Творчество детей
"Лисьмаприне" кужинев якицятнень шкинемаст
Скачать:
Предварительный просмотр:
Тонавтницятнень шкинемаст.
( «Чилисема», №6-7, 2013 ие)
Шумбратадо, «Чилисемань» теицят!
Васенце ие ветян Отяжбуень Ламбаськень школасо эрзянь келень ды тиринь литературань урокт.Эрзянь тейтерькатне ды цёрынетне паро мельсэ якить «Лисьмаприне» шкинемань кужинес. Снартнян кирвазтемс оймезэст вечкемань тол тиринь келентень, культурантень, койтненень-кирдатненень.
Лейтне ушодовить лисьмапрясто…
Тенень кемезь, тердян вишка оинень варчамо вийтнень сёрмадомасо. Зярс пек а мейсэ шнамс прятнень, но васень эскельксэнек улить.
Школанек анокстынек ды ютавтынек Эрзянь келень покшчинть. Тонавтницятне ёвтызь эсест мелест-арсемаст тиринь кельдест.
Ольга Антипова
* * *
Тиринь кель! Мазый кель!
Тёкшос тон кепедят мель!
Тетям – авам кортыть эйсэть,
Палат тон моньгак седейсэ.
Арсян теть ламо пингеть
Седе виевстэ гайгемс!
Наташа Вергизова.(7 класс)
* * *
Эрзянь масторось
Эйсэнек касты.
Эрзянь кудынесь
Ононок вансты.
Тетям ды авам
Эйсэнь кармавтыть
Свал тиринь келенть
Кирдемс седейсэнь.
Настя Зорькина.(6 класс)
* * *
Мон тонь, тиринь эрзянь келем,
Вечктян а ёвтави кода…
Тонь эйсэ корты монь велем.
Кода истя тонь а содамс?
Аволь весе теить парсте -
«Шумбрачи» валонть полавтыть.
Кургстост ливтить ансяк «здрастеть»,
Тиринь келенек калавтыть.
Кие визди тиринь кельде,
Тиринь масторонь мииця.
Мезть учомс истямонть пельде?
Сон весемень калавтыця.
Алёна Сошникова.(7 класс)
* * *
Эрзянь кель! Эрзянь кель!
Тон монь тиринь келем!
Тонь эйсэ кортамо свал
Монь ули покш мелем!
Люба Сошникова.(5 класс)
* * *
Кортан тиринь эрзянь кельсэ –
Тень кувалма паро мельсан.
Эрзянь кельсэ вечкан ловномс.
Нармушкань морот кунсоломс.
Ирина Кузьмина.(5 класс)
* * *
Мон чачинь Ламбаське велес,
Косо кортыть ансяк эрзякс.
Серьгедян масторонь келес:
Кода паро, мекс мон эрзян!
Течи школасонок покшчи –
Эрзянь морот ламо гайгить!
Тиринь келесь седей токши.
Эрзянь валтнэ - сиянь байгеть!
Тердян ракамо, пейдеме.
Киштеме весень, морамо.
Тердян парсте тонавтнеме,
Ды эрзянь келенть содамо!
Маша Инчина.(7 класс)
* * *
Мон пек вечкса тиринь келем. Сон пек мазый, моравиця, чевте, чарькодевиця… Истя кортыть лия раськень ломантнеяк, конат марсить минек кортамсто. Мон пек покш мельспаросан тиринь келем кувалма. Ванстасынек тиринь келенек!
Валя Емельянова.( 5 класс)
* * *
Мон арсян: эрзянь келесь сехте мазый. Сонзэ эйсэ кортыть минек раськень ломантне . Мон содан: тиринь келесь зярдояк а стувтови.
Вечкевикс монь эрзянь келем,
Эряк, гайгть масторонть келес!
Алёна Инчина.(5 класс)
* * *
Мон эрзян! Тыненк ёвтан –
Свал тиринь кельсэ кортан!
Эрзят монь тетям – авам,
Шержей покштям, сырявам…
Эрзят кармить поладксон.
Те видечи, аволь он!
Ольга Инчина.(6 класс)
* * *
Эрзянь масторсо эрян.
Эрзянь кельсэ мон кортан.
Ёвтаса мелем тенк мон:
Пек вечкеви монень сон -
Шожда пель, панжи цеця,
Мазыйстэ викшнезь паця!
Люба Михалкина.(6 класс)
* * *
Чачинь эрзянь Сырезь велес.
Тосо ёвтынь васень валт …
Цёков морокс гайги келем,
Нолдтни валдо, лембе налт.
Савсь чачи велем полавтомс,
Эрян ней Ламбаськесэ…
А мезть монень пек мелявтомс:
Покштян – бабан чачсть тесэ.
А васолга чуди лейне,
Эрзянь моро чольдерди...
