План-конспект урока по мокшанскому языку для 3-го класса "Глаголсь"
материал (3 класс) на тему

Темась: «Глаголсь» (обобщения).

Цельхне:  1. Кръкалгафтомс тонафнихнень содамошиснон глаголть колга.

                    2. Тонафтомс перьфпяльдень мазышить содама, шарьхкодема и ванфтома.

Оборудованиясь: картинат тундать колга, плакат «Глаголсь», плакат «Содак ребусть»,              картинкат «Вирень зверьхть», индивидуальнай карточкат.

Урокть молемац

-Шабат! Кулесть… цингоргодсь звоноксь,

Ушедсь «Мокшень кяль» уроксь.

1.Темать и цельхнень азондомась.

-Ваность: ушесь мани-мани,

Лямбонянц шись тейнек пани.

Сась тундась ни. Солась ловсь.

Тячиень теманьке «Глаголсь».

Лятфтасаськ, мезе няфти глаголсь, кодапт сонь кизефксонза, лувксонза, лицанза, пингонза, а станя жа азонттама пара валхт тундать мазышинц колга, содатама ребус.

(Ученикне сермадсазь числать тетрадезост).

2.Урокть теманц лангса покодемась.

Корхтама тундать колга.

-Сась кизоть инь мазы пингоц-тундась. Сяс мес тунда сембось съргозькшни онцта, перьфпяльсь мазоми, модась щасы сянгяря щамонц. А содасасть ли тинь тундань кофнень?       (март-летьке ков, апрель- лямбе ков, май- пиже ков).

Поэттне фалу сёрмадыхть стихотвореният перьфпяльть мазышинц колга.  Эрьда кулхцондсаськ ситхотворениятнень, конатнень тинь тонадость «Якстерь тяштеня» журналста.

2 ученикт азыхть стихотвореният:

Ф.Тютчев «Тунда»

Пяк кяжиякшни тялось:

Сон пильге лангста прась-

Тундась ни вальмять ала,

Сонь панемонза сась.

И сембось съргозсь онцта,

Тундать, аф тялоть шнай,-

И вяре жаворонкась,

Прокс пайгоня цинняй.

А тялось нинге ахксни

И сюцесы тундать.

Ся сельмозонза рахси,

Аф пели ёфси, нать.

Лиссь ёньда сисембрястось:

Ловмар кати-коста кандсь

И кяждонза сон ряфцодсь

Тя отькорь шабать лангс…

Тундась афи ризназевсь,

Сон шаманц ловса штась

И нинге сяда мазомсь.

И эсонза перьф шнась.

Тя стихотворениять эса лама глаголда, синь эрявихть мумс.(Учительсь яви карточкат, коса тяштьф тя стихотворениясь. Ученикне мусазь и морафтсазь глаголхнень, тиихть вывод:  

глаголсь няфти действия и отвечай кизефкснень лангс мезе тии? мезе  тись? мезе кармай тиема?  Доскаса плакат лангса панжеви васенце строчкась: няфти действия

Задания: кочкамс глаголхненди синонипт и антонипт.

Тундать саманц колга васендакиге азондыхть нармоттне. Кодама нармонць сай сембода инголе? Зверьхне станя жа васьфтсазь тундать. А кода? Кулхцондсаськ стихотворениять.

Учениксь морафты М. Безбородовонь «Лама тевда, эх и лама!» стихотворениянц.

Тяса, тоса пиже нарнясь                                    

Тундать шити пижелгодсь.

Ляй търваста туста кальнясь

Пиже парьхцикс мъзолгодсь.

Иса пряса каркнайхть грацне,

Моронц таргазе пъсьмарсь.

Мянемс пери вешихть траксне,

Мяльснон мольфтезень ни кардсь.

Синонипт :  мъзолгодсь – пеедезевсь, пижелгодсь - сянгяргодсь

Антонипт:  таргазе – пърдазе, вешихть – юмафтыхть.

Глаголхнень лувксова полафнемасна.

Раськесь фалу ванондсь перьфпяльть мельге, и ладсесь приметат. Кодама тундань приметат содатада? (ученикне азсазь, а учительсь сёрмады доскати:

1. Лаймарькссь панжи- учт якшама.
2. Атямсь торай рана тунда-лямбе ули тундась.
3. Къда мешне лийкстасть рана-тундась ули лямбе.

Ученикне сёрмадсазь тетрадезост, мусазь глаголхнень, азсазь мъзяра лувксса ащихть.

Доскаса плакат лангса панжеви омбоце строчкась: фкя и лама лувксса.

Физминутка

Фкя, кафта-пилькнень шятяйть тяфта,

Колма, ниле, вете-кяттнень вяри кепотть.

Ниле, вете, кота-кафта асколькст потак.

Сисем, кафкса, вейхкса-цяпайхть кяттнень вельхксот.

Фкя, кафта- комотнеда тяфта.

Глаголть пингонза.

- Тунда лама вирень зверьхнень шачихть лефкссна.(Няфтевихть картинкат «вирень зверьхть»

Диктовкань коряс шабатне сёрмадыхть валрисьмот:

Шобда лоткса шачсть келазть лефксонза. Тяни синь касыхть, а сяльде келазсь лихтсынень шить лангс. Лефкссне кармайхть колендема, увама, кода пиненят.

Задания: мумс глаголхнень, азомс кодама пингса ащихть, и кодама членкс молихть валрисьмоса.)

Доскаса плакат лангса панжевихть колмоце и нилеце строчкатне.

Налхксема «Содасть ребусть»(доскаса плакат)

Т                 нь                                            сь

К                                               т                 й

Лиси валмуворкс: Тундань шись киза тряй.

-Кода шарьхкодьсасть сонь? Сёрмадсаськ тетрадезонк.

Обобщения. Доскаса плакат корява.

3.Урокть итогоц.

 Шнасаськ сят ученикнень, конат лац покодсть урокса.

-Сяда тов старандада нинге,

А тяни ваймама пинге.

Конспект урока по мокшанскому языку в 3 классе на тему «Глаголсь (обобщения)»

Составила учитель начальных классов

МОУ «Курташкинская сош»

Атюрьевского района Республики Мордовия

Маскайкина Татьяна Анатольевна