Укытучыга ярдәмгә

2 нче сыйныф(татар төркеме)

Тема: Авазлар һәм хәрефләр.Иҗек.

Максатлар:

1. Белем бирү. Авазлар һәм хәрефләр турында алган белемнәрне гомумиләштереп кабатлау, белем һәм күнекмәләрне ныгыту. Иҗек төшенчәсен аңлату, иҗек ясалу ысулларын үзләштерү.

2.Шәхесне үстерү. Алган белемнәрне гамәлдә куллана белү күнекмәләрен, мөстәкыйль эшчәнлекне үстерү.

3.Тәрбия бирү . Тел үзенчәлекләрен өйрәнүгә кызыксыну тәрбияләү.

Дәрес тибы: Белемнәрне гомумиләштерү һәм системалаштыру, ягъни

кабатлау дәресе.

Кулланылган технологияләр:

1. Сәламәтлекне саклау (физкультминутлар, эмоциональ халәт, мотивлаучы алымнар, уен формасы).

2. Эшчәнлекле якын килү технологиясе (технология деятельностного подхода).

Шәхесне үстерү метод һәм алымнары:

• проблемалы укыту;
• индивидуаль якын килү;
• иҗади фикер йөртүне үстерү.

Уку-танып белү эшчәнлеген оештыру методлары:

• сүз методы;
• практик;
• өлешчә эзләнү;
• мөстәкыйль эшләү.

Җиһазлау: Дәреслек, тестлар, авазлар, хәрефләр темасын кабатлауга ясалган слайдлар.

Дәрес барышы.

I. Оештыру өлеше. Психологик уңай халәт тудыру. Исәнләшү, хәерле көн теләү.

- Исәнмесез, укучылар,барыгызга да хәерле көннәр!

  1.Дөньяда иң-иң матур ил

     Ул минем туган илем.

     Дөньяда иң-иң татур тел

     Ул мине туган телем.

-Кәефләрегез яхшымы?

Рәхмәт, укучылар, шушы күтәренке кәефтә дәресебезне башлап җибәрик.

2. Уку эшчәнлеген мотивлаштыру.

Шигырьне уку һәм логик хаталарны табу.

Адашкан хәрефләр.

Ничек булса да булган

Авазлар язган юлдан,

Чит сүзләргә кергәннәр

Һәм адашып йөргәннәр.

Карлыгач пешеп утырган

Су буенда кунакта,

Ә карлыган очып йөргән

Зәңгәр күктә еракта. (Сәләй Вагыйзов)

-Укучылар, әйтегез әле бу шигырьнең мәгънәсе сезгә аңлашыламы?

Укытучы: Укучылар, әйдәгез нинди нәтиҗә ясыйбыз?

Нәтиҗә ясау. Әгәр без сүздәге бер генә хәрефне дөрес язмасак та, бер генә авазны дөрес әйтмәсәк тә бөтен бер сүзнең дә, җөмләнең дә мәгънәсе үзгәрә.

Укытучы: Әйе . Дөрес сөйләшсәк кенә, мәгънәне аңлап була. Бик зур рәхмәт сезгә. Димәк, укучылар, без бүген нинди темага сөйләшәчәкбез?

Укучылар. Без бүген авазлар һәм хәрефләр турында сөйләшәчәкбез.

Укытучы. Бик дөрес. Без бүген авазлар һәм хәрефләр турында белемнәребезне искә төшерербез. Авазлар һәм хәрефләр турында яхшы белүебезне исбат итәбез.

II. Белемнәрне актуальләштерү. Уку мәсьәләсен кую.

Тема буенча өйрәнелгән кагыйдәләрне искә төшереп китәбез. Беренче эш итеп 

Сорауларга җавап бирәбез.

