О себе

 Что значит для меня эта работа? Это моя жизнь, моё призвание.     А еще - ощущение молодости, возможности проживать детство снова и снова, находиться в мире добра, любви, фантазии, творчества.

         В Кырлыкском детском саду я работаю 33 года. Я с радостью иду на работу, и получаю удовольствие от общения с детьми. С ними я забываю о проблемах, не чувствую усталости, они вдохновляют меня на творчество. Каждый день, приходя на работу, я вижу детские глаза, которые горят радостью от встречи со мной. Дети бегут ко мне на встречу, ожидая какого-то чуда, следя за каждым моим словом, за интонацией голоса. С детьми не бывает скучных и однообразных дней, каждый раз происходит что-то новое, интересное, открывается новый мир, новая жизнь.

 Воспитатель — это первый,  после мамы,  учитель,  который встречается детям на их жизненном пути. Воспитатели — люди, которые в душе всегда остаются детьми. Иначе дети не примут, не пустят их в свой мир. Самое главное в нашей профессии — любить детей, любить просто так, ни за что, отдавать им своё сердце.

Рубрика – Ӱредÿликте

Бажалыктар – «Болчомдорды бойыҥа тартып алзаҥ, сен jакшы таскадаачы» // Бала jашта, аш кылгада // Ырызы – сÿÿген ижи ле билези

Алтай Республиканыҥ ла Кан-Оозы аймактыҥ ченемелдÿ таскадаачыларыныҥ бирÿзи – Кырлык jурттагы балдардыҥ «Айучак» деген садында бийик категориялу кÿÿлик таскадаачы, РФ-ныҥ ÿредÿлик Министерствозыныҥ «Отличник просвещения» деп кайралла кайралдаткан А.И. Ойношева.

30 jылдаҥ ажыра мында иштеп, Айана Ивановна канча ÿйе болчомдорго билгирлер берип, биjеге ле кÿÿге таскадып jат. 2010 jылдаҥ бери оныҥ башкарып турган «Jинjи» öмöлиги школго jеткелек балдар ортодо биjелик кöрÿлерде jаантайын jерлер алып jат. Кече-башкÿн ле Jеҥÿниҥ кÿнине учурлай кöрÿде jедимдÿ туруштылар.

Сÿÿнчиниҥ ортолыгы

«Алдында jылдарда мен садикте «Башпарак» деп театрал кружок öткÿргем. Ого jÿрÿп турган балдардыҥ ойынын кöрööчилер сÿрекей сакыйтан. Ол болчомдорго база jакшынак таскамал берген деп айдар керек. Оогошто ло сценага чыгып, маҥзаарбай турган балдар кийнинде школго барза, белен артисттер ине», – деп, таскадаачы темдектейт.

Ол ло театрал кружокко шылтай «Айучакта» алтай ла орус культуралардыҥ музей-кыптары ачылган – «Орус горница» ла «Алтай айыл». Балдар ары барып, калыктардыҥ тудунган-кабынганыла, анчада ла кийген кеп-кийимиле сонуркап таныжат. Онойдо ок музейдиҥ экспонаттары керек тушта ойын-сценкаларга реквизит те болуп калат.

«Эмди бистиҥ öмöлик алтай тилдиҥ таҥынаҥ кыбын jазап белетеер кÿÿндÿ. Ӱредÿлик ле кееркедим материалдар jуулып калган. Байла, иш удабас кöндÿгер, – деп, таскадаачы темдектейт. – Бисте «куучынчы стенелер» бар. Ол алтай айылдыҥ бÿдÿмиле jазалган стендтер. Айылдыҥ кажы ла 6 толугында ÿренип jаткан тема аайынча кöргÿзÿ материалдар ла балдардыҥ бойы ла билези керегинде jетирÿлери ле фотоjуруктары тагылган. Кÿÿге таскадар ойноткылар – jарын, шагайак ла колло эткен ойынчыктар».

Кырлыктагы балдардыҥ сады – сÿÿнчиниҥ, билгирдиҥ ле jараштыҥ ортолыгы. Бойыныҥ öйинде тудулуп ла jаҥырта тöзöш тушта jайратпай, корулап алган тура бÿгÿн ада-энелерге ле балдарга сÿрекей керектÿ ле эптÿ тудум болуп jат. Кыптары jаан, jарык, керек дезе, группалар таҥынаҥ эжиктерлÿ.

