрүне күнектерү.

   2) Үрмәләп бару күнекмәләрен үстерү.

   3) Хәрәкәтләрне эшләгәндә көйне тыңлап эшләүне үстерүне дәвам итү.

   4) Дуслык мөнәсәбәтен тәрбияләү.

   5) Бер-берләренә ярдәм итүне күнектерү.

   6) Рус  халык әкиятләрен  татар балаларына физик тәрбия шогыле аша өйрәтү.

Шөгыль барышы

  -Хәерле иртә,балалар! Балалар бүген бездә бик күп кунаклар, әйдәгез апалар белән

исәнләшик.

  Балалар жавабы

    - Балалар, бакчада яңа көн башланды.

   (Эби  елап керә).

  - Бала:  Нәрсә булды? Нигә елыйсыз? 

  - Әби:  Сез Машаны беләсезме?

  - Балалар :Әйе.

  -Әби:  Минем оныгым Маша сезгә юлда очрамадымы?  

 - Тәрб: Юк.

   -Әби:   Ул әнә тегенлә күренеп тора торган әкият урманнына  җиләккә киткән иде.Кайтмый да кайтмый. Мөгаен адашкандыр.  Нишләргә дә белмим

  -Тәрб:  : Балалар булышабызмы әбигә? (балалар риза булалар)

 -  Балалар: Әйе .

  -  Эби:  Ул урман гади урман гына түгел.  Анда болай гына эләгеп булмый !Менә минем кәрзинемдә әкият геройларының битлекләре бар. Төрле әкият геройлары  булып  кына сез, әкият урманына бара алачаксыз.

 -Тәрб: Без хәзер нәкъ шулай эшләрбез. Хәзер сез  узегезгә ошаган битлекләрне киясез .

  Монда безгә кемнәр очрар икән?

       -Эйдәгез, Машаны эзләргә юлга чыгабыз. Аю кебек барабыз, буреләр булдык, куян кебек алга таба  сикереп барабыз,ә хәзер  тизрәк бару өчен саескан кебек очабыз. Аяк астында агачлар ята , шуларны атлап чыгабыз.(Кубик аша атлап бару).

Экранда алан рәсеме.

Менә аланга килеп чыктык. Ял итеп алабыз һәм күнегүләр эшлибез. Менә агач астында күркәләр бар. Шуларны алабыз да күнегүләр эшлибез.

- Тәрб :    Балалар, без көч тупладык. Алга таба юлны дәвам итәбез.

    ( Каршыга куян очрый) . .Әнә анда куян  утыра. Шуннан сорыйк әле.

• Тәрб: Куян-йомшаккай  кулына кәрзин тоткан кызны күрмәдеңме?
• Куян.  Күрдем.  Сез миңа елга аша чыгарга ярдәм итсәгез, кызнын  кай якка киткәнен әйтермен.
• Тәрб: Ярдәм итәбезме?
• Балалар : Әйе. (Елга аша сикереп чыгу. )
• Куян:   Кәрзин тоткан кыз шушы юл буйлап китте.
• Тәрб:  Әйдәгез йомшаккай белән саубуллашабыз да, эзләүне дәвам итәбез.
• Балалар: Сау бул куянкай!
• Куян: Сау булыгыз.  Рәхмәт.  
• Тәрб:  Юлны дәвам итәбез.  (Алда тиен күренә)
• Тәрб:  Исәнме тиенкэй.! Кулына кәрзин тоткан кызны күрмәдеңме?
• Тиен: Күрдем. Менә монда күп итеп күркәләр җыеп куйдым, шуларны ояга ташырга булышсагыз, кай якка киткәнен әйтермен.
• Тәрб:  Ярдәм итик әле тиенгә. (күркә атабыз..)
• Тиен: Рәхмәт . Кәрзинле кыз шушы тар сукмактан караурман эченә кереп китте.
• Тәрб:   Рәхмәт тиенкәй.   Без алга таба киттек.

-Тиен:  Сау булыгыз.  

Ау дигән тавыш ишетелә.

- Тәрб: Тыңлагыз  әле, бу  Маша  тавышы түгелме.?

- Балалар:  Әйе.

Маша:.: Мин урманга җиләк җыярга  баргач адаштым. Кайту юлын белмим. Ярдәм итегез миңа.

- Тәрб:Без сиңа өйгә кайтырга ярдәм итәбез. Менә шушы урманны чыгабыз да , өйгә кайтып җитәбез. Киттек.  (өй янына килеп чыгалар)

- Тәрб: Менә әбекәй  Машаны алып кайттык.

-Әби:   Рәхмәт сезгә балалар.

- Тәрб: Хәзер битлекләрне салып,  әбигә тапшырабыз.     Әби Һәм Маша бн саубуллашабыз.  

Балалалар без бүген нинди нинди яхшылыклар эшләдек?

Әбигә, куянга, керпегә булыштык.

Сезгә сәяхәт ошадымы?