1. Без ишетә торган сүзләр нәрсәдән тора? Без ишетә торган сүзләр авазлардан тора.
2. Авазлар нинди 2 төркемгә бүленә? Сузык авазлар һәм тартык авазлар була.
3. Сузык авазлар нинди 2 төркемгә бүленә? Калын сузыклар һәм нечкә сузыклар була.
4. Тартык авазлар нинди 2 төркемгә бүленә? Тартык авазлар яңгырау һәм саңгырау тартыкларга бүленә.
5. Авазларны язуда нәрсә белән белдерәбез? Авазларны язуда хәрефләр белән белдерәбез.
6. Хәрефләрнең билгеле бер тәртиптә урнашуы ничек атала? Хәрефләрнең билгеле бер тәртиптә урнашуы алфавит дип атала.
7. Көндәлек тормышта алфавит кирәкме? Кирәк. Китапханәдә китаплар алфавит тәртибендә урнаштырылган, исемлекләрне алфавит тәртибендә язалар, сүзлекләрдәге сүзләр алфавит тәртибендә языла.
8. Татар алфавитында барлыгы ничә хәреф? Татар алфавитында барлыгы 39 хәреф?
9. Рус алфавитында булмаган татар хәрефләрен әйтегез. Ә,Ө,Ү,Җ.Ң.Һ хәрефләре рус телендә юк.
10. Кайсы авазларны әйткәндә, һава агымы каршылыкка очрамый? Сузык авазларны әйткәндә.
11. Татар алфавитында ничә сузык аваз хәрефе бар? Татар алфавитында 9 сузык аваз хәрефе бар.
12. Калын сузык авазларны әйтегез. А,о,у,ы – калын сузыклар.
13. Нечкә сузык авазларны әйтегез. Ә,Ө,Ү,Э,И нечкә сузык авазлар.
14. Аваз белдерми торган хәрефләрне әйтегез? ъ калынлык хәрефе һәм ь нечкәлек хәрефе аваз белдермиләр.
15. Я, е,ю хәрефләренең үзенчәлеге нәрсәдә? Я, е,ю хәрефләре ике аваз кушылмасын белдерә.
16. Үсми калган хәреф дип кайсы хәрефне атыйлар, ни өчен? ң хәрефен үсми калган хәреф дип атыйлар, чөнки ң хәрефеннән башланган сүзләр юк.

Укытучы. Рәхмәт, укучылар, булдырдыгыз. Эшебезне дәвам итәбез.

III. Уку мәсьәләсен чишү. Электрон китап буенча эшләү.

1.http://tatarschool.ru/media Татар теле 2 нче сыйныф(Темалар:№1,№2) Китапханәгә рәхим итегез. Авазлар һәм хәрефләр.

2.Төркемнәрдә эш. 

1.Транскрипциягә карап сүзне әйтәбез һәм язабыз. “Дөрес әйт, дөрес яз” сүзлеге белән эш.

1 төркем[төлкө], 2 төркем [а гъ а ч], 3 төркем [йыл]

Нәтиҗә: Сүзлектән кирәкле сүзләрне тиз табу өчен алфавитны белергә кирәк. Сөйләмебез матур булсын өчен без сүзләрне дөрес әйтеп сөйләшергә тиешбез.

2. Физкультминут

3. Сүзләрне иҗекләргә бүлү.  Презентация буенча эшләү.

Рәсемнәргә карап бирелгән сүзләрне иҗекләргә бүлү, билгеләрен әйттерү.

Нәтиҗә ясау. Һәр сузык аваз иҗек төзи. Сүздә ничә сузык аваз булса, шуның кадәр иҗек була.

4. Дәресне ныгыту. Дәреслек белән эшләү.1 нче күнегү(язмача),2 нче күнегү(телдән)

IV. Дәресне йомгаклау.Үзбәя.

1. Нәтиҗә ясау.Дәресебез ахырына якынлашып килә.

-Укучылар, без сезнең белән нинди теманы кабатладык? Нәрсәләр белдек?

-Тема аңлашылдымы? Авырлыклар булдымы?

2.Укучыларның үз-үзләрен бәяләве

Мин теманы аңладым,яхшы эшләдем.

Мин теманы аңладым, аз эшләдем.

Минем өчен бу тема авыр булды.

1. Өй эше:
2. Билгеләр кую.

ТЕМА.  Сүзләрне юлдан-юлга күчерү. 2 нче сыйныф.

Максатлар:

1. Белем бирү: сүз һәм иҗек турындагы белемнәргә таянып, сүзләрне юлдан-юлга күчерү кагыйдәләре белән таныштыру; сүзләрне юлдан-юлга күчерергә өйрәтү; сүзләрне иҗекләргә бүлү күнекмәләрен ныгыту.

2. Шәхесне үстерү: чагыштыру, классификацияләү, иҗади күзаллау, коммуникатив күнекмәләрен үстерү.

