Подготовка к ОГЭ по родному (эрзянскому) языку

Пословицы о маме - валмеревкст авадо

♦ Арась ава - кудось чаво

♦ Аванть бажамозо - эйдензэ велькссэ свал чись палозо

♦ Авась анды эйкакшонзо, кода модась ломаненть

♦ Авань седеесь чиде пси

♦ Авань цидярдомантень арась пе

Пословицы о Родине - валмеревкст тиринь мастордо

► Тиринь велев – кись свал келей

► Косо бу ломанесь аволь важодть, тиринь велесь а стувтови

► Тиринь масторось – тиринь ава

► Весе китне тиринь масторов молить

► Ванстык тиринь масторот, кода тиринь ават

Пословицы о хлебе - валмеревкст кшиде

♦ Кшись - весеменень прявт

♦ Превтеме - лыкават-чарават, кшивтеме - а эряват

♦ Кшивтеме медтеяк пекеть а пештьсак

♦ Карми чи - карми кшияк

♦ Улезэ кши - пейть муевить

♦ Арась кшить - путыть пееть лавця лангс

♦ Вачодось, кодамо илязо уле тевсэ, кши кочомонть кирди мельсэ-превсэ

♦ Эсеть кшись свал седе тантей

♦ Киштевинек-моравинек, кшивтеме кадовинек

♦ Кшись - модасто, виесь - кшистэ

Пословицы о жизни - валмеревкст эрямодо 

♦ Эрямонть эрямс - аволь пире пирямс

♦ Эрямось максови паро тевень, лезэнь кандомс, аволь ансяк эсь пекень андомс

♦ Эрямось — тусто вирь: ки сонзэ содасы, се парсте пингенть эрясы.