Рабочая группа
рабочая программа на тему

Ўзбекистон Республикаси Халқ таълими вазирлиги

Ўзбекистон Республикаси Олий ва ўрта махсус таълим вазирлиги

Ўрта махсус, касб-ҳунар таълими маркази

ҚЎШМА БУЙРУҚ

Умумий ўрта ва ўрта махсус, касб-ҳунар таълимининг давлат таълим стандартлари  талаблари асосида ўқув дастурларини такомиллаштиришни ташкил этиш тўғрисида

Мамлакатимиз узлуксиз таълим тизимида чет тилларини ўргатиш тажрибасидан келиб чиқиб, умумий ўрта таълимнинг компетенциявий ёндашув асосида такомиллаштирилган давлат таълим стандартлари, ўқув-методик мажмуаларининг янги авлодини ишлаб чиқиш, умумтаълим фанларини ўқитишнинг узлуксизлиги ва изчиллигини янада такомиллаштиришнинг замонавий методологиясини яратиш ва амалиётга жорий этиш, ўқувчиларнинг онгли равишда касб-ҳунар танлаш мотивацияларини кучайтириш мақсадида Ўзбекистон Республикаси Вазирлар Маҳкамаси томонидан 2017 йил 6 апрелдаги “Умумий ўрта ва ўрта махсус, касб-ҳунар таълимининг давлат таълим стандартларини тасдиқлаш тўғрисида”ги 187-сонли қарори билан умумтаълим фанлари бўйича компетенциявий ёндашувга асосланган Давлат таълим стандартлари тасдиқланди.

Давлат таълим стандартларига мувофиқ умумтаълим фанлари бўйича компетенциявий ёндашувга асосланган ўқув дастурларини ишлаб чиқишни ташкил этиш мақсадида буюрамиз:

1. Умумий ўрта ва ўрта махсус, касб-ҳунар таълимининг умумтаълим фанларидан ўқувчиларда компетенцияларни шакллантиришга йўналтирилган давлат таълим стандартлари асосида ўқув дастурлари ва ўқувчиларнинг давлат таълим стандартлари талабларини ўзлаштириш даражасини баҳолаш мезонларини ишлаб чиқиш, экспертизадан ўтказиш бўйича ишчи гуруҳи (бундан буён матнда ишчи гуруҳ деб юритилади) 1-иловага,  Умумий ўрта ва ўрта махсус, касб-ҳунар таълимининг давлат таълим стандартлари асосида ўқув дастурлари ва ўқувчиларнинг давлат таълим стандартлари талабларини ўзлаштириш даражасини баҳолаш мезонларини мувофиқлаштирувчи гуруҳ (бундан буён матнда мувофиқлаштирувчи гуруҳ деб юритиди) 2-иловага мувофиқ тасдиқлансин.

2. Ишчи гуруҳ:

жорий йилнинг 20 майига қадар Давлат таълим стандартлари талаблари асосида ўқув дастурларини ишлаб чиқиб, экспертизадан ўтказиш ва  мувофиқлаштирувчи гуруҳга тақдим этиш;

жорий йилнинг 20 августига қадар ўқувчиларнинг давлат таълим стандартлари талабларини ўзлаштириш даражасини баҳолаш мезонлари лойиҳасини ишлаб чиқиб, экспертизадан ўтказиш ва мувофиқлаштирувчи гуруҳга тақдим этиш чораларини кўрсин.

3.Таълим муассасаларида ўқув-тарбия жараёнини ривожлантириш бош бошқармаси (А.Носиров), Ўрта махсус, касб-ҳунар таълими маркази (З.Худайбердиев)га:

жорий йилнинг 20 апрелидан ўқув дастурлари, баҳолаш мезонларини ишлаб чиқувчи ва экспертизадан ўтказувчи ишчи гуруҳлар фаолияти учун амалий ўқув семинарлар ташкил этиш ва зарур шарт-шароитлар яратиш;

жорий йилнинг 15 майига қадар такомиллаштирилган ўқув дастурларини ишчи гуруҳларни жалб қилган ҳолда экспертизадан ўтказиш;