3. Тәрбия бирү: мөстәкыйльлек, төгәллек, үз эшеңнән канәгатьлек кичерү хисе тәрбияләү.

Дәрес тибы: яңа белем ачу.

Кулланылган технологияләр:

1. Сәламәтлекне саклау (физкультминутлар, эмоциональ халәт, мотивлаучы алымнар, уен формасы).

2. Эшчәнлекле якын килү технологиясе (технология деятельностного подхода).

Шәхесне үстерү метод һәм алымнары:

• проблемалы укыту;
• индивидуаль якын килү;
• иҗади фикер йөртүне үстерү.

Уку-танып белү эшчәнлеген оештыру методлары:

• сүз методы;
• практик;
• өлешчә эзләнү;
• мөстәкыйль эшләү.

Җиһазлау: проектлы экран, презентация, компьютер,  төркемләп эшләү өчен карточкалар,  дәреслек (“Татар теле” 2 сыйныф. Ф.Ф.Харисов, Ч.М.Харисова., А.К.Җәләлиева. Казан: “Татарстан китап нәшрияты”, 2017.)

Дәрес эшчәнлекле якын килү технологиясе буенча төзелде. Балалар әзер материалны гына алмый, үзләре өлешчә эзләнеп табалар.

ДӘРЕС БАРЫШЫ.

I. Оештыру өлеше. Уңай психологик халәт тудыру.

- Исәнмесез, укучылар,барыгызга да хәерле көннәр!

  1.Дөньяда иң-иң матур ил

     Ул минем туган илем.

     Дөньяда иң-иң татур тел

     Ул минем туган телем.

     -Кәефләрегез яхшымы?

Рәхмәт, укучылар, шушы күтәренке кәефтә дәресебезне башлап җибәрик.

II. Актуальләштерү. Яңа материалны үзләштерүгә ихтыяҗ тудыру.

-Укучылар! Сезнең алдыгызда хәрефләр ята (җ,к,и,е) Шул хәрефләрдән сүз төзергә. Кайсыгыз әйтә?( иҗек)

-Әйе, бүген без дәрестә иҗек темасын һәм сүзләрне иҗекләргә бүлүне  өйрәнүне дәвам итәбез. Без дәрестә нишләрбез, алдыбызга нинди максат куярбыз икән?

(сүзләрне  дөрес итеп иҗекләргә аерырбыз һәм сүзләрне бер юлдан икенче юлга күчерә белергә өйрәнербез, белемнәребезне тикшерербез һәм бәяләрбез)

III. Уку мәсьәләсен кую.

Максат: яңа белемнәр кабул итүне оештыру һәм үзләштерүгә юнәлеш бирү;

килеп туган уку мәсьәләсен анализлау; дәреснең темасын, максатын билгели белү.

Укучылар, тактада сүзләр иҗекләргә бүлеп язылган, беренче юлдагы сүзләр икенче юлдагы сүзләрдән нәрсә белән аерылалар?

Ур-ман-чы-лык

Ур-манчылык, урман-чылык, урманчы-лык.

-Укучылар теманы ачалар. Димәк, бүгенге дәрестә сүзләрне юлдан-юлга дөрес итеп күчерә белергә  өйрәнербез.

-Әйдәгез, юлдан-юлга күчерү кагыйдәләрен искә төшерик.

“Башлангыч сыйныфта татар теленнән кагыйдәләр” презентация  буенча эшләү.

   Физкультминут (Электрон белем бирү ресурсы)

- Дәреслек белән эш. Дәреслеккә күзәтү уздыру һәм кагыйдәләрне ачыклау.

  10 нчы күнегү(язмача), 13 нче күнегү(телдән)

 IV. Яңа белемнәрне ныгыту, мөстәкыйль куллану.

Максат: укучыларның алган белемнәрен практик кулланырга мөмкинлек тудыру.

Төркемнәрдә эшләү. Дифференцияле биремнәр.

– Бүген дәрестә алган белемнәрне тикшереп карар өчен алдагы биремнәрне тәкъдим итәм. Без аларны төркемнәрдә үтәрбез. (Төркемнәрдә эшләү кагыйдәләрен искә төшерү).

Карточкалар:

1 нче төркем.

Сүзләрне юлдан юлга күчерү өчен иҗекләргә бүлеп языгыз. Артык сүзне табыгыз. Җавабыгызны исбатлагыз.