Лыйни велькссэнь шожда пельне,
Пшкадеме эрзякс снартни.
Серьгедян каршонзо моро,
Чарькодьсамам, пек кеман.
А лазносы келем торо,
Семс, зярс эйсэнзэ кортан!
Юля Абросимова.(9 класс)
* * *
Эрзянь кель! Эрзянь кель!
Тоньсэ кортамс касы мель!
Мазый эрьге эрьва валот.
Эрзянь прят вадяшить налот.
Маряват касыця килейкс,
Сияждыця ведне леекс.
Нурсят эсь элесэть эйсэнь.
Ванстомс келем – кирдян превсэнь!
Таня Михалкина.( 5 класс) * * *
Минек моданть лангсо пек ламо эрьва кодат раськеть ды сынь весе кортыть эсест кельсэ.
Мон чачинь эрзянь велесэ, эрзянь раське ютксо. Секскак монь тиринь келем-эрзянь. Сон монь туртов малавикс ды питней. Вишка пингстэ саезь мон марян те мазый келенть. Те кельсэнть кортыть тетям ды авам, ялган ды весе малавиксэнь.
Сехте пек мон вечкелинь кунсоломс сырькаень эрзянь ёвксонзо. Сонзэ валонзо ульнесть валанят, чевть, седеень токицят.
А эрзянь моротне? Сынст кунсоломсто маряви теке жольниця лисьмапрянь чудикерькст кандыть эсь ведест эрьва кодамо гайсэ.
Мон арсян эрзянь кельденть мазый кель арась. Бажан сонзэ тонавтнемс седе парсте.
Владислав Туровский.(6 класс)
* * *
Монь тиринь келем – эрзянь. Те кельсэнть кортыть монь тетям – авам. Кортасть ды пачтизь минек семиянтень - покштян – бабан. Мазый эрзянь келесь! Сонзэ эйсэ сёрмадозь ламо морот, стихть… Сон прок вирень лисьмапря жойни, эжди, кецявты… Вечкса тиринь келем!
Саша Кувакин (6 класс)
* * *
Мон пек вечкса тиринь келем. Сонзэ эйсэ шождынестэ кортан кудосо, школасо, велесэнь, ялгань марто.
Эрзянь келесь монень маряви мазыекс ды сюпавокс.Вечкан ловномо тиринь кельсэнь ёвкст, ёвтнемат, стихть. Вачнян виень монськак сёрмадомо ёвкскеть.
Зярдояк а стувтса тиринь эрзянь келем!
Юля Гущина (5 класс)
Вечкан сёрмадомо эрзякс…
* * *
Мон содан тейтерька.
Тейтерька вадря.
А канды зярдояк
Прянзо сон верьга…
Тонавтнияк парсте,
Лезды монень свал.
А бути эряви,
Каи кисэнь вал.
Патякс ды ялаксокс
Лемдить минек эйсэ.
Ульцясо, школасо
Мартонзо пачк вейсэ.
Уроктне прядовить,
Сонзэ мон ильтян.
Ансяк седе мейле
Монсь кудов сырган…
Толя Эрзяйкин
* * *
Течи лисинь мон ушов –
А тосо прась ламо лов…
Кудо потмарс напустинь,
Сокссон тосто мон валгстынь.
- Леев, ялгат, адядо!
Вейкень пес соксс лангс стядо!
Васень ловось кеняркс кандсь.
Ансяк чокшнесь чинть уш пансь…
Аванок тенек пижнить:
-Нать, уш стувтынк кудов кинть?
Совинь начкосто, сизезь,
Таркас прынь, мадинь пейдезь.
Толя Эрзяйкин.(9 класс)
* * *
Тюжа ривезьке шашты…
Саразт салсеме машты.
Ёжовчисэнзэ манчи,
Овтонть икеле ланчи:
- Ярснян мон сехте тантейстэ,
Теньсэ явован тынк эйстэ…
Овтось арсезевсь, пшкадсь састо:
- Тондеть авардить эдь лавшот:
Вишкинеть ды вийтеметь.
Пежететь тонь певтеметь…
Дима Кузьмин. (5 класс)
Предварительный просмотр:
Вечкевикс «Чилисема»! Отяжбуень Тазнелень ушодома школань тонавтницятне сермадыть тенк васенцеде. Минь якатано «Лисьмаприне» кужинес, конань вети тонавтыцянок Ольга Ивановна Антипова.Тосо минь ловнотано «Чилисеманть» лопанзо, минськак варштнетяно сермадомань виенек, тейнетяно перть-пельксэнь артовкст.
* * *
Шержей телесь тенек сась-
Пельксэсь ашосо вельтявсь.
Ульцяв лисинек налксеме,
Ловсто атинень тееме.
Кискат-каткаткак кецясть-
Васень ловсонть чамаст шлясть.
