Сӥзьыл нюлэскын шулдыръяськон (шоретӥ группаын дышетон ужпӧръя конспект)
план-конспект урока (средняя группа) на тему

Сӥзьыл нюлэскын шулдыръяськон

 Шоретӥ группаын дышетон ужпӧръя конспект

Мугез: Ӟеч мылкыдо югдур кылдытоно.

Пуктэм ужпумъёс: Пиналъёсты крезьгуро шулдыръяськонъёсын тодматоно, крезьгурез тодон-валанзэс азинтоно. Пиналъёслы нюлэсын улӥсьёслы юрттон мылкыд пыӵатоно.  Ужрадъёсы тунсыкъяськыса пыриськон мылкыд юнматоно.

Приоритетной областез: художественно-эстетическое развитие.

В интеграции: социально-коммуникативное развитие

Азьвыл нуэм уж: кырӟанъёс, эктонъёс, шудонъёс дышетон, сӥзьыл сярысь вераськон.  

Уже кутэм арбериос: картонлэс вандылэм чуж но горд куаръёс быден одӥг пиналлы быдэ, корзинка саламен, коньылэн гожтэтэз,   

Ужрадлэн мынэмез.

Пиналъёс пыро залэ но пуксё.

Воспитатель. (В.) Туннэ асьмеос мыномы нюлэскы. Нош кинлэн отчы мынэмез потэ, синъёстэс кыне, ваньмы чош вералом: «Одӥг, кык, куинь - выжыкыл ми доры ву!»  (Пиналъёс кылъёссэс вераку, воспитатель ковер вылэ куя пӧртэм куаръёсты).

В. Учке ай, ма та? (Куаръёс.)

-  Кыӵеесь-о соос? (Ӵуж но горд.)

-  Ойдолэ кырӟалом куаръёс сярысь кырӟан.

 Кырӟан "Осенняя песенка"

 (Кылъёсыз Н. Френкельлэн, крезьгурез А. Александровалэн. Кырӟанэз ӟуч кылысь берыктӥз Минниахметова Г.Н.)  

Калгомы, калгомы асьме садамы.
Ӵуж куаръёс, горд куаръёс  трос ми бичалом.
Учке али, учке али – кыӵе тугоко!
Вазае куаръёсмес пуктом ас серегамы.

Коньы. (К.)  Ӟечбуресь, пиналъёс! (Ӟечбуресь!)

К. Тӥ монэ тодмады - а? (Бен! Коньы!)

К. Кыӵе чебер кырӟан сӥзьыл куаръёс сярысь тӥ  кырӟады!  Мон но бичасько сӥзьыл куаръёсты. Мон соосты коркам тырӥсько, толалтэ мыным мед шуныт луоз шуыса. Пиналъёс тӥ мыным юрттоды –а куаръёс бичаны? (Бен! Юрттом!)

К. Пиос бичалозы чуж куаръёсты, нош нылъёс – горд.

 Шудон " Шедьты аслэсьтыд куардэ"  

Пиналъёс пуко пуконъёс вылын. Выж вылын тыремын картонлэс вандылэм чуж но горд куаръёс быден одӥг пиналлы быдэ.  Куке кутскиз шудыны крезьгур, пиналъёс султо но бызьыса  бичало куаръёсты. Нылъёслэн киоссы куто дэремзэс, нош пиослэн киоссы кус вылазы. Нылъёс бичало быдэн одӥг горд куар, нош пиос быдэн одӥг чуж куар, но бызьыса пуксё пукон вылазы. Ведущий эскертэ, ваньзы – а шедьтӥзы шонер. Шудӥськом  кык пол.  

К. Тынад кыӵе куаред? (Горд.) Нош тынад кыӵе куаред? (Ӵуж) (Коньы юа 5-6 пиналлэсь.)

- Мон яратӥсько губи сӥыны. И мон соосты дасясько толалтэлы.

В. Коньы! Нош ми пиналъёсын тодӥськом кырӟан губиос сярысь! Потэ, а кылзэмед?

К. Бен, потэ!

Кырзан " Губиослэн кырзанзы"

(кылъёсыз Е. Макшанцевалэн и М. Картушининалэн, крезьгурез Е. Макшанцевалэн, кырӟанэз ӟуч кылысь берыктӥз Минниахметова Г.Н.)

1. Вуизы, вуизы

        Шуныт нуналъёс.

        Кызьпу улын, кызьпу улын

        Будӥзы губиос.

                Припев:

         Ля-ля-ля, ля-ля-ля,
Шуныт нуналъёс.
Ля-ля-ля, ля-ля-ля,
Будӥзы губиос.

2. Асьсэлэсь изьызес,  

         Шундылы возьматӥзы

         Йыръёссэс, йыръёссэс

         Губиос шоналлязы.
     Припев:

         Ля-ля-ля, ля-ля-ля

         Шундылы возьматӥзы
Ля-ля-ля, ля-ля-ля,
Губиос шоналлязы. 

К. Кыӵе шулдыр кырӟан! Мон тодӥсько интересной шудон, со нимаське «Шунды но зор»  шудом, а? Куке шунды пиштэ – пиналъёс ветло куш вылтӥ, нош зорыны кутскӥз ке – пегӟе коркаосазы «пуконъёс вылэ» и киоссынызы йыр вылазы лэсьто липет.  

 Шудон " Шунды но зор"  (Шудо куинь пол)

В. Коньы! Милям пиналъёсмы тодо кырзан но эктон зор сярысь.

К. Мон но тодӥсько! Ойдолэ чош кырӟалом но эктом! Тӥ соглаш-а? (Бен!)

Кырӟало "Дождик» и экто.

 (Кылъёсыз Н.Соколовлэн, крезьгурез М. Парцхаладзелэн).

Кап-кап, тук-тук-тук, (хлопки ладонями по коленям)
По стеклу раздался стук. (хлопки ладонями справой и левой стороны)
Это дождик поутру (поворот вокруг себя)
Разбудил всю детвору. (присесть 2 раза)

Кап-кап, дон-дон-дон, (хлопки ладонями по коленям)
Капли начали трезвон. (хлопки ладонями справой и левой стороны)
Если выйдете гулять – (поворот вокруг себя)
Не забудьте зонтик взять! (погрозить пальцем)

К. Ӟечокъёс! Пиналъёс, ма луэ на сӥзьыл? (Зор, лымы, тӧл.)

К. Туж тӥледын шулдыр шудыны, нош мыным бертоно ини, коркаме шуныт кароно, ӟеч луэ, пиналъёс! (Ӟеч луэ!)

В. Кыӵе шулдыр праздникмы луиз сӥзьыл  нюлэскын! Кинэ - о асьмеос пумитамы сикын?(Коньыез!)

- Ма юрттӥм бичаны коньылы? (Сӥзьыл куаръёс!)

- Кыӵе кырӟанъёс солы кырӟамы? (Куаръёс сярысь, губиос но зор сярысь.)

- Кыӵе эктон эктӥмы? (Зорлэсь эктонзэ)

- Тӥледлы яраз-а праздникмы? (Бен!)

- Табере асьмелы бертоно нылпи садамы. Кыне сӥнъёстэс, но вералэ чош «Одӥг, кык, куинь  –  нылпи садамы вуим!»

Ведущий со вискын, кызьпу сьӧрысь басьтэ корзинаез но возьматэ пиналъёслы.  Корзинаын  коньылэсь гоштэт: «Пиналъёслы мыным юрттэмзы понна, шулдыр шудонъёс но кырӟанъёс понна. Тау!»

Пиналъёс кузьымъёсын кошко группае.