Болын, чәчәк, төньяк, апа, көмеш. (Апа сүзе артык, чөнки аны юлдан-юлга күчереп булмый: бер хәрефне юл ахырында калдырырга ярамый.)

2 нче төркем.

Сүзләрне юлдан-юлга күчерү өчен иҗекләргә бүлеп языгыз.Артык сүзне табыгыз. Җавабыгызны исбатлагыз. Миләүшә, бәрәңге, ашъяулык, чия, яшьлек (Чия сүзе артык, чөнки бер хәрефле иҗекне икенче юлга күчерергә ярамый.)

V. Мөстәкыйль эш.

Карточка. Укыйлар, юлдан-юлга күчерелми торган сүзләр астына сызалар.

VI. Дәресне йомгаклау. Рефлексия. Уку эшчәнлегенә нәтиҗә.

Максат: дәрестәге эшчәнлекне анализлау, белемнәрне бәяләү; дәрестә алган белемнәрнең әһәмиятен аңлау, аларны киләчәктә куллана белү

Укучылар, алдыбызга куйган максатка ирешә алдыкмы? Нәрсәләр аша? Кайсы биремне эшләгәндә авырлыклар туды? Нинди яңалыклар белдегез?

Үзбәя бирү.

Дәрес материалын бик әйбәт үзләштердем, хәтта иптәшләремә дә булыша алам. 

Әйбәт эшлим, материалны аңладым..

Әйбәт эшлим, ләкин иптәшемнең ярдәменә каршы килмим. 

VII. Өй эше.

Максат: өй эшен хәбәр итү, аны башкару ысулын аңлату.

             Тема. Алфавит.Алфавит тәртибендә язарга өйрәнү.

 Максатлар:

1.Белем бирү. Укучыларны алфавит белән таныштыру һәм хәреф исемнәрен дөрес әйтеп укырга өйрәтү.Алфавитның сүзлекләрдә, исемлекләрдә кулланылышына күзәтү ясап, гамәли куллана белү күнекмәсе формалаштыру;

2. Шәхесне үстерү. Сөйләм һәм язма телләрен үстерү.Дәрестә өйрәнелгән белемнең кирәген аңлау, уңай мөнәсәбәт күрсәтү.

3. Тәрбия бирү. Дәрестә үзләштергәнне тормышта куллана белү теләге булдыру.

Туган телгә мәхәббәт,матур һәм дөрес язу күнекмәләре тәрбияләү.

Дәрес тибы: яңа белем ачу.

Җиһазлау: проектлы экран, презентация, компьютер,  төркемләп эшләү өчен карточкалар,  дәреслек (“Татар теле” 2 сыйныф. Ф.Ф.Харисов, Ч.М.Харисова., А.К.Җәләлиева. Казан: “Татарстан китап нәшрияты”, 2017.)

Дәрес барышы

I.Оештыру өлеше. Уңай психологик халәт тудыру.

- Исәнмесез, укучылар,барыгызга да хәерле көннәр!

  1.Дөньяда иң-иң матур ил

     Ул минем туган илем.

     Дөньяда иң-иң татур тел

     Ул минем туган телем.

    -Кәефләрегез яхшымы?

Рәхмәт, укучылар, шушы күтәренке кәефтә дәресебезне башлап җибәрик.

I. Мотивлаштыру-ориентлаштыру этабы.

1. Өй эшен тикшерү.

2. Эш дәфтәрләрендә матур язу күнегүләре.

3. Актуальләштерү.

– Алфавитны яттан белү ник кирәк?

– Алфавит кайларда кулланыла?

– Сүзләрне алфавит тәртибендә урнаштыру өчен нишлиләр?

4. Уку мәсьәләсен кую.

– Дәреслектәге биремне карау.(27 нче күнегү) Сүзләрне алфавит тәртибендә ничек урнаштыралар?

Ярдәмче сорау: Сүзләрне кайсы хәрефенә карап алфавит тәртибендә урнаштырырга кирәк?
1 нче нәтиҗә. Сүзләрне, беренче хәрефенә карап, алфавит тәртибендә урнаштырганнар.

– Димәк, без бүген дәрестә нишләрбез?

Уку мәсьәләсе: Без сүзләрне, беренче хәрефенә карап, алфавит тәртибендә урнаштырырбыз.
II. Уку мәсьәләсен өлешләп чишү этабы.

1 нче бирем. (Төркемнәрдә эшләү.)28 нче күнегү.

– Биремне укыгыз. Төркемнәрдә киңәшләшеп, биремне үтәгез.

– Биремне үтәр өчен нәрсәне төгәл эшләргә кирәк? (Сыйныфтагы кызлар исемен дөрес язу кирәк.)

-Сезнең өстәлләрдә чәчәк таҗлары ята. Анда безнен сыйныфыбыздагы кызларның исемнәре язылган. Әйдәгез алфавит тәртибендә аларны тезик. Кайсы төркем әзер, шул җавап бирә.

   Физкультминут(электрон белем бирү ресурсы)

IV. Дәресне ныгыту.Электрон китап буенча эшләү.

http://tatarschool.ru/media Татар теле 2 нче сыйныф(Темалар № 24- 25) Алфавит.

V. Дәресне йомгаклау.Рефлексив бәяләү этабы.

1. Рефлексив кабатлау.

– Нәрсә белдек?– Ничек белдек? .

– Алфавитны сүзлекләр, исемлекләр төзегәндә куллану өчен нишләрбез?

- алфавитны яттан өйрәнербез;

- сүзләрне алфавит тәртибендә урнаштырырбыз:

- алфавит буенча тикшерербез.

2. Бәяләү.

3. Өй эше.

Тема. Сузык авазлар һәм аларның хәрефләре. Калын һәм нечкә сузыклар.

Максатлар.

1. Белем бирү. Укучыларны калын һәм нечкә сузык авазлар белән таныштыру, аларны әй-

теп ишетергә һәм аера белергә өйрәтү.

2. Шәхесне үстерү. .Бәйләнешле сөйләмне үстерү,дөрес җөмләләр белән җавап бирү-

ләрен таләп итү.Сүзләрнең калын яки нечкә әйтелүе алардагы сузыкларның ниндилегенә бәйле булуы турында нәтиҗә чыгару.

3. Тәрбия бирү. Укучыларда телне өйрәнүгә кызыксыну уяту.Туган ил, туган як төшенчәсе белән таныштыру,туган илгә карата мәхәббәт тәрбияләү.

Дәрес тибы: яңа белем ачу.

Җиһазлау: проектлы экран, презентация, компьютер,  төркемләп эшләү өчен карточкалар, таблица, дәреслек (“Татар теле” 2 сыйныф. Ф.Ф.Харисов, Ч.М.Харисова., А.К.Җәләлиева. Казан: “Татарстан китап нәшрияты”, 2017.)

Дәрес барышы

I.Оештыру өлеше. Уңай психологик халәт тудыру.

- Исәнмесез, укучылар,барыгызга да хәерле көннәр!

  1.Дөньяда иң-иң матур ил

     Ул минем туган илем.

     Дөньяда иң-иң татур тел

     Ул минем туган телем.

-Кәефләрегез яхшымы?

Рәхмәт, укучылар, шушы күтәренке кәефтә дәресебезне башлап җибәрик.

II. Мотивлаштыру-ориентлаштыру этабы.

1. Өй эшен тикшерү.

2. Эш дәфтәрләрендә матур язу күнегүләре.

3. Актуальләштерү.

Калын һәм нечкә сузык авазларны парлары белән әйтеп чыгу( а-ә, у-ү, о-ө, ы- э(е), и)

“Югалган хәрефләр” уен.

-Мин сезгә табышмак әйтәм ,ә сез җавабын әйтерсез.

Җәй дә яшел, көз дә яшел,

Кыш та яшел шулай ук.

Энәләре күп булса да,

Җебе аның бер дә юк.   (Чыршы)

(Чыршы уенчыкларында сузык авазлар төшеп калган сүзләр языла: б..лыт, ..кран, ..бый, т..кран, ыл..с, ..ни, с..лге, ч..ләк.

Һәрбер чыршы уенчыкларына язылган сүзләргә нинди аваз хәрефләре өстәдек?(Сузыклар)

– Димәк, без бүген дәрестә нишләрбез?

Уку мәсьәләсе: Калын һәм нечкә сузыкларны аерырга өйрәнербез.

III. Уку мәсьәләсен өлешләп чишү этабы.Электрон кушымта буенча эшләү.

1. http://tatarschool.ru/media Татар теле 2 нче сыйныф (Темалар № 3) Сузык авазлар. Калын һәм нечкә сузыклар.