Таскадаачылар билгирлерди бÿгÿнги кÿнниҥ некелтелери аайынча берип jат. Ӱредÿлик амадуларла тузаланар материалдар улай ла солунат, кееркедилет. Нениҥ учун дезе балдар jаантайын jаҥы материалдар, jаҥы öҥдöр кöрöр керек.

Айана Ивановна 2012 jылда аймактыҥ, тергеениҥ «Jылдыҥ таскадаачызы» деп кöрÿлерде jеҥÿ алган. 2018 jылда Москвада öткÿрилген бастырароссиялык школдоҥ озо ÿредÿликтиҥ ишчилериниҥ конференциязында турушкан. Оноҥ озо, 2014 jылда, ФГОС-тыҥ некелтелерин jöптöр амадула Бурятияда öткöн шиҥжÿлик семинар-конференцияда турушкан.

«Шак ол jол-jоруктаҥ мен кöпкö ÿренгем, бойыма ла öмöлигиме сÿрекей кöп ченемел алгам, – деп, специалист темдектейт. –«Айучакка» jÿрÿп турган балдар бойын алтай деп оҥдоп, билип jÿрзин деп, кыптарды алтай тематикала кееркедери,балдарла колбулу иштерди ууламjылап öткÿрери jаан учурлу. Чындап, ол тушта балдардыҥ сады ФГОС-ло иштеер пилотный площадка болуп, бу иш аймакта jолын алынган».

Тилди билери ада-эненеҥ

Тургуза öйдö «Айучак» бир уунда кöп тилдер ÿренер полилингвиальный дейтен программага кирбеген де болзо, таскадаачылар балдарга jаантайын тöрöл тили, jаҥжыгулары, кÿÿлик байлыгы керегинде куучындап, таскадып jат. Байрамдык туштажулар ээчий-деечий орус ла алтай тилдерле öткÿрилет.

Темдектезе, 2024 jылдыҥ кÿчÿрген айында «Айучакта» öткöн «Jаанамныҥ jаҥар кожоҥы» деп байрамына 4 группаныҥ ада-энелери ле балдар алтай кеп-кийим кийген, jаҥар кожоҥ ÿренген, сÿрекей каруулу белетенген. Сÿреен солун байрам болгон!

«Бистиҥ садтыҥ балдарыныҥ ада-энелери сÿрекей каруулу болгоны сÿÿндирет. Олор балдарын ончо конкурстарга турушсын деп кичеенет. Бисти, таскадаачыларды, jаантайын jöмöп jÿрет, – деп, Айана Ивановна айтты. – Чындап та, баланыҥ кылык-jаҥы, куучыны, кöгÿс-байлыгы кöп jаны ада-эненеҥ, биленеҥ, jаан jаштуларынаҥ камаанду ине. Балаҥды таскадаачыларга, телефонго ло jарбып ийзеҥ, jаан ла jедим болбос».

Öмöлÿ иш 

«Балдардыҥ садындööн мен 1992 jылда иштеп келгем. Уулым оогош болордо, оныҥ ла jанында jÿрерге санангам. Кöрöр болзо, иштегеним 30 jыл öдÿп калды! – деп, таскадаачы айдат. –  Озо тегин таскадаачы, оноҥ 5 jыл кире заведующий болгом, 2011 jылдаҥ ала кÿÿлик таскадаачы, калганчы 15 jылдын туркунына методист. Бойымныҥ ижим бойыма сÿрекей jарайт. Jаантайын оогош балдардыҥ ортозында jÿрзеҥ, олорды jилбиркедип, jаҥы таскамаладарга ÿретсеҥ, ол иштиҥ турултазын кöрзöҥ, кижи канайып сÿÿнбес.

Кожо иштеген таскадаачыларыма ончозына быйан, бой бойыстаҥ ÿренип, кöрÿжип, ÿлежип jÿргенис. Мен ишке заведующий З.Н. Кульдина иштеп турарда киргем. Ол тушта педагогтор болуп, М.Л. Битешева, О.Е. Теркишева, А.М. Баркышева, Р.В.Можлаева,Н.М. Карманова, А.С. Абраимова иштегендер. Ончозы иштеҥкей, ченемели ус улус.

