Шигырь конкурсы "Тукай безнең күңелләрдә" "Хыялый төш"
материал по чтению (1, 2, 3, 4 класс) на тему

Татарстан Республикасы Биектау муниципаль районы Коркачык башлангыч  гомуми белем  бирү мәктәбенең башлангыч сыйныфлар укытучысы Гимадеева Рәмзия Рәис кызы.

Хыялый төш.

Мин төш күрдем.....

Тукай дустым белән

Кырлай урамнарын буйладык,

Яшел хәтфә кебек болыннарда

Күбәләкләр куып уйнадык.

Аннан төштек инеш буена

Күренмәсме диеп су анасы  

Алтын тарак тотып кулына .

Очрамасмы диеп  шук малай

Йөгерә-йөгерә басма буенда.

Шул арада , кинәт, сихри тынлык,

Шүрәлеле кара урманнар,

Чү ,ашыкма, дустым, ашыкма ,

Былтыр тавышы килә еракта

Сөйләшәдер кебек ул анда.

Иртәнге таң нуры иркәләгән

Сахра-кырлар шау-шу чәчәктә.

Болыннарда очкан күбәләкләр

Кунып-кунып һәрбер җиләккә...

Тараталар җәйнең хуш исен.

Күпме гомер узган, сизелә.....

Искә алып балачак елларын

Яшьлек тавышы яңгырый биредә,

Сызып-сызып күңел кылларын.

Эх! Шунда кинәт төшем өзелә...

Мин Тукайны күрдем төшемдә!