Физкультминут(электрон кушымта)

2. Дәреслек буенча эшләү. 36 нчы  нчы күнегү(14 бит)(телдән),
3. Төркемнәрдә эшләү (37 нче күнегү) 1 төркем-калын сузыклы сүзләрне, 2 төркем нечкә сузыклы сүзләрне язалар.

Нәтиҗә: Калын сузыклы сүзләр калын әйтелә. Нечкә сузыклы  сүзләр нечкә әйтелә.

4. Презентация буенча эш. Калын һәм нечкә сузыклар.

IV. Дәресне йомгаклау.

-Бүгенге дәрестә без нәрсәләр белдек?Нишләдек?

-Сузык авазлар нинди ике төркемгә бүленә икән?

           Тест биремнәрен эшләү.

      1.Татар телендә ничә сузык аваз  бар.

               а)   9            б) 10

     2.Татар телендә  ничә  калын сузык бар?

               а) 5              б) 4

     3.Татар  алфавитының  икенче хәрефе нинди?

               а) б              б) ә

     4.Йолдыз сүзендә ничә сузык аваз бар?

              а) 2               б) 3

2. Рефлексив бәяләү.

3. Өй эше.

Тема. Тартык авазлар.Яңгырау һәм саңгырау тартыклар.

Максатлар.

1. Белем бирү. Тартык авазлар турындагы белемнәрен тирәнәйтү, яңгырау һәм саңгырау тартыкларны сөйләмдә, язуда таный, аера белергә өйрәтү.
2. Шәхесне үстерү. Балаларның иҗади активлыгын, фикерләү сәләтен үстерү.
3. Тәрбия бирү. Туган телгә ихтирам, кызыксынучанлык, дуслык, табигатькә сакчыл караш,белемгә омтылыш тәрбияләү.

 Дәрес тибы: яңа белем ачу.

Җиһазлау: проектлы экран, презентация, компьютер,  төркемләп эшләү өчен карточкалар, таблица, дәреслек (“Татар теле” 2 сыйныф. Ф.Ф.Харисов, Ч.М.Харисова., А.К.Җәләлиева. Казан: “Татарстан китап нәшрияты”, 2017.)

Дәрес барышы

I.Оештыру өлеше. Уңай психологик халәт тудыру.

- Исәнмесез, укучылар,барыгызга да хәерле көннәр!

  1.Дөньяда иң-иң матур ил

     Ул минем туган илем.

     Дөньяда иң-иң татур тел

     Ул минем туган телем.

-Кәефләрегез яхшымы?

Рәхмәт, укучылар, шушы күтәренке кәефтә дәресебезне башлап җибәрик.

II. Мотивлаштыру-ориентлаштыру этабы.

1. Өй эшен тикшерү.

2. Эш дәфтәрләрендә матур язу күнегүләре.

3. Актуальләштерү.

Сузык авазлар турындагы белемнәрне искә төшерү.

Тактада:

Т...л   б...лем    укыт...чы    к..тап.

- Төшеп калган хәрефләрне куеп, сүзләрне уку.  Беренче һәм икенче баганадагы сүзләргә тиешле хәрефләрне кую.

-Татар телендә ничә сузык аваз?

-Сузык авазлар нинди төркемнәргә бүленгән?

 Сузык авазларны хор белән әйтү. [ а], [ә], [о], [ө], [у], [ү], [ы], [э], [и]

Калын сузык авазлар:  [а], [ о], [у], [ы]

Нечкә сузык авазлар:[ә], [ө], [ү], [э], [и]

III. Уку мәсьәләсен кую. Уку мәсьәләсен өлешләп чишү этабы.

1.Тартык авазларга күзәтү.

Яңгырау тартыклар:

[б],[в],[w],[г],[гъ],[д],[ж],[җ],[з],[й],[л],[м],[н],[ң],[р]

Саңгырау тартыклар:

[п],[ф],[к],[къ],[т],[ш],[с],[ч],[х],[һ],[ц],[щ]

-Татар телендә ничә яңгырау(саңгырау) тартык бар?

-Кайсы тартыклар рус телендә юк?

-Кайсы тартыклар парлы? Кайсы тартыкларның пары юк?