Тургуза öйдö бу улустаҥ М.Д. Дешева, И.Б. Октошева ла И.Н. Ютанова иштеп, балдарга билгирлер берет. Олордоҥ jиит таскадаачылар Э.В.Бухешева, А.Б. Тайтакова ла Л.М. Арамзина тем алып jат, база ижемjилÿ специалисттер. Öмöликти канча jылдарга эмдиги öйдиҥ некелтелерин чыҥдый бÿдÿрип, ичкери кöрÿмдÿ А.Г. Туткушова jолду башкарат.

Кожо иштеген тоомjылу ишчилер – Г.Н. Кыйгасова, А.Т. Манжина, З.Т.Бахрамаева М.Т. Ажанарова,
О.Т. Карманчина, Л.Т. Едекова, Б.Г. Карманова, Н.П. Абраимова, С.Г. Кеденова, М.П. Мишкина, Д.В. Быева, М.И. Токова, Ч.П. Кудирмекова. Чындап та, jаҥырта тöзöш тушта заведующий С.И. Шатина балдардыҥ садын jайратпай, корулап алганы jакшы. Ол база сÿрекей jалакай, сагышту, jакшы башкараачы болгон.

Бÿгÿн «Айучакта» текши jеткилдеште иштеп тургандар: К.П. Урбушева, А.В. Быева, Э.К. Тузина, Э.А. Шалдина, Ж.А. Бедесова, А.А. Трыхманова, Э.В. Махина, А.А. Байрышева, А.А. Ойношев, А.А. Бухешев, Д.Л. Алдырбасов, Г.А. Киндиков, А.К. Катышев, Э.А. Трыхманов иштейдилер.

Айана Ивановныҥ шÿÿлтезиле, болчомдорды бойыҥа тартып алзаҥ, олорго тем болзоҥ, олор сени тооп jÿрзе, сен jакшы таскадаачы. «Оогош балдарла кажы ла кижи иштеп болбос ине. Ол, байла, jаан jайалта, – деп, ол айдат. – Мен бу 30 jылга кожо иштеген кажы ла коллегама быйанду jÿредим. Кажызыныҥ ла ижин, jöмöлтöзин баалайдым.

Кожо иштеген кöп улустаҥ мен ÿренгем. Олор до меннеҥ неге-неге ÿренген болор.

Айана Ивановна онойдо ок аймактыҥ таскадаачыларыныҥ методикалык биригÿзиниҥ турчызы, оны канча jыл башкарган, тоомjылу эксперт болуп, профессионал кöрÿлерде камыста иштеген. Кöрÿ-конкурстарга туружарга белетенип турган коллегаларыла ченемелиле база ÿлежет. «Биске бойыска кöп jылдарга РИПКРО-ныҥ ÿредÿчилери, методисттери А.А. Иркитова, Н.М. Унатова, Я.А. Мандина  ишке керекту ууламдылар берип,болужып jат. Олорго jаан алкыш-быйаным» – деп, таскадаачы айдат.

Ого ÿзеери Айана Ивановна jурттыҥ ла аймактыҥ jондык иштеринде jаантайын туружат,  « Улурген»-деп,омоликте кожондойт, jуукта ГТО-ныҥ некелтелерин табыштырган. Кöп jылдарга талдаачы кÿреениҥ турчызы болуп иштейт,2020 jылда «Доска почета» Усть-канского района отурган.?

«Сен воспитательге jараарыҥ…»

Айана Ивановнаныҥ айтканыла, таскадаачы болор ишке оны бойыныҥ öйинде Кырлыктыҥ интернадын башкарган В.Д. Октошева ууламjылаган.

«Мен оогоштоҥ ло бери jарашка тартылар, jарашты сÿÿр болгом. Кöкчи-модельер болорго санангам. Бир тушта киномеханик та болорго кÿÿнзейтем, кино согорым, оны кöргÿзерим деп бодогом. Ол тушта кижи режиссёрдыҥ, оператордыҥ, киномеханиктиҥ ижиниҥ башказын аайлабай турган ине – деп, куучындайт. – Jе школды божоткон соҥында меге бир кÿн Вера Даниловна jолугып, ишке кычырган, «сен воспитательге jараарыҥ» деген. Бу ла jаскыда интернатка jаткам, кÿскиде дезе ондо иштеп баштагам. Бойым да бала ине».

