В копилку учителя эрзянского языка

Эрзянь  буесэ малавикстнэ

Ававт -  мирденть авазо урьванть туртов (свекровь)

Алуж - тейтеренть вечкевикс цёразо (жених)

Атявт – мирденть  тетязо урьванть туртов (свёкор)

Балдуз – мирденть туртов нинть сазорозо (свояченица, сестра жены)

Бальзя – нинть ялаксозо мирденть туртов (шурин, брат жены)

Васолпокштя, васолбодя – нуцьканть туртов аванть тетязо (дед со стороны матери)

Васолбаба, васолсырькай – нуцьканть туртов аванть авазо (бабушка со стороны матери)

Вата, ватаз – нинть тетязо содамонть туртов (тесть)

Какжаля – мирдень ялакс (младший брат мужа)

Киялт (кияло) – лелянь ды ялаксонь нитне вейкест – вейкест туртов (жёны братьев по отношению друг к другу)

Кудат – тейтерень чииця – ладиця ломанть (сваты)

Леля – веженсь эйкакштнэнь туртов мирденть ды нинть васень цёраст (старший сын в семье)

Мирде – урьвакстозь цёра (муж)

Ни – мирденень максозь ава (жена)

Низава, низаня, низани – нинть авазо содамонть туртов (тёща)

Одава – аволь тиринь ава (мачеха)

Одирьва – тейтересь мирденень максома шкасто ды вейсэ эрямонь васенце иестэ (невеста, молодушка)

Одтетя – аволь тиринь тетя (отчим)

Пальдейть – патянь ды сазоронь мирдеть ( мужья сестёр по отношению друг к другу)

Парыя – нинть туртов мирденть сазорозо (золовка, сестра мужа)

Патя – покш сазорось веженсетнень туртов (старшая сестра)

Пенерьва ( пень урьва ) – патятнень туртов ялаксонь нись (жена младшего брата)

Покшкуда – кудатнень ютксо покшось (главный среди сватов)

Покштя, бодя – нуцьканть туртов тетянть тетязо (дед со стороны отца)

Полат – вастат – мирдть – нить (супруги)

Сазор – веженсь тейтересь покш тейтеренть   лелянть туртов (младшая сестра )

Содамо – мирдесь поланзо ( нинзэ) тетятнень – аватнень туртов 

( зять)

Сырькай, сырява – нуцьканть туртов тетянть авазо (бабушка со стороны отца)

Сыре патя – эйкакштнэнь туртов аванть патязо (тётка со стороны матери)

Уроз – тетявтомо – ававтомо эйкакш (сирота)

Урьва – мирде экшсэ авась цёранть тетянзо – аванзо туртов (сноха)

Уряж – лелянть низэ веженсь эйкакштнэнь туртов (уважительное обращение к жене старшего брата)

Чиче – сазоронть туртов патянть мирдезэ (муж старшей сестры)

Ялакс – лелядонть ды патядонть седе веженсь цёрась (младший брат)

Сталмонь онкстамо лемтне

Пондо – 16 кг

Пель пондо – 8 кг

Батман – 4 кг

Золотник – 4,2 гр

Фунт – 400 гр

Пель фунт – 200 гр

Мера – 20 литрат

Кувалмонть онкстнесть вакссо – келемтезь пельканть ды каршонзо суронть ютксо таркась, эскелькссэ, вайгельбесэ – дорамонть вайгелензэ прядовома песь. Сэльсэ (сажень) онкстнесть мезенть – бути покшонть кувалмонзо, келдензэ, эчкелманзо, домкачинзэ.

ВАЛМЕРЕВКСТ

• Чумось свал весемеде пек пижни.
• Кие манчи мельсэ, се – манчи кельсэ.
• Видечись сырнеде питней.
• Видечинть казямо келезэ, ансяк паро мелезэ.
• Паро ломанесь сельмева содави.
• Чувтось коськи ундокстомо, ломанесь – ялгавтомо.
• Косо ривезень пуло, тосо верьгизэнь курго.
• Семиясто бути туят – эрямосто лув а муят.
•  Кудонть ниле ужонзо – ниленьгемень тевензэ.
• Тиринь велев – кись свал келей.
• Косо бу ломанесь аволь важодть, тиринь велесь а стувтови.
• Тиринь масторось – тиринь ава.
• Весе китне тиринь масторов молить.
• Ванстык тиринь масторот, кода тиринь ават.
• Тундось мазый цецясо,  сёксесь – вадря сюросо.
• Од ломантне сюпавт вийсэ, сыре ломантне – превсэ.
• Вадря тонавтыцясь – омбоце тиринь авась.
• Тевтнень парсте теят – вадря ёжо марто оймсят.

