Вводный урок по удмуртскому языку для 7 класса
методическая разработка (7 класс) по теме

Муниципальное бюджетное образовательное учреждение

«Средняя общеобразовательная школа с. Ошторма Юмья»

Кукморского муниципального района Республики Татарстан

Тема:  вордскем шаередлэсь но анай кылыдлэсь данзэс жут дышетскеменыд, уженыд но улэменыд (вводной урок), 7 – ти класс

                                                      Урокез дасяз но ортчытиз:

                                            Семёнова Ангелина Пантелеевна, удмурт  

                                           кылъя но литературая дышетись, I категория

2011

Уроклэн темаез: вордскем шаередлэсь но анай кылыдлэсь данзэс жут дышетскеменыд, уженыд но улэменыд (вводной урок).

Мугъёсыз: 1) удмурт кыллэсь асьме калыклы кулэ луэмзэ, солэсь узырлыксэ, аспöртэмлыксэ возьматон; мукет кылъёс пöлысь удмурт кыллэсь интызэ валан, солы матын луись кылъёсты тодон;

2) Удмурт Элькунысь  калыклы тодмо но кибашлы адямиосын тодматон,                                                                                                                   кудъёсыз культураез азинтыны юртто;

3) Ас вордскем кылдэ гажан но соин данъяськон мылкыд пычатон.

 Уже кутыны луоно материалъёс: Удмурт Элькунлы сизем стенд, презентация (урокын басьтэм тодон – валанзэс огъян понна кутиське)..

Уроклэн мынэмез

Кыл ке вань – калык но вань.

Г. Красильников.

I.   Орг.момент.  Пиналъёсыз выль дышетскон арен зечкылан, валаса дышетскыны но зеч тодонлык басьтыны мылкыд сüзён.

II.  Тема бордын ужан. Числоез, темаез гожтомы но эпиграф бордын ужалозы: эскеро, кызьы валало пуштроссэ, кыл сярысь пословицаосты тодазы вайыса верало (кыл веньлэсь но лэчыт;  кыл дунне пытсы вуттоз;  кыл пукыч овол, нош сюлэмез бышкалтэ). Удмурт писательёс, поэтъёс но вордскем кылзылэн кулэлыкез сярысь гажаса гожто асьсэ произведениосазы.

 Асьмеос улиськомы Татариын. Трос портэм калыкъёс уло ог – огзылы юрттыса но ог – огзэс гажаса. Куспамы вераськиськомы удмурт кылын. Дышетиськомы: зуч, удмурт, татар, англи кылъёсты. Котькуд кыл узыр аслаз историеныз. Шонер верам Даниил Яшин: «Аслэсьтыд кылдэ яратытэк,  мукетсэ уд дышы гажаны». Котькуд адями тодыны кулэ аслэсьтыз вордскем кылзэ, солэсь кылдэмзэ, азинскемзэ. Ма сярысь тодыны тыршомы асьмеос туннэ? (удмурт кыллэсь историзэ, азинскемзэ).

  Асьме удмурт кыл пыре финно – угорской группае. Отчы ик пыро бускель калыкъёсмылэн кылъёссы: коми, мордва, карел, саам, ханты, манси; кунгож сьорысь государствоосысь – финн, венгер, эстон.

Удмурт кыллы тужгес но матын коми кыл. Та кылъёсын трос тупась лексика: адзыны (коми кылын гожтиське аддзыны),  кык, дас,  кызь, сюрс, лы, му, но мукет. Комиослэн  портэмгес верано  кылъёссы но вань: борд ( бурд), ва (ву),  веж (вож), вит (вить), квайт (куать) но мукет. Тодонмес муроммытон понна, ужаломы книгаысь И. Таракановлэн уженыз.

III. Книгаен ужан. 338 – ти ужез ужаломы (ужамы кутомы урал кылдиньлы сизем писпуэз).

Текстэз вольыт, чебер но валаса  лыдземзэс эскерон;

Числительнойёслэсь гожтиськемзэс тодэ ваён.