Анайып, jаш бойынча оогош балдарла, jаан ÿренчиктерле бир тил таап, олордыҥ таскадаачызы болуп бир jыл иштеген. «Бис Вера Даниловнаныҥ сöзинеҥ чыкпайтаныс. Ого ÿзеери оогошто бис оны сÿрекей jараш кöрöрис, оныҥ кийингенин, чачын jарандырганын кайкарыс, духизиниҥ jыдын jакшызынарыс. Байла, ого тÿҥей болорго амадаганыс», – деп, Айана Ивановна jылу эске алынат.

Интернатта бир jыл иштейле, ол Барнаулда маала-ажы öскÿрери аайынча ÿредÿни божодып, Горно-Алтайсктагы пединститутка ÿредÿге кирген. Филология бöлÿкти jедимдÿ божоткон.

Аня-Айананыҥ ырызы

Окылу чаазындар аайынча Айана Ивановнаныҥ ады Аня деп бичилген болтыр. Кöрöр болзо, бу атла кызычакты ада-энезиниҥ орус нöкöрлöри, Кырлыктööн Чамал аймактагы Айулу jурттаҥ кöчÿп келген Новосёлова Мария-деп,энезинин нокори адаган.

Билезинде Айана беш баланыҥ чике ортоны: акалары Аркадий, Андрей, Айана, сыйны Марина, карындажы Ырыс. Ада-энезинде 8 бала болгон, jе 3 бала jаш тушта божоп калган.

Тööлöс сööктÿ Иван Токович ле кыпчак сööктÿ Александра Кукаковна (кыс öбöкöзиле Быева) jажына кедери jадып, мал-ашта иштеген. «Энем сÿрекей ару-чек, jалакай, улуска болужып ла jÿрер, бар-jогыҥла ÿлежер керек деер, – деп, Айана Ивановна айдат. – Энем jаантайын быжырынар, тÿÿнер, кöктöнöр, айлы-jуртын черетеер, будыыр. Бисти онойып ла таскадып салган. Адамнаҥ мен бир сананып алган санаазына jединерине ÿренип алган. Адам андый – ижин учына jетире jазап этпегенче амыр jок. Мен база ондый».

 1990 jылда Айана Токова кыпчак сööктÿ Аржан Анисимович Ойношевле айыл-jурт тöзöгöн. Ол база jаан, 8 балалу, биленеҥ болгон. Айана Ивановна эш-нöкöрине, кайын jуртына jажына быйанду jÿрет. «Аржан Анисимович jалакай, иштеҥкей, сöзине турумкай эш-нöкöр. Jаныҥда кижиҥ сени тооп, эжиниҥ кажы ла керегин, баштаҥкайын jаантайын jöмöп jÿргени – ол jаан ырыс» – деп, эпши темдектейт.

Ойношевтердиҥ jаҥыс уулы Чингиз бойы билелÿ, 3 балалу. Сÿрекей аjарыҥкай, керсÿ уул. Энезиниҥ чыккан кÿни болзын, профессионал байрамы болзын, айылга чечектÿ кирип келер. Эш-нöкöри Яна база андый ла ок ачык-jарык, кайындарына кару келин. «Яна меге бойымныҥ карындап азыраган кызымдый. Мен келдимнеҥ, керек дезе, кöпти ÿренедим. Ол ÿредÿлÿ психолог, балдарла сÿрекей эптÿ, jакшы тил табат – деп, Айана Ивановна адакыда темдектеди. – Уулым ла Яна бой-бойын бу jÿрÿмде таап, балдар азырап, биске тайак болуп jÿргенине айдары jок сÿÿнедим. Бис экÿ уулыстыҥ балдарын кöрÿжип, болужып, эптÿ-jöптÿ jÿредис. Олор – бистиҥ ижемjи».

Чындап та, балдар – jÿрÿмниҥ чечектери. Кижиниҥ ырызы балдарында, келер öйгö ижемjилерде, сÿÿген ижинде, коштой отурган кижизинде эмес пе?

Айару Тохтонова,

Одус jыл балдардыҥ ортозында

"Таскадаачы болорго, элдеҥ озо балдарды сÿÿр керек" – деп, Аня Ивановна Ойношева бойыныҥ профессиязыныҥ jажыдын ачат

Аня Ивановна Ойношева Кырлык jурттагы

балдардыҥ садында иштегени одус jылдаҥ ажа берди. Таскадаачыныҥ айтканыла, школды божодып,

ол модельер-конструкторго ÿренер санаалу болгон. Jе салым саҥ-башка, ондо бойыныҥ чийилген чийÿзи.

