Сөйләм үстерү шөгыле.Катнаш төркем балалар өчен “Хайваннар hәм аларның балалары”
план-конспект занятия по окружающему миру

Сөйләм үстерү шөгыле. Катнаш төркем  балалар өчен

“Хайваннар hәм аларның балалары”

Максат: Балаларны   уенчыклар турында  хикәя төзергә өйрәтү(2-3 җөмлә).

Бурычлар: Капма –каршы  сүзләрнен  мәгънәсенә  төшенү (зур-кечкенә)хайваннарның  баласын әйтергә өйрәнү. “И “ авазын  дөрес  әйтергә өйрәтү, нечкә ,калын  тавыш белән идарә итәргә  ирешү

Күрсәтмә материаллар:

Өй-ширма.Уенчыклар:  Ат-колын,тычкан-тычкан баласы,эт-көчек,песи –песи баласы.

Шөгыль барышы:

Тәрбияче: Балалар, карагыз әле, бүген нинди матур көн!  Әйдәгез әле, кояшка сөенгән песи кебек елмаеп күрсәтегез. Сезгә кечкенә генә эт баласы бүләк итсәләр, сез ничек шатланыр идегез. Рәхәтләнеп елмаегыз. Әйдәгез, бер-беребезгә елмаю бүләк итик һәм исәнләшик.

Мин бар җирдә дә исәнләшәм.

Өйдәдә, урамда да.

Хәтта “исәнмесез” дип эндәшәм

Мин күрше тавыгына да.

Исәнме, алтын кояшкай,

Исән-саумы, зәңгәр күк!

Исәнме, ирекле җилкәй!

Сәлам, нәни имәнкәй!

Исәнме, иртә!

Исәнме, көн!

Исәнләшергә безгә авыр түгел бердә.

-Балалар ,карагыз  әле,безгә кунака кем  килгән? (ат булып кешнәп күрсәтә  )

Ат үзенең  баласын  чакыра.Атның баласы ничек атала? (Балалардан аерым –аерым  җавап алына)(Колын)Тәрбияче уенчык колынны күрсәтә.Карагыз әле, ат үзе зур,ә колын кечкенә.Колын ничек кычкыра.(Балалардан җавап  алына)

Чи -чи  диген авазлар ишетелә hәм  тәрбияче тычкан  күрсәтә.

Балалар безгә кем килгән? (тычкан) Бу тычкан үзенең баласын чакыра .

-“Чи –Чи”.

-кем аның  малае? (тычкан баласы)

Тәрбияче уенчык тычкан баласы күрсәтә.

-Тычкан әни зур,ә тычкан баласы нинди?

-Әйе тычкан баласы кечкенә,аның тавышы да нечкә генә чыга.Тычкан баласы ничек чиелдый? (Хор белән,аерым аерым җаваплар алына)

-Балалар,кемнең баласы мияулый?(калын hәм нечкә авазлар чыгарып әйтелә) Песи баласының әнисе кем?(Песи)Әни песи зур,ә песи баласы кечкенә.Песи ничек мияулый?(калын тавыш белән күрсәтә)ә песи баласы ничек мияулый (Балалардан җаваплар алына)

-Дөрес,балалар,песи баласы нечкә тавыш белән мияулый. Песи баласы йомшак, аның күзләре яшел.Ул  сөт ярата  .
 

Физкультминутка.”Машинада барабыз”

-Барлык балаларда шофер була.Алар машинада баралар.Сигнал бирәбез .”Пиип-пиип”

Балалар бүлмә буйлап  шофер булып йөриләр  hәм  и авазына басым ясап “Пиип “сүзен кабатлыйлар.

Шөгыль дәвам итә.

Өстәлдә өй ширма тора.,анда  хайваннар  яшеренгән.

-Балалар,ә без хәзер икенче төрле уен уйнарбыз.

-Менә бу өйдә хайваннар яшеренгән.Хэзер сез аларны тавышлары буенча  кайсы хайван кычкырганын танырга тиеш. Алар нечкә hәм калын тааыш белән кычкырырлар.Ә сез уйлап җавап бирерсез.

Тәрбияче калын тавыш белән  сыер булып  мөгри.

-Балалар кем мөгрәде? Әйе ,сыер мөгрәде.Чөнки аның тавышы калын.Ә хәзер кем тавышы?

(Балалардан җаваплар алына)

Шөгыль ахырында тәрбияче балаларга барлык уенчыкларны күрсәтә.Бу –тычкан баласы,бу –колын h.б.
 Балалар ә сезнең хайваннардан  нинди уенчыкларыгыз бар .Кем үзенең уенчыгы турында сөйләргә тели?(теләк буенча җаваплар алына.)

-Балалар,без сезнең белән бүген кемнәр турында өйрәндек? Сезгә кайсы ухайван  күбрәк ошады?Кайсы хайванның баласы ошады? Тагын ниләр белергә телисез?

Сез барыгыз да булдырдыгыз.