Кузьмина Ирина, 3-це классо тонавтниця.
* * *
Ловне прась! Ловне прась!
Эйкакштне теле вастасть-
Сокст, нурдынеть анокстасть,
Теленть кедь пенес кундасть.
Тона уски пандо пряв_
Кинек пиризе школав.
-Теле, иля кежиявто,
Урокто мейле минь мартот
Чоподас налксетяно,
Ансяк валскес явтано.
Зорькина Анастасия, 4-це классо тонавтниця.
* * *
Вай, варштавинь мон ушов-
Тосо моли васень лов.
Ашо лов, ашо лов,
Ацавт минек вальмалов!
Сехте пек кисэть тошнаинь,
Паряк, тон тердемам марик.
Кецян тонеть, ашо лов,
Эрейстэ прака алов!
Михалкина Татьяна, 3-це классо тонавтниця.
Предварительный просмотр:
Телень само
Пейдян, вешкан, кирнявтнян –
Васень ловонтень кецнян.
Кундсян коморс ловтештнень,
Кошт а кельги мештентень!
Ванта, теле тенек сась!
Кеняркс а онкставикс кандсь.
Пейдезь варштась пандо прясь,
Аволямо тень кармась:
- Курок таргить нурдынеть,
Тердян, учан пек эйсэть…
- Нейке! – сергединь тензэ.
Эзия синдть мелензэ –
Сокст, нурдынеть кедьпесэнь.
- Кирдть ней, пандо, монь эйсэ!
Инчина Алёна
Даволков
Чаразь – велязь даволковось
Ёнксозонок сась.
Кедьпесэнзэ кандыловось
Выжнэзевсь, рангстась.
Мезе тейни минек пеле –
Эряви неемс!
Ловпандо юткс ёмась велем –
Ков ней оргодемс!
Вачкои ортатнес прясо,
Пижни турбасонть.
Яжи кенкшенть кочкарясо -
Азор ульцясонть…
Даволков, тевесь эдь мейсэ?
А кувака шкат…
А пельтяно тунь тонь эйстэ
Мезть уш прянть пек шнат?
Емельянова Валентина
Васень лов
Косто васень ловось сась?
Петя цёркась сеск фатясь –
Валдо ковось менельсэ
Казизе паро мельсэ.
Ашо весе пертьпельксэсь.
Велем кузсь теленть элес.
«Оймсек, эрзянь велине!»
Морси ашо телине.
Кузьмина Ирина
* * *
Иень весе шкатнень вечкан.
Мельспаросо эйсэст печтян.
Тельня кирякстнян вармакс,
Тунда морамо карман,
Кизна пурнан пусмо цецят,
Сёксень сырнентень пек кецян.
Теленть, кизэнть, сёксенть, тундонть -
Пулозост кеместэ кундан.
Сошникова Люба
* * *
Телесь габордызе велем
Эсензэ элес.
«Удок, оймсек, эрзянь веле», -
Моразевсь пилес.
Саинзе паксятнень нацяс
Ашо вельтявкс потс.
«Оймсек, удок, норов пакся», -
Моры моро одс.
Нурси элесэнзэ телесь
Весе пертьпельксэнть:
Уды паксясь, уды велесь,
Ков вансты эйсэст.
Гущина Юлия
* * *
Течи лисинь мон ушов –
А тосо прась ламо лов…
Кудо потмарс напустинь,
Сокссон тосто мон валгстынь.
- Леев, ялгат, адядо!
Вейкень пес соксс лангс стядо!
Васень ловось кеняркс кандсь.
Ансяк чокшнесь чинть уш пансь…
Аванок тенек пижнить:
-Нать, уш стувтынк кудов кинть?
Совинь начко ды сизезь,
Таркас мадинь мон пейдезь.
Эрзяйкин Анатолий
Предварительный просмотр:
* * *
Кеняркс покш семиясонок –
Тетянь чачома чизэ.
Весе раськенек - племанок
Казне марто састь тензэ.
Ёвтынь монгак лембе валнэ:
- Вечктян пек! - меринь тензэ.
Пондакш шубине нумолнэ
Нерьгстынь мон элезэнзэ.
Казнем сех пек тусь тетянь мельс.
Чокшнень перть кирдсь кедьсэнзэ.
Кортамс, пеедемс, козкстамс пельсь
Яла вадяшась сонзэ…
Кеняркссо пештязь седейсэ
Тетям лезкс мельга тень пшкадсь:
- Кодамо лем арсемс вейсэ?
Нумолнэнть пилензэ мадсть…
Чарькодинь, арась мелезэ -
«Кувака Пилекс» улемс.
Арсинь – теинь, сась превезэнь
«Пондакшокс» казненть лемдямс…
Яна Лончина, Отяжбуень Ламбаськень школань 8 – це классо тонавтниця.