Кече ле школды божоткон jаш кысты

Вера Даниловна Октошева школдыҥ интернадында

таскадаачы болуп иштезин деп сураган эмтир.

Байла, балдарды баштап, jууп, jилбиркедип билер

кылык-jаҥын аjарган. Аняга не болзын,

албаданчак jиит ончо кÿÿнин ишке

беринип, кöп тоолу кöрÿлер, ойындар öткÿрип,

таскамалга jарамыкту материалдарды бедиренип,

jууп, иштей берген. Бир jылдыҥ туркунына таскадаачы

болуп иштеп, Аня jарт билген - балдарла кожо

иштейтен профессияла jÿрÿмин колбоор.

Мынайып, jиит кыс Горно-Алтайсктагы университетке филологиялык факультетке кирип, ÿредÿчи болуп иштеерге сананган. Ӱредÿни jедимдÿ божодып, Кырлык jуртына jанып келген. Ойношев Аржан Анисимовичле айыл-jурт тöзöп, уулду болгон. Чингиз уулы чыдап келерде, jурттыҥ балдар садына таскадаачы болуп ишке кирген. Jиит энеге jарамыкту болгон – балазы jанында, ижи jилбилÿ, jаш болчомдордыҥ öзöгинде.

Балдарды не-немеге jилбиркедери jеҥил иш эмес. Олордыҥ кÿÿнин билер керек. Балдарды сÿÿр керек. Кажы ла баланы кöкÿдип, билгирдиҥ телекейиле таныштырып, билгирин тереҥжидип, Аня Ивановна эрчимдÿ иштей берген. Кÿÿлик башкараачы, таскадаачы, тöрт jылдыҥ туркунына садтыҥ башкараачызы болуп иштеген, тургуза öйдö - методист. 2012 jылда аймактыҥ, тергеениҥ «Jылдыҥ таскадаачызы» деп jаан кöрÿниҥ jеҥÿчили болгон. 2018 jылда Москвада öткÿрилген бастырароссиялык школдоҥ озо ÿредÿликтиҥ ишчилериниҥ конференциязында турушкан. Кийнинде Аня Ивановна Чита калада ФГОС-тыҥ программазын ишке тузаланары аайынча семинарга туружып, Кырлыктыҥ балдар садын ФГОС-ло иштеер пилотный площадка эдип, бу ишти аймакта jедимдÿ кöндÿктирген. Бу jаан ла учурлу иш.

Аня Ивановна jаҥы иштеп келген таскадаачыларга тем болуп, jаан jöмöлтö jетирип турган ченемелдÿ таскадаачы. Кöп тоолу коллегаларына кöрÿлерге туружарга белетеништÿ иштерде jаан болужын jетирет, билерин айдып, jартап, ченемелиле ÿлежет.

«Эмдиги öйдиҥ балдары jирме-одус jыл кайра болчомдордоҥ аҥыланат па?» - деп сурагыска, таскадаачы jöпсинди: «Чынынча айтса, эмдиги балдар коркышту соныркак, jилбиркеп, кöп сурактарга карууны билер. Бу телефон-гаджеттердиҥ камааны деп сананадым. Jе алдындагы балдар jакшы тöрöл тилин билген, jаштаҥ ала албатызыныҥ чÿм-jаҥын билериле аҥыланган. Эмдиги болчомдор кöндÿрезинеҥ ле орустаар кÿÿнду. Оныҥ учун бу ууламjыла бис ишти эрчимделтип турус, таскадаачылардыҥ аjаруда сурагы – jаш болчомдорды тöрöл тилиле эрмектежип, албатызыныҥ чÿм-jаҥдарын jаштаҥ ала билерине тазыктырары» - деп, Аня Ивановна темдектеди. Байрамдарды, ойындарды, алтай кеп-куучындардыҥ, чӧрчӧктӧрдиҥ кӱнин öткÿредилер. Ого ӱзеери болчомдор бойлорыныҥ сӧӧктӧрин билип, угы-тӧзиле јилбиркеп, бир эмештеҥ алтай тилле эрмектер тургузып, јакшы ӱренерге албаданадылар.