Берло ортчем переписья удмуртъёс Россиысь финн – угор калыкъёс полысь лыдзыя кыкети интыын (мордваос бере).

  Удмурт кыллэсь лексиказэ но грамматиказэ умой тодэм юрттоз вольыт вераськыны.  

      [Удмурт гожъяськон сям  кылдытэмын XVIII даурын (1775 – ти ар), славян графикаез лыдэ басьтыса. Кылдытиз Василий Михайлович Пуцек – Григорович.

 Удмурт калык нырысьсэ Кунлык басьтиз:  1920 арын 4 ноябре удмурт автономной область кылдытон сярысь декрет кутэмын вал, нош 1934 арын область Удмурт автономной республика луиз. 1990 арын 20 сентябре порме Удмурт Республикалы. Шоркарез - Ижевск.] – гожтомы тетраде.

      Улон азьланьтиське. Усьтиськиз удмурт калык театр, кылдытэмын бадзымесь крезьгуро произведениос (опера, балет, симфония), ужаны кутскизы  «Удмуртия» издательство, Удмурт кун но Ижевск кун технической университетъёс. Ваньмыз со вера удмурт нацилэн быдэ вуэмез сярысь.  Нош кырзанъя но эктонъя «Италмас» кун ансамблез (кивалтисез Анатолий Васильевич Мамонтов), кырзанъя «Айкай» театрез, кудиныз кивалтэ асьмелэн землякмы П Данилов, странаямы гинэ овол, кунгож сьорын но тодо но ярато.  Быдэс дуннелы тодмо луизы удмурт писательёслэн Г. Верещагинлэн, А. Окилэн, Ф. Васильевлэн гожъямъёссы, крезьгурчиослэн Г. Корепановлэн, Г. Корепанов – Камскийлэн ужъёссы, суредасьёслэн Лобановлэн (Куншетэз но Кунпусэз) суредаз, С. Виноградовлэн, П. Ёлкинлэн, М. Гариповлэн но трос мукетъёсызлэн нимъёссы. Озьы ик данъяськеммы луэ спорт удысын тыршисьёсынымы: Г. Кулаковаен, (куасэн туж зол ветлэмез понна «королева лыжни» шуиллям, В. Чижовен (усто шудэ шашкаен),  В. Медведцевен (азьвыл биатлонист, али тренер). Будизы удмурт тодосчиос, архитекторъёс, конструкторъёс.

       Тыршыса ужало Удмурт Элькунын асьмелэн землякъёсмы но: В. Кельмаков, М. Трофимова, П. Захаров. Ваньзы соос тыршо удмурт кылмес утьыны, узырмытыны.

        Удмурт калыклэсь культуразэ но кылзэ узырмытон бордын ужано луоз тиледлы но, пиналъёс. Та ужпумъёсты быдэстон понна, зеч тодоно вордскем кылмес. Соин чош ик умой  валано зуч кылэз. Солы  дышетсконэз капчиёмытэ удмурт кылэз зеч тодэм.  

IV. Туннэ урокын басьтэм тодммес огъяломы тест амал пыр дунъяса (презентациез уже кутон). Эскероды асьтэлэсь саклыкдэс. Юанъёс сиземын таче темаослы: история, кыл, памятник но архитектура, спорт, фольклор, литература, дано адямиос, калык йылолъёс. Котькуд люкетэз бырйемды луэ но асьтэлы балл (оценка) басьтэмды: 5 – самой секыт юан; 4 – капчигес, 3 – самой капчиез юан.

        Тестын вань сыче юанъёс, кудъёсыз эскеро тилесьтыд гуртады ас кожады лыдзиськемдэс.

 V.  Гуртэ уж

Дасяно выступление таче темая: «Удмурт кыл – финн – угор кылъёс полысь одигез . Уже кутоно 338 – ти ужез.(у), 155 – 165 ти бам.

 VI.  Уроклы йылпумъян лэсьтон.