В здоровом теле - здоровый дух
презентация к уроку (6 класс) по теме

МБОУ «Васильевская средняя общеобразовательная школа№2

Зеленодольского муниципального района  Республики Татарстан»

“Спорт – тормышымның яшәү үрнәге.”

6б сыйныфында ачык дәрес.

                Укытучы: Хисамеева Зөлфия Әнвәр кызы

Спорт – тормышымның яшәү үрнәге.

 Максат: фикер-сәләтләрне, бәйләнешле сөйләм телен үстерү, чагыштыра һәм нәтиҗә ясарга өйрәтү, спортка кызыксыну, мәхәббәт уяту, тормыш вакыйгалары белән хәбәрдарлыгын булдыру.

Җиһазлау: презентация, видеоролик, фоторәсемнәр

Дәрес барышы:

Оештыру:

-Бүген ничәнче число? Атнаның нинди көне? Ел вакыты нинди? Бүген көн нинди?(салкын-җылы, кояшлы-болытлы,җилле-җилсез һ. б.)

-Сезнеңчә көн матурмы?...

-Укучылар, сез игътибарлы,чөнки бүген дәресебездә кунаклар бар. Алар арасында мәктәбебезнең укучылары да. Дәрестә “Сәламәт тәндә-сәламәт акыл” дигән теманы йомгаклыйбыз һәм сәламәтлеккә спорның тәэсир итүен турында сөйләшербез. Дәресебезне башлыйбыз.

2. Фонетик зарядка: сәламәтлек, саулык, чыныгу, гадәт, шөгыльләнү, зарарлы, файдалы, түгәрәк, кәеф (кабатлау, рус теленә тәрҗемә итү)

3. –Укучылар, сез саулык, сәламәтлек турында нинди мәкальләр беләсез?

-Саулык-зур байлык. Сәламәт тәндә-сәламәт акыл. Чир китә-гадәт китми. Сәламәт булу үзе бер бәхет.

4.-Ә хәзер диалог-сценка карыйбыз. (Ике укучы очраша: берсе актив, берсе пассив. Сөйләшү бара . Пассив укучының начар гадәтләр бар. Шуңа күрә ул авырый, кәефе юк. Ә актив укучы спорт белән шөгыльләнә, режимны үти, шуңа күрә ул күңелле.)

5. Укучылар, ә сез көндәлек режимны үтәсезме?  Сезнеңчә, сәламәт яшәү кагыйдәләре бармы? Әйдәгез, аларны кабатлыйк. (Слайдлар)

6.Сәламәт булу өчен спорт белән дә шөгыльләнергә кирәк . Безнең арабызда  спортчылар да бар.  Үз турында тыңлап карыйк әле. (Укучының чыгышы)

7. Укучылар, бүген безнең  кунагыбызның берсе-яшь кореспондент Айзатуллина Гөлназ. Ул 10нчы сыйныф укучысы,үз мәкаләләрдә спорт тормышын да яктырта. Әйдәгез, аңа сүз бирийк. Укучылар сораулар бирәләр, Гөлназ – сорауларга җавап бирә.

8. –Сез спортның күп төрләрен беләсез (укучылар слайдка карап, әйтәләр-футбол, хоккей, чаңгы һ. б)

9. –Безнең тагын бер кунагыбыз-10нчы сыйныф укучысы, дөнья чемпионы-Васильев Артур.

(Артур үзе турында сөйли, видеоролик күрсәтелә, укучылар аңа сораулар  бирәләр).

10. Мәктәп укучылары бик актив спортта.  (Слайд  яшь   баскетболистлар турында, УНИКС). Сүз 10нчы сыйныф укучысына бирелә. Сораулар, җаваплар.

11. –Укучылар, бүгенге дәрестә сез нәтиҗәләр ясарга тиеш. Без сәламәт яшәүне сайларга тиеш. Сәламәт булу-үзе бер бәхет. Сезгә, туганнарыгызга, дусларыгызга исәнлек-саулык телим! Бәхетле булыгыз! Спорт белән шөгыльләнегез!