Тамчы шоу
методическая разработка (4 класс) по теме

Тамчы шоу.

Рус мәктәбендә укучы татар балалары белән  “Әкиятләр” темасына үткәрелгән уен.

Максат: Укучыларның   әкиятләр турындагы белемнәрен ныгыту, дөрес сөйләү күнекмәләрен камилләштерү, “Тамчы шоу” уенына кызыксыну уяту,  халык  иҗатына  мәхәббәт тәрбияләү.

Җиһазлау: компьютер җайланмасы, экран, слайдлар, капчык, фишкалар, команда исеме язылган хәрефләр, сигнал карточкалары.

Уен барышы:

• Хәерле көн, дуслар! Бүгенге “Тамчы шоу” уенын башлап җибәрергә рөхсәт итегез.

Бүгенге уеныбызда 5 нче сыйныф укучылары үзара көч сынашачаклар. Уенны башлар алдыннан сезне хөрмәтле жюри әгъзалары белән таныштырып китәм.

• Кадерле дуслар, уеныбызда 2 команда катнаша. Командаларның исемен табу – ул уенның беренче бүлеге. Өстәлдәге конвертны ачып,киселгән хәрефләрдән  үзегезнең команда исемен төзегез.

I команданың исеме - “Тылсым”, II команданыкы - “Хәйлә”.

-Уенның II бүлеге “Алга,... алга,..., алга!” дип атала.

 Командаларга сораулар бирелә. Җавабы әзер команда үзенең сигнал карточкасын күтәрә.

•  Халык әкиятләре ничә төргә бүленә? ( 3 )
• Хайваннар турында нинди әкиятләр беләсез?
• Тылсымлы әкият дип нинди әкиятләргә әйтәләр?(Фантазиягә корылган әкият, геройлар серле әйберләр, хикмәтле көчләр кулланалар.)
• Көнкүреш әкиятләреннән ниндиләрне беләсез?
• Әкият язган нинди язучыларны беләсез?

III бүлек. “Син –миңа, мин – сиңа.”

Командалар бер-берсенә сораулар бирешәләр.

IV бүлек. “Караңгы ат.”

• Бу бүлектә  һәр командага 2 әкият героеның характеристикасы бирелә. Шуңардан чыгып сез әкият героен танырга тиеш.

• Ул  яхшы күңелле, игелекле, абыйларын бик ярата.                           ( Җилбикә).
• Ул җирән, хәйләкәр, бабайны алдаган. (Төлке)
• Ул көнчел, зәһәр, ике йөзле, үги ана белән үскән.(Сылубикә)
• Ул көчле, таза, камырдан ясалган. (Камырбатыр)

  V бүлек. “ Капитаннар, алга!..”

• Мин һәрбер команданың капитанына 4әр сорау бирәм. Бары капитаннар гына җавап бирә.Жюри дөрес  җавапларны билгеләп бара.

“Тылсым” командасы капитанына сораулар:

• Ни өчен әби әтәчен Тукмар дип атаган? (Тукмарга яраткан.)
• “Зирәк карт” әкиятендә патшаның сорауларына җавапны кем тапкан?(Егетнең әтисе).
• Тукмарны әби күршеләргә ничә көнгә кертән?( 3)
• “Кем җиңүче әкиятендә” картның уллары кемгә өйләнергә теләк белдергәннәр? (Закир кызына).

  “Хәйлә” командасы капитанына сораулар:

• Әбинең ничә әтәче булган?(2)
• Кем көчле? (Кеше)
• Убыр-тазның  капчыгында нәрсә булган?(Тукмаклар)
• “Кем җиңүче” әкиятендә картның кече улы Закир кызына нәрсә алган?(Терелтә торган алма).

Жюри нәтиҗәләр ясаганда, үзешчән сәнгать номеры күрсәтелә.

   VI бүлек.  “Нәрсә сөйләшәләр икән?”

    - Экранда әкияттән иллюстрация бирелгән. Шул иллюстрацияне сәхнәләштерегез. (Экранда А.Алишның  “Сертотмас үрдәк” әкиятеннән керпе белән үрдәкнең очрашу күренеше. )

Һәр командадан 2 укучы бу биремне үтәргә әзерләнә, ә калганнар уенны дәвам итә.

  VII бүлек. “Капчыктагы хикмәтләр.”

Капитаннар капчыктан фишкалар алалар. Фишкада командага дигән сорауның номеры язылган. Сораулар экранда күрсәтелә.

 I.1.Бу мәкальләрнең кайсысы “Чукмар белән Тукмар” әкиятенә туры килә?

• 100 сум акчаң булганчы, 100 дустың булсын?
• Ике яхшы бер сәкегә сыя, ике яман бер шәһәргә сыймый.
• Дустың булмаса, эзлә, тапсаң, сакла. (2 нче)

1. Мәкальләрнең кайсысы “Хәйләгә каршы хәйлә” әкиятендәге Төлкегә туры килә?

• Кунакка барсаң, кунак көт.
• Яхшы ашка кыстау кирәкми.
• Берәү ашап туя, берәү яланып кала. (3 нче)

   II. 1.Экрандагы иллюстрацияләргә карап,  “Кайсы әкият артык?” уенын уйнап алабыз.

• Кайсы әкият артык һәм ни өчен?

 Экранда әкиятләргә иллюстрацияләр бирелгән:

• “Хәйләгә каршы Хәйлә,” “Карт белән Төлке”, “Чукмар белән Тукмар”. (“Чукмар белән Тукмар”- әдәби әкият, калганнары халык әкияте.)
• “Зирәк карт”, “Кем көчле”, “Тычкан белән Чыпчык”.( “Тычкан белән Чыпчык” –хайваннар турындагы әкият, калганнары тормыш-көнкүреш әкиятләре).

• Командалар әкиятләрдән өзекне күрсәтергә әзер. ( Укучылар  “Сертотмас үрдәк” әкиятеннән керпе белән үрдәкнең очрашуын күрсәтәләр.)

VIII  бүлек. “Яраткан әкиятеңне яса.

• Хәзер ярышка рәссамнәрне чакырабыз. Кем, күзләрен бәйләгән килеш ,үзенең яраткан әкиятен ясый ала?

• Укучылар, безнең уеныбыз шуның белән тәмам. Уенда катнашканыгыз өчен зур рәхмәт. Хәзер жюри нәтиҗә ясый, ә без үзешчән артистларыбызның тагын бер чыгышын карап китәрбез. (Татар халык биюе.)

• Нәтиҗәләрне тыңлау, җиңүчеләрне бүләкләү.