жорий йилнинг 20 августига қадар ўқувчиларнинг давлат таълим стандартлари талабларини ўзлаштириш даражасини баҳолаш мезонлари лойиҳасини ўрнатилган тартибда тасдиқлаш чораларини кўриш;

2017-2018 ўқув йилидан бошлаб тажриба-синов ишлари учун белгиланган таянч таълим муассасаларида ўқувчиларнинг давлат таълим стандартлари талабларини ўзлаштириш даражасини баҳолаш мезонларини амалиётга жорий этиш бўйича тажриба-синов ишларини ташкил этиш;

тасдиқланган ўқув дастурлари асосида 2017-2018 ўқув йилидан бошлаб дарсликларни такомиллаштириш, уларнинг янги авлодини чоп этиш ишларини ташкиллаштириш;

тажриба синовда иштирок этаётган ўқитувчиларга амалий-методик ёрдам бериш мақсадида Ўзбекистон Республикаси Халқ таълими вазирлигининг Республика таълим маркази ҳамда Ўрта махсус, касб-ҳунар таълими марказининг Ахборот-методик таъминлаш хизмати методистлари ҳамда халқ таълими ходимларини қайта тайёрлаш ва уларнинг малакасини ошириш институтлари профессор-ўқитувчиларини бириктириш;

жорий йилнинг 25 августига қадар компетенциявий ёндашувга асосланган давлат таълим стандартлари, ўқув дастурлари ва ўқувчиларнинг давлат таълим стандартлари талабларини ўзлаштириш даражасини баҳолаш мезонларини нашр этиш ва ҳар бир таълим муассасасига етказиш;

2017 йилнинг 25 августига қадар ҳудудий халқ таълими ва ўрта махсус, касб-ҳунар таълими бошқарув идоралари билан биргаликда компетенциявий ёндашувга асосланган давлат таълим стандартлари ва ўқув дастурларини амалиётга жорий этиш бўйича тарғибот-ташвиқот ишларини ташкил этиш вазифалари юклатилсин.

 4. Халқ таълими вазирлигининг Ахборот хизмати (Б.Шайвалиев), “Маърифат” ва “Учитель Узбекистана” газеталари таҳририяти (А.Раҳимов), Ўрта махсус, касб-ҳунар таълими марказининг Ахборот-методик таъминлаш хизмати (М.Холмуҳамедов)га таълим-тарбия сифатини оширишга қаратилган ўқитишнинг янги методологияси сифатида компетенциявий ёндашувга асосланган таълимни жорий этиш ишларини оммавий ахборот воситалари орқали кенг ёритиб бориш тавсия этилсин.

5. Халқ таълими вазирлиги, Олий ва ўрта махсус таълим вазирлиги, Олий ва ўрта махсус таълим вазирлигининг Ўрта махсус, касб-ҳунар таълими марказининг 2015 йил 11 августдаги 229/ҚБ, 29/ҚБ ва 36/ҚБ сонли қўшма буйруғи ўз кучини йўқотган деб ҳисоблансин.

6. Ушбу қўшма буйруқ ижросининг назорати халқ таълими вазирининг биринчи ўринбосари Б.Данияров ҳамда Ўрта махсус, касб-ҳунар таълими маркази директорининг ўринбосари З.Худайбердиевлар зиммаларига юклатилсин.

Умумий ўрта ва ўрта махсус, касб-ҳунар таълимининг давлат таълим стандартлари асосида ўқув дастурлари ва ўқувчиларнинг давлат таълим стандартлари талабларини ўзлаштириш даражасини баҳолаш мезонларини мувофиқлаштирувчи гуруҳ

ТАРКИБИ

Умумий ўрта ва ўрта махсус, касб-ҳунар таълимининг умумтаълим фанларидан ўқувчиларда компетенцияларни шакллантиришга йўналтирилган давлат таълим стандартлари асосида ўқув дастурлари ва ўқувчиларнинг давлат таълим стандартлари талабларини ўзлаштириш даражасини баҳолаш мезонларини ишлаб чиқиш, экспертизадан ўтказиш бўйича ишчи гуруҳи

ТАРКИБИ