Садта алтай толук бар. Таскадаачылар, ада-энелер айылдарынаҥ јӱзӱн-башка эдимдерди экелип, оны jазагандар. Бу толукта алтай кеп-кийимдӱ наадайлар, бичиктер, кӱӱлик ойноткылар, тажуур, тудунар-кабынар не-неме тургузылып, алтай айылдыҥ ичи jазалган. Аня Ивановнаныҥ темдектегениле, бу кичинек толукты садтыҥ öмöлиги бÿткÿл кабинет эдип jазаар кÿÿндÿ.

Балдардыҥ тöрöл тилиле jаштаҥ ала куучындаарына элдеҥ озо  биле jаан камаанын jетирет. Бу учурлу ишке керектÿ jöмöлтöни сад, школ берет. "Айдарда, таскадаачылар, ÿредÿчилер ле ада-энелердиҥ колбузынаҥ, öмö-jöмö ижинеҥ турулта болор. Бу иши быжулап, элдеҥ озо ада-энелерле колбуны тыҥыдадыс" - деп, Аня Ивановна темдектейт. Ижи керегинде куучындап, таскадаачы бойыныҥ коллегаларына, öмöлигине jаан быйанду jÿргенин угусты. Кожо иштеген улус - ончозы ижине албаданчак келиндер. Öмöликти канча jылдыҥ туркунына Туткушева Алтынай Геннадьевна билгир башкарат.

- Кажы ла кижи иштеп турган ижиле, профессиязыла кожо кылык-jаҥы да солынатан дегени чын ошкош. Кару адамнаҥ, Токов Иван Токовичтеҥ, албаданчак, öктöм кылык-jаҥ, энемнеҥ, Александра Кукаковнанаҥ, байла, улуска буурзагы, ару-чеги  меге тÿшкен. Jе иштеген ижимнеҥ менде jайаандыкка кÿÿн ачылды. Jаш болчомдорды jилбиркедерге, кöкÿдерге болуп, кожоҥдоп то, jуранып та ийер, керек дезе биjелеп, артист те болорго келижет (каткырат). Ол ло öйдö балдарды jилбиркедип, кыпты jарык, jараш болзын деп албаданадыс. Оныҥ учун таскадаачыныҥ ижи аҥылу, jеҥил эмес, jе ол ло öйдö jилбилÿ иш деп айдар эдим. Кажы ла кижи таскадаачы болуп иштеп болбос  болор. Таскадаачы болорго, элдеҥ озо балдарды сÿÿр керек, ол тушта ижиҥ турулталу болор" – деп, Аня Ивановна ижиниҥ jажыттарын ачат.

Турулталу ижи учун Аня Ивановна кöп тоолу кайралдарла кайралдаткан, бу ла öткöн Билгирдиҥ байрамында ченемелдÿ таскадаачы jаан кайрал алган - РФ-ныҥ ÿредÿлик Министерствозыныҥ "Отличник просвещения" деп аҥылу темдегиле кайралдаткан. Таскадаачыныҥ ижин бу кайрал бийик баалаганын кеерелейт.

Аня Ивановна эш-нöкöрине jаан быйанду jÿрет. Аржан Анисимович jалакай, иштеҥкей, сöзине турумкай эш-нöкöр. Кару эжиниҥ кажы ла керегин, баштаҥкайын jöмöжип, болужып jÿрет. Олор экÿ уулыныҥ балдарын кöрÿжип, болужып, эптÿ-jöптÿ jÿредилер. Кижиниҥ ырызы мында эмес пе? 

А. Тайтова

Книги, которые сформировали мой внутренний мир

«Сердце отдаю детям» В. А. Сухомлинского. Книга посвящена воспитательной работе с дошкольниками и учениками начальных классов, но не является пособием по педагогике, а служит духовному развитию воспитателей и учителей.

Мой взгляд на мир

Мои достижения

Я постоянно   совершенствую свое мастерство, используя достижения педагогической науки и передовой практики, осваиваю современные инновационные технологии и методы. 

Стараюсь постоянно повышать своё профессиональное мастерство, профессиональный рост, участвую во всех мероприятиях, непосредственно связанных с моей работой, принимаю активное участие с моими воспитанниками во всех конкурсах и активно привлекаю к участию их родителей.

Моё портфолио

Через это портфолио можно узнать обо мне, о моей семье, друзьях, родине, о моих увлечениях, хобби и главное, о моих достижениях и достижениях моих воспитанников.

Портфолио: