Математик КВН.
план-конспект занятия по математике (1 класс) по теме

МАТЕМАТИК КВН

                                                              Шайхлисламова Л.В.

Бәйгенең максаты:

• сәләтле балаларны ачыклау;
• укучыларның логик фикер йөртү сәләтен үстерү;
• математика фәне белән кызыксынуны арттыру;
• дуслык, бердәмлек хисе тәрбияләү.

Бәйге барышы:

Жюри сайлап куела.

Бәйгедә 2 команда катнаша.

1. Һәр команда үзе белән таныштыра ( исемен, девизын әйтә, бер-берсен сәламли)
2. РАЗМИНКА.  “Кем тизрәк?” Алып баручы сораулар бирә, кайсы команда тизрәк һәм дөрес җавап бирер?

1. Бүлмәдә 5 шәм яна иде, 2се сүнде.Бүлмәдә ничә шәм калды? (5)
2. Әгәр дә төнге сәгать 11 дә яңгыр ява икән, 48 сәгатьтән соң кояш чыгармы? ( юк, чөнки ул вакытта төн була)
3. 3 кыз туплы уйный. Аларның һәрберсе һәр дустына 1 тапкыр туп ыргытырга тиеш. Тупны барлыгы ничә тапкыр ыргытырлар?(6)
4. Нинди сәгать дөрес вакытны тәүлегенә 2 тапкыр гына күрсәтә?(туктаган сәгать)
5.  Бер пар ат 40 км юл үткән. Аларның һәрберсе ничә км юл үткән?(40 км)
6. Чирәмлектә 7 чыпчык бар иде. Алар янына тагын 4 чыпчык очып килгән. Песи аларның берсен эләктереп алган. Чирәмлектә ничә чыпчык калган? (берәү дә калмаган)
7. Бүлмәдә 4 почмак. Почмак саен 1 песи утыра. Һәр песигә каршы 3әр песи утыра. Бүлмәдә ничә песи? (4)
8. Маратка иртәнге сәгать 8 дә йокыдан торырга кирәк. Ул будильникны 8 гә куйды һәм кичке сәгать 7 дә йокларга ятты. Будильник ничә сәгатьтән соң шалтырар?(1 сәгатьтән)
9. Кәҗәгә 3 яшь тулгач ул нишли? ( 4нче яшькә чыга)
10. - Әтиеңә ничә яшь? – дип сорады Алсу Алиядән.  

                        - Санап кара, - диде Алия.  Аның яше иң зур берурынлы                         саннан 31гә артыграк, - диде.  Аның әтисенә ничә яшь?( 40 яшь)

           11)  Малай 10 сумга 2 дәфтәр алды. 5 шундый дәфтәр ничә сум тора?(25 сум)

             12) Әгәр дә Сания 3 чәчәк сатып алса, аның 14 сум акчасы кала. Әгәр 5 шундый чәчәк сатып алса, 10 сум акчасы кала. 1 чәчәк ничә сум тора? ( 2 сум)

3. Математик ребуслар чишү.

2 нче сыйныф өчен:

    6 0                                 8  4

+                                   -

  2  *                                *  6

-------                           -----------

 *   5                                4   *

3 нче сыйныф  өчен:

*  8                        7  *

+                             -

    2  *                       *   2

---------                  -----------

   5  4                         1  8

4 нче сыйныф өчен:

    5 * 7                             *  0  0

+                                    -

   * 0 *                                  6  *

-----------                      -------------

  7 0 0                               8   0  5

Командалар ребус чишкән арада  карап утыручы җанатарларга кызыклы сораулар бирелә:

• Шалканны тартуда ничә кеше катнашкан? (3 )
• Кәҗә белән Сарыкның капчыгынданичә бүре башы булган? (1)
• Карчыгы балыкчы картны диңгез буена ничә тапкыр җибәрә?             (5 тапкыр)
• Хоттабыч кувшин эчендә ничә ел яшәгән? (3000 ел)
• Йомры икмәк юлда барганда ничә җәнлекне очрата?(4)
• Теремокка ничә җәнлек сыйган? (5, 6 нчысы-аю сыймаган)
• Алтын тарак ны урлаучы малай күпме вакыт су коена?
• Кәҗә белән сарык учак янында ничә бүре белән очрашалар?
• Золушка сәгать ничәгә кадәр балдан китәргә тиеш була?
• Сертотмас үрдәккә юлда ничә җәнлек очраган?(5)

3. “Артык зурлыкны тап” уены.

а) 7 м 5 см ,   750 см ,   75 дм ,  7 м 50 см.

б) 2741 км , 3047 дм , 7408 кг , 1800 м.

в) 1000 см 2, 1000 см , 100 дм , 10 м.

Тамашачыларга математик сораулар:

• Бер елда ничә ай?
• Кушу гамәленең нәтиҗәсе.
• Бер елда ничә көн?
• Рус алфавитында к хәрефе ничәнче булып тора?
• Музыкада ничә нота бар?
• Июнь ае елның ничәнче ае?
• Дәрес ничә минут дәвам итә?

4.Сызымда ничә өчпочмак , ничә дүртпочмак?

Тамашачыларга шигъри мәсьәләләр тәкъдим ителә.

1.Керпе гөмбәгә барды

 7 ак гөмбә тапты.

3 не куйды энәсенә.

Керпе ничә гөмбәне

Куйды соң кәрзиненә?

                                         2. 7 малай урамга

                                            Чыкты футбол уйнарга.

                                             3 әү килде тагын да

                                             Исәплә син барын да!

4. Ак каенда 3 чыпчык,

Түбәдә 5 сыерчык.

Әйтмәс микән берегез

Барысы ничә кошчык?

                                                                    5.  Алсу бакчага керде,

                                                                        5кызыл алма күрде.

                                                                        2 сен өзеп алды.,

                                                                       Агачта ничә калды?

5. Аяклар монда дүртәү-

Бар да чаба уйнаклап.

Монда ничә ат булыр?

Яле, тизрәк уйлап тап!

                                                                      6.   Айдар китте урманга,

                                                                        Тәмле җиләк җыярга

                                                                        Менә 10 җиләк тапты      

                                                                       5 не авызына капты.

                                                                       Ничә калыр чиләккә

                                                                      Уйла, тизрәк исәплә!

6. Санлы мәкальләр әйтү . Командалар чиратлашып саннар кергән мәкальләр әйтә.

Йөз сум акчаң булганчы, йөз дустың булсачы.

Кыю бер үләр, куркак мең үләр.

7 кат үлчә, бер кат кис.

Беләге юан берне егар, белеме булган меңне егар.

Ананың бер догасы 7 мулланың бәддогасын җиңә.

Биш әйткәнче бер эшлә.

Иренгән ике эшләр.

Ялкау бер эш эшли белә - чалкан ятып мышный белә.

Кыңгыр эш кырык елдан соң да беленер.

7 Капитаннар бәйгесе.  Һәр команданың капитанына чиратлап бер үк сораулар бирелә.( 1 минутка)

1. Иң кечкенә дүртурынлы саннан иң зур өчурынлы санны алгач ничә була? (1)

2. 12 не 10 танкыр арттыр.

3. 15х5

4. 3 дистә 2 берәмлек булган сан.

5. 5000 саныннан алда килүче сан.

6. Турыпочмаклыкның буе-7 см, иңе- 3 см . Аның мәйданы һәм периметры күпмегә тигез? ( 21, 20)

7. 1300не 10 тапкыр кимет.

8. Нинди санны 6 га бүлгәч 8 була?

9.Бүлү гамәленең нәтиҗәсе.

10.Өстәлнең бер почмагын кискәч, Аның ничә почмагы кала?

11. Нинди сан барлык саннарга да калдыксыз бүленә?

12. Иң кечкенә озынлык үлчәү берәмлеге.

13. Кәбисә елда ничә көн?

14. Елның 11нче ае.

15. Бишпочмакның ничә ягы бар?

16. Кайсы айда28 көн бар?

17. Шалканны 5 нче булып тартучы.

18. Казанда ничәнче елдаУниверсиада булачак?

19. кешедә ничә теш була?

20. Теләсә кайсы санны нинди санга тапкырласаң җавапта шул ук сан үзе чыга?

Командадагы башка укучыларга бу вакытта бирем-  1, 2, 3, 4, 5 саннарын горизонталь һәм вертикаль буенча суммалары 8 гә, 9 га, 10 га тигез булырлык итеп шакмакларга куярга.

Тамашачыларга бирем. Бер малай  үз фамилиясен рус алфавитындагы тәртип саннары белән алыштырган :

3, 16, 13, 12, 16, 3.

Аның фамилиясе ничек? ( Волков)

Бәйгенең ахырында жюри нәтиҗә чыгара.