2. Төркемнәрдә эшләү.

-Яңгырау һәм саңгырау тартыклардан башланган җидешәр сүз уйларга.

Яңгырау тартыклардан        Саңгырау тартыклардан

башланган сүзләр                  башланган сүзләр

•         Б                                              П 

•         В                                              Ф

•         Г                                              К

•         Д                                              Т

•         Ж                                             Ш

•         Җ                                             Ч

•         З                                               С

Физкультминут “Чебиләр” (электрон кушымта)

3.Презентация буенча эшләү. Башлангыч сыйныфлар өчен  кагыйдәләр.

4. Дәреслек буенча эшләү.76 нчы күнегү(телдән, 28 бит)86 нче күнегү(язмача 31 бит)

5.Электрон кушымта буенча эшләү. http://tatarschool.ru/media Татар теле 2 нче сыйныф (Тема № 9,14) Тартык авазлар. Яңгырау һәм саңгырау тартыклар.

IV. Дәресне йомгаклау.

-Авазлар нинди ике зур төркемгә бүленә?

-Татар телендә тартык авазлар нинди төркемнәргә бүленә?

 2. Рефлексив бәяләү.

    Өй эше.

Сылтамалар

• Татарча фразеологизмнар. Монда без төрле темаларга багышланган фразеологизмнар тупланмасын тәкъдим итәбез.
  Архив: https://www.azatliq.org/z/21100
• Синонимнар һәм антонимнар. Популяр сүзләрнең синоним-антонимнар тупланмасы: https://www.azatliq.org/z/21301
• Көн сүзе. Берәр еш кулланган сүз белән файдалы гыйбарәләр: https://www.azatliq.org/z/21103
• Атна идиомасы. Популяр фразеологизмнар: https://www.azatliq.org/z/21117
• Визуаль татар теле. Сүзләр белән матур рәсемнәр: https://www.azatliq.org/z/21115
• Сайланган цитат. Татар һәм дөнья шәхесләренең акыллы сүзләре. Тәрҗемә һәм сүзләр тәрҗемәсе белән тәкъдим ителә: https://www.azatliq.org/z/21116

Татар теле һәм әдәбияты укытучылары өчен сылтамалар

«Ана теле» онлайн мәктәбе http://anatele.ef.com.

Детская мультимедийная библиотека «Бала рф»:  http://бала.рф/ 

Мәктәп электрон библиотекасы: http://tatarile.tatar/ 

Татар мәгарифе порталы: http://belem.ru/

Образовательный ресурс: http://tatarschool.ru/

Татар телен өйрәнәбез: https://vk.com/tatarbelem

Әйдә онлайн (татар телен өйрәнү дәресләре): https://www.azatliq.org/eyde

Базовый курс татарского языка (татар теле баскычлары):  https://www.tatartele.com/ 

Татар телен өйрәнүчеләр өчен сайт: http://tatar.com.ru/index.php 

 Методические материалы, учебники, словари, переводчики и разговорники. Всё для изучения татарского языка! http://tugan-tel.com/ 

Гыйлем: https://vk.com/gylem

Татарский с Дмитрием Петровым: https://yandex.ru/video/preview/?filmId=11057838107350017356&parent-reqid=1587805649213563-1673762074815635660800121-production-app-host-vla-web-yp-214&path=wizard&text=ютуб+татарский+с+дмитрием+петровым 

Министрлык сайты

Ана теле мәктәбе контенты: http://mon.tatarstan.ru/rus/kopil.htm 

ТДИ га әзерләнү өчен: http://mon.tatarstan.ru/file/g2b/File/Методик%20әсбап%20(вариантлар)%202020(1).pdf 

Укытучылар сайтлары

 Татарханә - Татар теле укытучысы Абишева А.сайты: https://abishevaalena.ru/?page_id=2755 

Фикердәшләр – Кукмара районы укытучылары саты: https://2303000154.wixsite.com/mysite 

Мөслим районы укытучылары сайты:http://muslumtat.ru/ 

Зеленодольск районы укытучылары сайты: https://nsportal.ru/yashel-uzn-rayonynyn-tatar-tele-hm-ukytuchylary-sayty 

Татар теле һәм әдәбиятыннан электрон дәреслеләр

УМК Татарского книжного издательства  https://tatkniga.ru/tat/uchebnaya-literatura/?l=14

УМК «Магариф Вакыт»: https://magarif-vakyt.ru/elektronnye-uchebniki-online-versija/ 

УМК «Татармультфильм»: http://publishertm.ru/электронная-форма-учебника/ 

Татарча сөйләшик әсбабы  https://books.google.ru/books?id=m4taDwAAQBAJ&lpg=PA235&ots=T-pYrDizq9&dq=дуслар%20белән%20аралашу&hl=ru&pg=PA201#v=onepage&q=дуслар%20белән%20аралашу&f=false 

Өстәмә мәгълүмат

TATZET - татарский язык: большой электронный свод  http://www.antat.ru/ru/tatzet/

Татар грамматикасы (лекцияләр): https://ru.coursera.org/lecture/tatar-language-and-culture/4-2-7-grammatika-tatarskogho-iazyka-liektsiia-o-priedlozhieniiakh-NLzv4

Уроки татарского языка: https://www.youtube.com/watch?v=HXD2hvA_5dM

Татар телендә пунктуация һәм орфография кагыйдәләре: https://www.dores.tatar/

 «Хәлбуки» лекцияләре – https://vk.com/halbooky
«Әлбәттә» видеолекцияләре – http://elbette.ru/

Татар телендә аудиокитаплар: https://tatkniga.ru/media-book/rus/index.html/

Татар китаплары: http://tatbook.ru/

Җиһан: https://vk.com/tatcihan

Электрон китапханә: https://tatkniga.ru/tat/

Tatarica татар энциклопедиясе:  https://tatarica.org/tat

Татар16 – Татар теле һәм әдәбият буенча ярдәмче сайт: https://tatar16.ru/

Укучылар өчен электрон энциклопедия: http://tatarile.tatar/tt/

Сүзләр дөньясы (Мирслов): http://balasuzlek.ru/

Татар Википедиясе – https://tt.wikipedia.org 

Биремнәр эшләү өчен

Кроссвордлар, тестлар, логик уеннар, ребуслар ясау сайты: https://onlinetestpad.com/ru

Тестлар ясау: https://multiurok.ru/

Мультимедияле биремнәр ясау: https://learningapps.org

Кроссвордлар ясау: https://crosswordlabs.com

Штрих-кодлар ясау сайты: https://www.eduneo.ru/ispolzovanie-qr-kodov-na-urokax-literatury/

Бесплатная карточная игра: https://www.plickers.com/

Кахут: https://kahoot.it/    https://kahoot.com/

Интерактив мультфильмнар: http://balarf.ru/

Әдәбият вә тәрҗемәханә: https://vk.com/tarcemaxana

Штрих-кодлар: http://qrcoder.ru/       https://decodeit.ru/qr/

Русчадан-татарчага һәм татарчадан-русчага сыйфатлы тәрҗемәче:  https://translate.tatar/

Википидия.  https://tt.wikipedia.org/wiki/Баш_бит 

Муниципальное  бюджетное общеобразовательное учреждение

«Камскоустьинская  средняя общеобразовательная школа»

Камско-Устьинского Муниципального района Республики Татарстан

ПАСПОРТ

учебного кабинета

№227

 Ответственный за кабинет:

 Учитель: Закирова С.И.

Разделы паспорта кабинета:

1. Техника безопасности и охрана труда в кабинете
2. Занятость кабинета
3. Учебно-методический комплекс
4. Оборудование кабинета
5. План развития кабинета.

Техника безопасности и охрана труда в кабинете:

График занятости кабинета

Внеурочная деятельность, кружки:

Учебно-методический комплекс, нормативно - правовая база

Учебно-методическая и справочная литература.

Плакаты, таблицы

Портреты

Компьютерные и информационно-коммуникативные средства

Аудио, видео материалы

Дополнительная литература

 (подписки, книги для внеклассного чтения, внеклассной работы)

Инвентарная ведомость на 2019-2020 уч.год

Оборудование кабинета

Технические средства обучения учебного кабинета

Инвентарная ведомость на 2020-2021 уч.год

Оборудование кабинета

Технические средства обучения учебного кабинета

Инвентарная ведомость на 2021-2022 уч.год

Оборудование кабинета

Технические средства обучения учебного кабинета

Кабинетның перспектив эш  планы

                                               (2018-2022 нче ел)

Кабинетның эш планы

2021-2022  нче  уку  елы