Содамоёвскт

1. Оршазь ашо палясо,

 Новольcть алов кудрянзо.

 Сырнень мазый пилекссэ

 Ашти вирень чиресэ.

(килей)

2. Тунда васолдо ливтить.

 Пизэ эсест а пурныть.

 Лия пизэс алыить.

 Эсь алнэст сынь а нарвить.

 Кода пакшат тенст мерить?

(кукот)

3. Аштесь дедам модасо,

 Бабам таргизе тосто,

 Кармась шубанзо кайсеме,

 Тусь сон сельведьсэ лайшеме.

(чурька)

«Чилительной» теманть коряс

4. Кемгавтово кавалт,

Ведьгемень кавто чавкат,

Колмосядт кодгемень веете озязт

Вейке ал алыясть.

(ие)

5. Кавонест карадо каршо ваныть,

Зярдояк вейс а васодить.

(лейчиреть)

6. Ниле алят роботыть,

Акулина кишти.

(алашань пильгть ды пуло)

7. Кавксть чачсь – апак лемде.

(ципака)

8.Сонсь вишкине,

Лангсонзо сядо оршамопельть.

(капста пря)

9. Вейке корты, кавто ваныть, кавто кунсолыть.

(курго, сельметь, пилеть)

10. Вейке моры, кавто киштить.

(кель, турват)

11. Ве боцькасо кавонст оргат.

(ал)

12. Сядо лишметь вейке тертьсэ тертязь.

(киякс)

13. Весть тейса, сядоксть кундаса.

(кенкш кундамо)

Физкультминуткат

Самолетось ливти верьга.

 Повторядо тынь монь мельга.

Верев, алов ды удалов ,

Трокс, келес ды мекевланг

Самолетке! Ливтяк, ливтяк

Мейле лоткак ды оймак

С.М. Люлякина

«Печкин рот»

             (пьеса)

Ветицясь: Чачсь велесэ мазый Хрола –

 Нузякс ды прять шныця цёра,

 Прок сезяка, лабордыця,

 Работань а пек вечкиця.

 Виде, ульнесь мазый чама.

 Кассь, школанть эзизе прядо

 Сеетьстэ кортась авазо.

Авась: Хрола, тон а вишка няка:

 Мейсь ёмавтнят эсь шкат стяко.

 Ялгат важодить паксясо.

 Эрьванть ули уш пакшазо.

 Тонгак мук эстеть робота,

 Чиньчоп стяко иля бота.

Хрола: Монь аволь лишмень кутьмерем

 Ошов туян, витьстэ мерян!

Авась: Мезень ошт теть, зярдо теске

 А чавови чувтос эске.

 А вечкат тевень теме

 Эрямонть стака печтеме.

 Ошсо сюкорот теть а панить

 Медте стяко а каванить.

Хрола: Иля поре, мон туян

 Теке теск а кадован.

(уходят)

Выходят девочки, садятся.

Ветицясь: Тусь эрямо ошов Хрола:

 Велесэ эзь муе пола

 Кадызе сыре аванзо

 Тиринь шкинензэ, трицянзо

 Ансяк тусь эсь велестэнзэ

 Стувтынзе тиринь келензэ

 Вейке ие уш ютась

 Хрола инжекс велев сась.

Ветицясь: Ошсо мусь робота паро:

 Ульцят тенси сон стамбаро

 Велев сась сон шляпасо

 Кирьгась свистязь галстуксо

Подходит к девушкам

Девушка: Шумбрачи теть, Хрол Иваныч.

 Истя косто тон появить?

Хрол: Что сказал – не понимаю

 По-мордовски я не знаю.

 Давно в селе не бывал я

 Свой язык позабыл я.

Девушка: Вай, тиринь келенть уш стувтык

 Кодамо кельсэ кортат?

 Тон а рузат, а эрзят

 Прок сезяка лабордат.

Хрол: Цела год ошсо живу,

 Все забыл я, не пойму.

Девушка: Таня, кевстика тон рузонть

 Кода лемесь пецька кургонть?

Хрол: Ха-ха-ха! Кода? Печкин рот!

 Хотите взять меня в оборот?

 Печкин рот я не забыла:

 Мать пецька курго говорила.

Девушка: Эх, тон Хрола, нужань цера:

 Галстук сюлмить кирьгазот:

 Теке сюват пря потсот.

Ламот кадызь эсь велест

 Теке эзизь стувт келест

 Тон ансяк мелят туить

 Кона шкане рузыить?

Ветицясь: Седе мейле те велесэнть

 Тунь ёмась Хролань лемезэ

 Хрол Иваныч а мерить,

 Печкин рот свал сеерить.